سهيت بـ نظرة عيونك واثاري هالعيون بلاد

2

في الصباح في بيت ابو فيصل..
صحى نايف على صوت حلا اللي تصحيه: نايف قوم بسرعه بتأخر على المدرسه ودني ورح دوامك
نايف: طيب روحي بتروش واجي
حلا: لا تتأخر
راحت وقام نايف يتروش ونزل شافهم يفطرون: صباح الخير
باس راس ابوه وامه
ابو فيصل: صباح النور وش ذا النوم؟
نايف: معليش يبه راحت علي نومه
ابو فيصل: افطر افطر الله يخلف علي
قام وطلع
ام فيصل شافته تعبان: نايف يوجعك شي
نايف: لا بس صداع
جات حلا: اخلص يا نايف بتأخر
نايف: ياصبر الارض يلا امشي
ام فيصل: افطر يمه
نايف: لا يمه مابي
ام فيصل: الله يحفضكم
طلع نايف وحلا
ــــــــــــــــــــــــــــــــــ
عند فيصل
كان فالمكتب ودق على ابتهال
ردت ابتهال: هلا يعمري
فيصل: هلا ياروحي، كيفك
ابتهال: بخير ياقلبي كيفك انت
فيصل: بخير دامني سمعت هالصوت
ابتهال: فيصل؟
فيصل: عيونه
ابتهال: ابي اقول لك عن اخوك نايف
فيصل: شفيك ذا البزر
ابتهال بكيد: احسه يتمصلح يجي اذا شافني في مول يتعرض قدامي وخايف منه
فيصل بغضب؛ خيير ذا اللي مايستحي
ابتهال: لا تسوي له شي مابي اخرب بينكم، اذا سوا شي او رقمني قلت لك زين ياعيوني؟
فيصل؛ طيب ياعيون فيصل
سكرت وفيصل وصل حده من نايف
ابتهال تبي تتخلص من نايف اللي يحبها وسوت ذا السيناريو.
ـــــــــــــــــــــــــــــــ
عند نايف
كان جالس فالدوام ودخل (عبدالعزيز صديق نايف من الصغر عمره 25)
عبدالعزيز: نايفووه وش تفكر فييه؟!
نايف: افكر في ابتهال!
(بقول لكم ليش الزين مايكمل، ابتهال تكلم نايف و فيصل بالجوال وهي تحب فيصل بس نايف تضيع وقت معاه، وللاسف طاح نايف في حبها ولا يدري ان فيصل يحبها)
عبدالعزيز: خبل انت، نايف اعقل ترا اللي تكلمك بالجوال وما تحترم تربيت ابوها لها اتركها وش بلاك انت ماتفهم!
نايف: وش اسوي ياخي احبها
عبدالعزيز: حبتك القراده انت وياها، ترا هي تكلمك اكيد انها تكلم غيرك.
نايف: لالا هي تحبني وانا احبها وخلاص وان شاء الله قريب بتزوجها
عبدالعزيز: براحتك، وش رايك نفطر؟
نايف: اي والله وقته وين تبي نروح؟
عبدالعزيز: تعال في محل فول وتميس بطل
نايف: هذا حدك فول وتميس
عبدالعزيز بضحك: احمد ربك عالنعمه وبعدين المفروض تفرح لاني عازمك.
نايف: وين عازمني ياحظي كلها فول وتميس بس معليه كثر خيرك
ـــــــــــــــــــــــــــــــــــــــ
العصر في بيت سلطان ابو محمد
كانت ام محمد ومحمد جالسين فالحوش
ام محمد: محمد انت الى متى بتقعد كذا؟
محمد: ليش وش فيني يمه؟
ام محمد: تزوج ابي اشوف عيالك
محمد: ومن اتزوج؟
ام محمد: وش رايك في روان بنت عمك؟!
محمد: والله روان ما اعرفها ولا اعرف تصرفاتها انتي يمه تشوفينها مناسبه؟
ام محمد: اي مناسبه لك
محمد: اجل توكلنا على الله
ام محمد بفرح : يعني نخطبها
محمد بأبتسامه: ايه
ام محمد: اجل اذا جاء ابوك نقول له
محمد: زين
ـــــــــــــــــــــــــــــــ
في بيت ابو فيصل.
