قاطعه دخول ابو سعود: لمى ياكثر سوالفك روحي نامي
لمى: طيب، تصبحون على خير
طلعت والتفت ابو سعود: وش عندك تسأل عن ديم؟
نايف بهدوء: بس لمحت بنت فالحوش وقلت اتأكد بس
ابو سعود: اي بنت عمك ديم، كنت ابي سعود يتزوجها بس رفض لانه خطب بنت جيراننا
نايف بهمس: الحمدلله انه ماتزوجها!
ابتسم وهو سمع كلامه: ليش، بتتزوجها انت؟
نايف بتوتر: لالا ماقصدت بس يعني!
ابو سعود: يعني ايش؟
نايف: لا ولا شي
ابتسم بهدوء: تصبح على خير
نايف بابتسامة: وانت من اهله
طلع، ودخل نايف يتروش ويبدل وانسدح ويناظر السقف؛ وهذا انت لقيت اهلك وش تبي اكثر من كذا؟، آههخ ياديم، مدري ليش سحبتي تفكيري.
اعتدل وانام بس كانت كل احلامه في ديم.
ـــــــــــــــــــــــــــــــ
طلعت للحوش وبيدها شاهي نعناع، تناظر الورد بابتسامة حزن، التفتت وشاف عمها وراها، نزلت انظارها للاسف بخجل من نفسها ومنه، ابتسم وباس جبينها: شلونك ديم؟
ديم بخجل: تمام
مسك يدها ومشى معها للجلسه اللي فالحوش الخلفي، جلسو والتفت لها: كيف تشوفين الرياض معجبتك؟
ديم: اي الحمدلله
ابو سعود: وتصرفات ريم ولمى وامهم؟ كيفها معك؟
ديم بابتسامة: حلوه حبيتهم الصدق
ابو سعود: اذا احد منهم ضايقك قولي لي واخليه يندم
ديم: لا ياعمي محد ضايقني
ابو سعود: زين يبه قومي نامي الوقت تأخر
ديم بتردد: عادي اسألك؟
ابو سعود بابتسامة: اسألي
ديم: انت لك ولد اسمه نايف؟
ابتسم؛ اي لي
ديم؛ طيب عادي تقول لي سالفته؟
اعتدل وبدا يروي لها السالفه كلها وسط ذهولها من كل الاحداث.
ختم وهو ينطق: والحمدلله هذا هو رجع والامور طيبه، والحين روحي نامي يلا حنا نصف الليل الحين
ابتسمت وباست راسه: تصبح على خير
ابتسم بهدوء: وانتي من اهله
راحت غرفتها وطلع لـ غرفته.
ـــــــــــــــــــــــــــــــ
اخذت شور ونزلت وسوت لها فطور وطلعت لـ جناحها واخذت جوالها وشافت رقم مرسل لها فيديو دخلت الفيديوهات وانصدمت من اللي شافته، خيانه؟، زوجها يخونها؟، مع فوز؟، بالحراام؟، محمد اللي تحبه يسوي كذا؟.
دخل وشاف ملامح الصدمه على وجهها: روان فيك شي؟
ناظرته وسرعان ما طاحت فاقده الوعي.
مسكها وقعد يهزها: روان رواااان اصحححي؟
شالها وركض بها للسياره، ركب وتوجه مسرع للمستشفى وكل شوي يلتفت ويناديها بس مافيه فايده.
ـــــــــــــــــــــــــــــــ
صحى على وصوت متعب يصحيه، قام وتروش ونزل وشاف امه وخواته ومتعب فالحوش.
نايف: سلام عليكم
الكل: وعليكم السلام
جلس ولا باس راس امه، يتوتر منها وهي مقدره هالشي
جاء سامي: خالي سعود الثاني؟
ابتسم بهدوء ونطق متعب: اسمع تعرف تركب خيل؟
نايف: اي اعرف
متعب: اجل يلا امش نستانس
نايف: الحين؟
متعب: اي الحين انت فاضي؟
نايف بتفكير: مواعد عبدالعزيز بروح له
كشر متعب: لايكون اللي دق عليك البارح؟
نايف: اي هو
متعب: يع مدري كيف انت صابر عليه
نايف: هههههههههههههههه الحب اعمى
متعب: اي والله تحب واحد مايستاهل مع انك تدري بس تحبه هههههههههههههههههههه
نايف بابتسامة: قم قم صب لي شاهي
متعب؛ تتأمر علي؟
نايف: اخوك الكبير، يلا صب
متعب: نصب ليش لا؟
صب الشاهي واخذه وعينه للورد اللي في زاوية الحوش.
جاء سعود: صباح الخير
الكل: صباح النور
باس راس امه وجلس، متعب: يلاااا اشرب بسررعه
نزل الكاسه ووقف: جوالي نسيته، رح جيبه
متعب: لا جيبه انت وتعال انتظرك بالسياره
أنت تقرأ
سهيت بـ نظرة عيونك واثاري هالعيون بلاد
Randomاول رواية لي. حطيت حيلي كله فيها ان شاء الله تعجبكم. "عندكم آرآء قولوها بالتعليقات. الكاتبه: نرجس.
