الشرع الحرام

13

الشرع الحرام ❌

بقلمي ...ايات احمد
a..q

مسائكم راحه بال 🤍

...........................

لن تستطيع سنين البُعدِ تمنعُنا
إنَّ القلوبَ برغمِ البُعدِ تتصِلُ
لا القلب ينسى حبيبًا كانَ يعشقهُ
ولا النجوم عنِ الأفلاكِ تنفصِلُ

              🥀
...............................

ركزت بيها جان
مكتوب  2011as  شدني كلش وبديت اتسآل
شمعنه هالسنه بذات وشنو هالحرفين
وع شنو يدلون ياتره

راسا اجه ابالي لمن زهراء كالت سوسن ....وانوبه اذكرت امه بيوم الجابوني كالت ذيج المسمومه شوي شويه كمت اربط وكدرت احل شفره الحرفين ولكيتهن ماخوذات
من سوسن
واحمد

بس السنه بقت شفره مجهوله ماعرفت شيقصد بيها ...مايهمني اليقصده
  اهم شي طلع يحب يعني فرصه طلاقي صارت اكبر واسرع هالشي فرحني وكلت لازم استفسر واشوف شنو سالفته

شفت مبايله دك كلت اطلع ادزه اله ويه واحد من الجهال ويه  مطلعت واذكرت البارحه من كتله عذري وماخليته يدنالي
كض تلفونه  وبحث صار عندي فضول ودخلت لكوكل طلعلي اول اقتراح
(هل من الطبيعي ال نساء تاتيها الدوره الشهريه مرتين في الشهر)

ضحكت من كلبي ودخلت اشوف شمجاوبينه لكيت مكتوب بالحرف الواحد هيج

قد تنزل الدورة مرتين في الشهر الواحد دون أن يدل ذلك على مشكلة صحية، خصوصًا في حال حدوث ذلك بشكل عرضي واستعادة الانتظام الطبيعي للدورة بعد ذلك، وقد يكون ذلك ناجم عن التعرض لبعض التغيرات في الروتين اليومي، أو بعض الأحداث العاطفية الشديدة،

بلا ولله هاي خوش اجتني عدله جاا  بسبب التغيرات العاطفيه اكيد يصدك ضليت ابحث مكتوب قلق وتوتر وهل الامور يعني كله يراهم حالتي زين حضي كعد هالمره....مسحت ورايه وطلعت ماكو احد ادزه كلهم بالحديقه يلعبون عاد لفيت الشال شلون مجان ونزلتله وحضي
جان الباب مفتوح توقعت ماكو احد دخلت وشفت طالبه بعدها يمه

كلش اكرها هاي جانت وياي بثالث وبعدها راحت علمي بس دايما اشوفها بالساحه ابد مااطيقها لوتيه كلش ضلت متفاجئه من شافتني حجيت بعدم اهتمام هذه تلفونك يدك ومديت ايدي انطيته حجت هي راسا

-شسوين هنا ؟ شيصيرون منج ليش حجتها مستغربه

رفع راسه وكال
ـ  هذه ابوج المتصل الضاهر ينتضرج اتاخرتي عليه خليها ع المحاضره التجي اشرحهاالج وتصير اعاده للبقيه.... وهم يستفادون خوووش
-  خوش ... تعبتك استاذي

نفسي لعبت من تنعوصها تسحل الكلام سحل ...

- ردلها تعبج راحه يدللن صديقات مرتي حجاها وغمز بطرف عينه وخله ايده ع متني