سهيت بـ نظرة عيونك واثاري هالعيون بلاد

5

محمد بابتسامة؛ تعبت وانا انتظر ياخي
روان تخصرت؛ ماعندك نيه تطلع؟
محمد: شكلها طرده؟
روان: لا مب طرده بس عشان تغير جو لانك البارح مب عاجبني
محمد: اساسا انا مواعد العيال بطلع معهم يلا سلام
روان؛ مع السلامه
شافت ليان طالعه من المطبخ؛ ليان؟
ليان: هلا روان؟
روان: اذا ماعليك امر ممكن تروحي لـ جناحي تحيبين جوالي؟
ليان بابتسامة؛ ابشري.

طلع لـ جناجه وبدل ملابسه وحس باحد حضنه من ورا
محمد بضحك؛ روان؟، توني كنت معك امداك تشتاقي؟
محمد يعرف ان روان اذا اشتاقت له تحضنه من ورا
فوز؛ بس انا مب روان
التفت بقوه وانعاد نفس الشي، كانت بكامل زينتها ونشفت ريقه مره ثانيه، بس هالمره خضع لها بسهوله
فوز؛ شرايك حلوه؟
محمد بهمس وهو مركز على شفايفها؛ تجنن
فوز وهي تشوف تركيزه؛ اذا تبي تبوس ترا عادي
ناظرها لـ ثوان ومسك خصرها وباس شفايفها بهدوء
فوز؛ خذ راحتك ترا انا لك
محمد بهمس: اطلعي برا
فوز وهي تمرر يدها على صدره؛ ليش؟، ماعجبك اللوك؟
محمد وهو يتحسس ظهرها؛ كيف ما عجبني، قولي جاب راسي
فوز بابتسامة؛ تبيني؟
هز راسه بالرفض؛ مابي، يلا اطلعي برا
فوز؛ طيب، احبك

لفت وطلعت واغمض عيونه من ريحة عطرها اللي داهمه، فتحها بغصب ولف للمرايا وتعطر وطلع من الجناح بغضب، ركب سيارته وتوجه لـ اخوياه.
ـــــــــــــــــــــــــــــــ
دخلت غرفتها بابتسامة وهمست: هذا اللي بـ يخلي روان تبعد عن محمد.
ضبطت الفيديو وحطته بالدولاب لين يجي وقته.
ـــــــــــــــــــــــــــــــ
دخلت جناحها وشمت ريحة عطر غريبه مب ريحة عطرها ولا ريحة عطر محمد، فكرت انه ممكن يكون عطر ليان، لبست عبايتها وطلعت متوجهه لاهلها تزورهم.
ـــــــــــــــــــــــــــــــ
'لييش لييش قالها وين كان عقله هالخبل'
جمله قالتها روان لما درت ان فيصل قال لـ نايف انه لقيط
ام فيصل: الله يهديه
روان بغصب: قولي الله ياخذه
ام فيصل: روااان؟، لا تدعين على اخووك!
روان؛ لا حول ولاقوة الابالله، نايف وينه الحين؟
ام فيصل؛ نايم
روان بـِ تردد: يمه انتي صدق ماتعرفين اهله؟
ام فيصل بـ تنهد: الا اعرفهم
روان بذهول: كيف؟
ام فيصل: اعرفهم بس انا متعلقه بـ نايف ما ابيه يروح مني
روان: من متى تعرفينهم؟
ام فيصل: اعرفهم لما كان عمر نايف 15،خفت يعرفون انه ولدهم وياخذونه مني، بالرغم من ان له توأم اسمه سعود، نسخه منه لو تشوفينه تقولين نايف النسخه الثانيه، يشبهه بالصوت والشكل والطول وكل شي، عموما اضطريت اقول لابوك اننا ننقل من حارتنا اللي الحاره ذي، طبعاً ابوك ما رفض لأن اخوه سلطان هنا يعني يكون قريب من اخوه.
روان: واهله الحين في نفس الحاره القديمه؟
ام فيصل: اي، حتى لو تبيني ادلك بيتهم دليتك، كانو جيراننا
روان بذهول: لاتقولين لي ان بناتهم ريم ولمى؟
ام فيصل: اي هم ريم ولمى وامهم نجلاء وابوهم ناصر واخو نايف التوأم سعود واخوه الثاني متعب
روان: بتقولين لـ نايف؟
ام فيصل: مدري، بس انتي لا تقولين له شي
روان؛ تمام.
ـــــــــــــــــــــــــــــــ
دخلت غرفتها بصدمه من اللي شافته، جلست على السرير ويدها ترجف بصدمه، مب معقوله ان اخوها اللي تحبه وتفتخر فيه بين الكل يطيح من عينها كذا، لا وبأشنع طريقه، يخون زوجته؟، لا مع وحده رخيصه بايعه نفسها وشرفها ومسويه كذا، بكت بصدمه من اللي شافته كانت بتقول لـ امها بس خافت، مالها الا اذا رجع تتفاهم معه.
ـــــــــــــــــــــــــــــــ
فتح عيونه وجلس وكانت الساعه 10 الصباح، تروش ونزل وشاف الكل فالصاله
نايف بهدوء؛ سلام عليكم
الكل: وعليكم السلام
باس راس امه وابوه ولف بـ يطلع بس اوقفه صوت ابو فيصل: وين رايح؟
نايف بهدوء: عندي شغل
ابو فيصل؛ انت ناسي ان اليوم اجازه؟
نايف: لا مب ناسي بس الشغل مب من شغل الشركه، مع السلامه