الشرع الحرام

part 10

الشرع الحرام ❌
بقلمي ....ايات احمد
a...q

مساء الخير 🧡
.........................

تزوّد من الدّنيا فإنّك لا تبقى
وخُذْ صفوها لمّا صفوت ودع الزّلقا
ولا تأمننَّ الدّهر إنّي أمنته فلم يبقَ لي خِلّاً ولم يرعَ لي حقّاً 🥀

..................

-وانه منا ورايح رايحه لهلي وعايفتلكم البيت مدام بعدني ع البر ممجبوره اتحمل وهميت امشي لفيت العباه من ومنا وطلعت

فرحانه اكول بكلبي خلصت بس يافرحه ماتمت لحگني وسحبني من ايدي وحجى

ـ مالها داعي طلعتج كلشي يتصلح اذا على هدومج الانحرگن اجيبلج غيرهن وفضي الموضوع ...
هديت ايدي وكتله
ـ هي السالفه مو هيج بس ..
ـ لابس ولاابد اصعدي فوك بس اكمل المحاضره اردلج ونحجي هسه ماعندي مجال والطالبات جاي ينتضرن عيب ..زهراء اخذيها وياج فوك ماوصيج ..
ـ بعيني ماخليها تطلع اطمئن انت وروح حجتها وردت سحبتني من ايدي وكامت ادفع بيا فوك ورويده هم وياها

وبمجرد مافتنا الغرفه بدن دك رزايل وليش مانزعتي وشلزوم هالسالفه السويتيها قابل الاسود راح يرجعه وحتى موزين عليج انتي عروس ..

دخلت زينب تتعذر من الباب وجان اطردها

ـ امشي اطلعي بره ادبسز ماستحيتي تحركينهن وانه وياج من الصبح عين بعين
حجيتها ورديت ضربتها بالكوشه مالت الجربايه ....

ما اهتمت وفاتت تمسح بعيونها تگلي
ـ لج ولله مو بيدي... ولله اذا ماانفذ جانت راح تكع براسي وافقد عمتي هي الوحيده الواكفه بطلاكي لو ماهي جان اطلكت من الصبح

ضليت مصدومه يعني الكلام السمعته من جعفر صدك

-وشنو يعني مايطلكج طزز بواحد ممسويلي كرامه وميحبني وما يتگبل وجهي ..

عگدت حاجبها ادحك لرويده وزهراء وهمست من السولفلج

ـ موهنه الي حجن انه سمعته الضهر يحجي ويه وحده ويكللها هالكلام

من حجيت هيج فقدت كعدت بالكاع وصارت تبجي وتتحسب وتدعي عليه

ـ كون الله يشوفني بيك يوم مثل ما ماسح بكرامتي كدام اليسوه والمايسوه حسبي الله ونعم الوكيل بيك ..

تقربت منها وحجيت

ـ مايحتاج تتحسبين وتدعين تره الحل سهل وبيدج خلص خلي يطلكج مدام بعدكم حتى جهال ماعدكم

ـ هو هنا المشكله  ماعندي جاهل ولله لو عندي دقيقه مااضل جان خليته يطلكني ويامنلي مسكن انه وجهالي وخل يولي شيسوي خل يسوووي بس الحقير حتى من هالشي مانعني ويسوي احتياطاته حتى  ماخلف

..دمرني الله لاينطي ضربني بانوثتي خلاني اشك بروحي مره... ولله اكف ع لمرايه ساعات وانه صافنه و اباوع بوجهي واكول شبي وهيج لمن يتقربلي يغطي ومايريد يدحك بي