سهيت بـ نظرة عيونك واثاري هالعيون بلاد

13

عِند عبدالعزيز اللي اخذ رقم حلا من جوال اخته بدون ما تحس ، يبِي يتصل عليِها بس يخاف انها ترفض تكلمه بحكم انهم باقي ماتزوجو بس خطبه ، استجَمع قوته واتصل

كانت جالسه وتبكي متأثره بالمسلسل اللي تتابعَه ، سمعَت صوت جوالها وفتحت بدون ماتشوف مين المتصل تحسبَه المندوب حق الاكل؛ حط الاكل عِند الباب.
ضحك عبدالعزيز؛ شكلك جوعانه؟
اعتدلت حلا ونطَقت: مِين انت؟
عبدالعزيز؛ خطيبك عزوز او عزيز اللي تحبيِن

كان عبدالعزيز يتذكر ان حلا لما كانت صغيره تتحلطم لان اسمه طويل وكانت تختصره وتسميه عزوز وعزيز

حلا بفشله؛ معليش ، وين لقيِت رقمي؟
عبدالعزيز؛ مالي خلق اقول لك ، عموماً ابي اعرف ليِش شرطك كذا؟ ، لو اننا متملكين كان الحِين طالعِين مع بعض
حلا؛ وش فِيك مستعَجل لاحقيِن معليِك
عبدالعزيز بابتسامة؛ متى تبيِن زواجنا؟
حلا؛ مدري
عبدالعزيز؛ وش رايك بعد زواج اخوك ريان بأسبوع؟
حلا: لا بعده بـ شهر افضل !
عبدالعزيز: اوووف ، شهر ؟
حلا: اي
عبدالعزيز؛ بس كأنه بعِيد؟
حلا؛ لا انا ابَغى شهر
ابتسم عبدالعزيز: كم حلا عِندي انا ؟ ، ابشري
ابتسمت ونطَقت: يلا مع السلامه
عبدالعزيز: وين وين ماقلتي ليِش تبكيِن؟
حلا؛ لا بس كنت اتابع مسلسل وتأثرت
انفجر يضحك بقوه ونطَق: تبكين من مسلسل ياحساسه؟ هههههههههه
حلا: لانك بدون مشاعر ولا تحس بالمسلسلات
عبدالعزيز: شفِيك امزح !
حلا؛ يلا سلام فاتتني احداث
عبدالعزيز بابتسامة: مع السلامه ياحساسه
ضحكت وسكرت وهي دايخه من صوته اللي يخقق.

ـــــــــــــــــــــــــــــــ

بيت نايف..

كان منسَدح فالغَرفه ولينا على صدره تلعب معَه ، جات ديم بهدوء وجلست جمبه وهي مصدومه من اللي سمعَته

اعتدل وشافها واضح انها مصدومه مسَك يدها ونطَق: ديم وش فِيك؟
ديم بهدوء: مافيِني شي
نايف: كيف مافِيك شي وانتي وجهك مقلوب كذا ؟
اعتدلت ونطَقت؛ انا قلت لك من قبل ان لي اخو من امي؟
نايف: اي
ديم: اتصل علّي وقال لي انه جاي لـ الرياض بكرا ، وانه كان ساكن في الباحه عِند عمانه.
نايف: انتي متأكده انه اخوك؟
ديم؛ اي هو اعرف صوته بيِن الف صوت!
نايف: ومن متى فِي الباحه؟
ديم؛ مدري بس هو مختفي من لما كان عِمري 15
نايف بتفكير: والحِين عمرك 21 وتوه يتصل ويسأل ، غريِب وضعه هذا؟
ديم؛ صوته خوفنِي ماادري يمكن انه معَصب !
نايف؛ خليِه يجِي ونشوف اذ هو اخوك ولا غلطان
ديم؛ بس هو يكره عمِي ، ابوك
نايف؛ ليِش؟
ديم؛ مدري يتهاوشون دايم حتى كان يكره ابوي مع ان ابوي كان يعَامله كأنه ولده
نايف؛ طبيعي يمكن مايبِي رجال غريب يشوف امه
ديم: ابوي زوجها مب غريِب
نايف؛ بس هو كان متعَود على ان ابوه يشوفها وفِي لحظه واخرى يجِي رجال غريب ويحل محل ابوه طبيعي راح يسوي كذا واكثر بعَد.