سهيت بـ نظرة عيونك واثاري هالعيون بلاد

14

بعَد المغرب..

نزل جابر من سيارته ووقف قدام باب بيت نايف ، رفع يده ودق الجرس وهو يناظر الحاره اللي من زمان عنها.

جاء نايف وفتح الباب ، جابر بهدوء؛ سلام عليكم
نايف؛ وعليكم السلام والرحمه
جابر؛ انت نايف؟
نايف: وصلت اي نعم
جابر: انا جابر اخو ديم اللي هي زوجتك
ابتسم: هلا حياك الله اقلط

دخل جابر وهو ماارتاح لـ نايف ومشتاق لـ ديم ، ماامداه الا وطلعت ديم من الباب؛ جابر !
ابتسم بلهفه: عِيييونه
ركضت وارتمت فِي حضنه وهي مشتاقه له حيييل ، ناظرهم نايف بغيِره على ديم اللي فِي حضن جابر وهو محاوطها ويبوس راسها.
تنحنح ونطَق؛ تفضل ياجابر
دخلو وجابر باقي محاوط كتوف ديم ونايف ودّه يخنقه من كثر الغيره ، صح انه اخوها بس نايف يغار عليِها من ضلها كيف لو يشوف اخوها حاضنها قدامه ؟ .

جلسو وصب نايف القهوه وودّه يشغل جابر في شي بدال مايحضن ديم ، بس ديم كانت جمبه وباقي محاوط كتوفها.
انتبهت ديم لـ نظرات نايف اللي كأنها نار وحاولت توخر يد جابر بس جابر متعمد يسوي كذا لما شاف غيرة نايف

جابر: وين بنتك ؟
ديم: نايمه
جابر بابتسامة: ان شاء الله تشبهني؟
انفجرت ديم تضحك وجابر مبتسم: ماقلت شي يضحك سلامات؟
ديم: هي لو تشبهك بأعطيك اياها تتأملها كل يوم
جابر: يعِني ماتشبهني؟
ضحكت ديم: لا شفيك صامل على التشبيه؟

قام نايف لان مواعد متعب وسعود ، ماكان ودّه يروح ويترك جابر بس قد واعدهم ، استأذن ومشى وهو واصل حده من تصرفات جابر.

~فالمجلس

جابر؛ شفيه زوجك عابس كذا؟
ديم؛ لانك حمار
جابر؛ انا؟
ديم؛ اي ، ليِش حاضني كذا؟
جابر بسخريه؛ عسى بس يغار عليِك من اخوك؟ ، الصدق اني ماهضمته ياديم ! ، تعامله معَك زين؟
ديم بابتسامة؛ اي حلو
جابر بتدقيق؛ متأكده؟
ديم: اي شفيِك؟
جابر وهو يسند نفسه؛ اذا هو مسِوي شي قولي عشان اذبحه
ديم بخوف: جابر؟ ، انت جاي من الباحه عشان تحطنِي ارمله؟
جابر بحده: ترا مافِيه شي جابنِي من الباحه الا زواجك ، كنت احسبك طوول هالمده عِند عمَك هالرخمه لكن تزوجتي وياليتك تزوجتي واحد غريب مالقيتِي الا ولده؟
ديم: نايف سوا لك شي قالك شي؟
جابر؛ لا يخسي ، انا ماهضمته من بدايتها يغار عليِك من اخوك مدري من وين يفكر هالخبل ، ونظراته جعل عِيونه العمى
ديم: جابر ترا مااسمح لك تغلط عليِه
جابر بسخريه؛ لا انا خايف منك وانتظر اذن السماح ، ياشيخه اسكتي الله يرحم والديك ، والله لو ما كان عليِك بنت كان اخذتك معِي وخليته يطلق غصب عنَه
ديم: لا والله؟ ، تبي تتحكم بحياتي بعَد؟ ، بعدين من ذا اللي قال لك اني ابي الطلاق اصلا؟
جابر: انا قلت لـ نفسي!
ديم: جابر انت ليِش ماتفكنا من المشاكل؟ ، جيِتك هذي عشان تزورني انا وبنتي مب عشان تخرب حيِاتي وتقتل زوجي!