الشرع الحرام

15

الشرع الحرام ❌

بقلمي ...آيات احمد
a...q

كن في همومك معرضاً

و كل الهموم إلى القضا

فلربما أتسع المضيقُ

و لربّما ضاق الفضا

و لربّ أمرٍ مسخطٍ

لكَ في عواقبهِ الرضآ

الله يفعلُ ما يشآءُ

فلآ تكن متسّخطاً
      

مساء الورد لاحلى ورداات 🌷🌷
قراءه ممتعه 🤍

وقررت هاي هيه ...اليوم ماابقاله
عد كلمتي بعدني
حضرت غراضي ولبست عباتي وكعدت انتضره
والموضوع ياكل براسي كلشي يكلي شجابرج وتضلين
شو لا الرجال زين
ولاالعيله

مااكدر اضل ويه واحد ماشايفني ومتعلك بوحده مزوجه... مرت كل هالسنين ومانسى
ولااكدر اضل متحمله عيشه اهله بينما اكدر اطلك وارد لوسام ونعيش احسن عيشه
اقلها شخص احبه واكدر اتحمل وياه لخاطر حبه اليه

ضليت بهالتفكير اكثر من ساعه وهو مابين لسه ....اليوم كلش اتاخر ....تعبت من الانتضار شوكت يجي وتفض
شويه ودخل محندل بالعلاليك شافني بهذه الوضع عكد حاجبه وحجى
ـ  خير وين
ـ اروحن لهلي
-هسه  حجاها وونزل عينه ع جنطتي رد كمل
هاي ليش
-بعد ماارد مو انت التمنعني من اهلي فهمتت

-ابتسم وندار  قفل الباب وجاني
ـ  وليش منو المانعج يابه هاج خابريهم... ومدلي علاكه

نترنت شنوو هذه
-افتحي وشوف
-فتحته وشفته كارتون موبايل رفعت راسي اله بشك يعني مو معقوله اليه
بس من كال عجبج ايقنت جايبه الي

لااراديا ضحكت بفرح وكتله
-معقوله ليه

-يي يابه اضحكي من شفتج وشفتيني معبسه حجاها وكسر المخده بفراشي مدد ..وكمل

إذا كان الكريم عبوس وجهُ

فما أحلى البشاشة في البخيلِ

سكتت راسا ودحگتله باستغراب ..همس

ـ للمتنبي

هزيت راسي مافهم انه بهيج سوالف فصحى ومدري شنو 
مدري ذمني مدري مدحني
فكتفيت  بهز  راسي ودنكت فرحانه بالمابايل نسيت نفسي حت العبايه ذبيتها وكابلته وگعدت اكلب وهو يفهمني بي جان جديد طگ...

ولمسه فول من الهوه يتحرك مو مثل موبايل امي الشاشه مكسره نص ينشاف ونص لا... وكل شويه واكف هذه  اسرع من الهوه
شويه وسحبه من ايدي وخلاله  كفر كله ريش بناتي يجننن وشوفني ناصب برامج وحاطلي خط ورصيد بس رقمه ورقم مصطفى
-خليتلج هالرقمين اما الباقي فابكيفج شوفي اضيفين منو ضيفي.... بس يرضالي عليج الله كون مايكونون خارج حدود اهلي واهلج