كانت ام فيصل وفيصل ونايف جالسين جات حلا: يمه شنطتي انقطعت ابي وحده جديده
ام فيصل: وش قطعها
حلا: الكتب ثقيله
فيصل: هذي الرباده ولا الشنطه تو مالها الا شهر وانقطعت؟!
حلا: فيصل شفيك انت بتوديني اشتري شنطه ولا تتدخل
فيصل: احترمي نفسك لا اقوم واوريك وجهي الثاني!
ريان وهو داخل: من ذا اللي عندن وجه ثاني
حلا: فيصل
ريان: الله وجه ثاني يعني عندك وجهين
فيصل: ريان والله لا اقوم واوريك شغلك
نايف: ياشباب هدو هدو ماله داعي ذا كله، وانتي يالحلا ابشري بعزك انا اوديك وانت ياريان انثبر هنا، وانت يافيصل هد
حلا وهي تجلس جنب نايف: الله لا يحرمني منك يا اخوي الحلو.
فيصل: الحمدلله والشكر
حلا: وش فيك يا فيصل ترا ماكلمتك
فيصل: حلا احترمي نفسك احسن لك
نايف: خلاص ياجماعه وانتي يا حلا قومي البسي عباتك وامشي، يمه بتروحين معنا؟
ام فيصل: لا والله يمه خالتك بتجي
نايف: طيب، وين روان
حلا: مشغوله بكتابها تقراء
ريان: الله يعطيني فضاوتها ياشيخ
نايف: روحي البسي عباتك واسأليها بتروح معنا او لا
فيصل: خير يالحبيب بتاخذهم كلهم خذ هذي بس وش تبي بـ روان؟
نايف: يمكن محتاجه شيء
فيصل: محد مدلعهم الا انت بتخربهم علينا
نايف: فيصل وراك؟، تراهم خواتي واذا دلعتهم وش فيها انت اطلع منها بس
ام فيصل: بس ياعيال بس
طلع نايف ينتظر حلا وروان بعد شوي جاو
روان شافته معصب: نايف فيك شيء
نايف: لا يلا اركبوا
ركبوا وراحو للسوق.
ـــــــــــــــــــــــــــــــ
في يوم الجمعه بعد المغرب كان ابو محمد عند ابو فيصل عشان يخطبون
ابو محمد: يابو فيصل انا جيتك وابي القرب من اخوي ويشرفنا اني اخطب بنتك روان لولدنا محمد
ابو فيصل: والله هذي الساعه المباركه وحياكم الله بس اشاور البنت ونشوف رايها
ابو محمد: زين زين
ـــــــــــــــــــــــــــــــ
عند الحريم كانت ام فيصل وحلا وروان بالمطبخ
حلا: غريبه عمي جاي وما جاب اهله معه
روان: يقول ان عنده موضوع مع ابوي
حلا؛ وش موضوعه
ام فيصل: انتو وش دخلكم في سوالف الرجال؟ خلصو العشاء يلا
وماهي الا ثواني ودخل ابو فيصل وفيصل ونايف
ابو فيصل نادا روان
جات روان: هلا يبه
ابو فيصل: عمك يخطبك لولده محمد وش رايك؟
روان انصدمت وما عرفت تتكلم
نايف: اعرفي يا روان انه مافيه احد بيجبرك عليه وذا ما تبينه ماراح تاخذينه
فيصل: وش قلتي لا تسكتين
روان اخيرا تكلمت: الشور شوركم
نايف: تراه مثلك يحب يقراء الكتب
ناظرته روان بطرف عين وتكلمت بخجل: اللي تشوفونه
ابو فيصل: يعني موافقه
روان: ايه
ابو فيصل: على بركة الله
رواحو ابو فيصل وفيصل وبقى نايف ودخل مع روان المطبخ: يمه ابشرك بنتفك من روان
ام فيصل: وش بنفتك منها؟!
نايف: محمد ولد عمي بيتزوجها
حلا: الله روان كبرت وصارت عررروس
ام فيصل: وانتي موافقه
روان: ايه ماعندي مشكله مع محمد
ام فيصل: الف مبروك يمه
روان: الله يبارك فيك
نايف: وان شاء الله نفتك من حلا بعد
حلا: حبيبي انا قاعده على قلبك
نايف: هب يا وجهك، يلا بروح للرجال
طلع نايف وراح للمجلس وشافهم يتفقون على الملكه بعد اسبوعين والزواج بعد شهر وتعشوا وراحو.