🚬 Second Chance 🚬 (ဒုတိယ အခွင့်အရေး ) အပိုင်း ( ၈)
(မောင့်သက်လျာ Season 2)
🚨🚨🚨
"ဟယ်လို ... ဘာလုပ်နေတာလဲ အိပ်နေပြီလား "
"ဟင့်အင်း ... မအိပ်သေးပါဘူး နင်ရော ဆေးလိပ်ေတွ သောက်နေပြန်ပြီလား "
"မသောက်ပါဘူးဗျာ ... သောက်နေကျဆိုတော့ နဲနဲတော့ နေရခက်တယ် "
ရုတ်တရတ်ကြီး ဖြတ်လိုက်တာက လွယ်တော့မလွယ်ကူချေ ...
"နေရခက်လဲ နင်မသောက်နဲ့နော် "
"အင်းပါ ... ဒါနဲ့ခင်က အဲ့ နင် နင်လို့ပဲ ခေါ်တော့မှာလား ... အခေါ်ဝေါ်လေးပြောင်းဖို့ရော စိတ်ကူးမရှိဘူးလား "
"ဟင် ... ငါက ဘာပြောင်းရမှာလဲ အခုလဲ အဆင်ပြေနေတာကို "
"မောင် မပြေဘူးလေ ခင်ရဲ့ ... နင်လို့ မခေါ်ပဲ မောင်လို့ ပြောင်းခေါ်လေ နော် "
"မခေါ်ချင်ပါဘူး ... ရှက်စရာကြီး "
"ဘာရှက်စရာရှိလို့လဲ ခင်ကလဲ ကိုယ့်ကောင်လေးကိုယ်ခေါ်တာကို ... မောင့်မေမေဆို ခုချိန်ထိ ဖေဖေ့ကို မောင်လို့ပဲခေါ်တာ ... ဘယ်လောက်ကြည်နူးဖို့ကောင်းလဲ "
"မောင်လို့ခေါ်ရအောင် နင်က ငါ့ထက်ငယ်တာမှ မဟုတ်တာ "
"မငယ်လဲ ခေါ်လို့ရပါတယ်ကွာ နော် ..."
"ငါ အဲ့လိုတွေ ခေါ်ရမှာ ရှက်တယ် ... တစ်ခါမှလည်းမခေါ်ဖူးဘူး "
"လုပ်ပါကွာ ခုအစမ်းခေါ်ကြည့်ပါလား ... နော် နော် မောင့်ကို မချစ်ဘူးလားလို့ "
"အင်း အဲ့ဒါဆိုလဲ ငါခေါ်ကြည့်မယ် နင် မရယ်ရဘူးနော် ..."
"မရယ်ပါဘူး ခေါ်ကြည့် ... မောင်နားထောင်ချင်လှပြီ "
"အင်း ... မောင် "
သူမရှက်ရှက်နဲ့ တိုးညှင်းစွာ ခေါ်လိုက်သည် ...
"ဗျာ ... နားထောင်ကောင်းလိုက်တာဗျာ ... "
သူ့ရင်ထဲမှာလဲ ဗလောင်ဆူကာ ဗြောင်းဆန်နေလေသည် ...
အရင်က ကြားဖူးခဲ့တဲ့ မိန်းမပျိုတွေရဲ့ ချွဲချွဲနွဲ့နွဲ့ အသံတွေထက် သူမရဲ့ ရှက်ရွံ့ရွံ့အသံလေးက သူ့ရင်အစုံကို လှုပ်ခါစေပါသည် ...
သူမရဲ့ အသံချိုချိုလေးကလည်း သူ့ကို ကြည်နူးစေပါသည် ...
YOU ARE READING
second chance (ဒုတိယ အခွင့်အရေး)
Romance🚬 Second Chance 🚬 (ဒုတိယ အခွင့်အရေး ) (မောင့်သက်လျာ Season 2) ဘုန်းမင်းခန့် 🚬 ပထမဆုံးနဲ့ နောက်ဆုံးအကြိမ်အဖြစ် မှားမိတဲ့ အမှားမို့ ဒုတိယ အခွင့်ရေးကို တောင်းဆိုပါရစေ ... ကိုယ့်ကို အဲ့လိုထားသွားဖို့တော့ မကြိုးစားပါနဲ့ဗျာ ... ပြောတော့ အရမ်းချစ်တယ်ဆို...
