سهيت بـ نظرة عيونك واثاري هالعيون بلاد

4

ام محمد؛ فوز؟؟، بتقعدين كذا والرجال بيجي؟
فوز؛ وليش عادي حنا دايم كذا
ام محمد؛ هذا لما كنتو صغار مب الحين
فوز: اووف طيب
اخذت جلال وحطته عليه وقعدت جالسه وروان بـ تنفجر من العصبيه، دخل محمد بعد ما ناداء وسمحو له
ام فوز؛ وش لونك يامحمد؟
محمد؛ بخير الحمدلله انتي وش لونك؟
ام فوز: بخير، بس اشوفك تزوجت بنت عمك وخليت فوز؟
محمد: وهو يناظر روان اللي بتجي تذبحه؛ القلب وما يعشق يا خاله، يلا يا ام زياد
تعمد يقول ام زياد عشان تدري ام فوز وفوز انها حامل
طلعو والتفتت ام فوز؛ ام زياد؟
ام محمد: اي نسيت اقول لكم ان روان حامل
تأففت فوز بغضب وام فوز مثلها.
ـــــــــــــــــــــــــــــــ
ركبت ووجهها لـ الشباك ومعصبه، مسك يدها: من مزعلك؟
التفتت بغضب؛ لا والله ماتدري؟؟
ابتسم بهدوء؛ انتي عارفه انه كلام كبار يعني مابيننا شي
روان: وش افسر خطبتك لها؟
محمد: من قالك اني خطبتها؟، ماصارت بيننا خطبه ولا شي الكلام كان كلام امها وهي اللي علقتها فيني وانا ما ابيها، انا ابيك انتي ياروان لا تفكرين كذا.
ناظرته لـ ثواني ولفت بوجهها لـ الشباك، تنهد ومشى متوجه لـ بيت عمه.
ـــــــــــــــــــــــــــــــ
كانت جالسه بالحوش لين جاء ريان؛ حلا وش فيك؟
حلا: طفش ياخي ماتحسون؟
ريان وهو يجلس: كلنا طفشانين، تجهزتي لـ زواج فيصل؟
حلا؛ اي تجهزت، بس امي ماكان تجهيزها كامل باقي اشياء
ريان؛ تجهزو مابقى الا 5 ايام..
قاطعهم صوت جرس الباب، قام ريان وفتح وشاف روان ومحمد
ريان؛ ارحببو
محمد بابتسامة: البقى
سلمو وسلم على روان وهو يقول؛ هلا باللي تزوجت وسحبت علينا؟
روان؛ معليك راجعه لكم وبقوه بعد
ريان؛ ابهريني بالقوه
روان؛ اول شي من فالبيت؟
ريان؛ انا وحلا وامي وابوي وفيصل
روان؛ و نايف وين؟
ريان؛ طلع من الصبح ولا ندري وينه، وش القوه قولي يلا
روان وهي تدخل: بـ تصير خال
راحت والتفت ريان لـ محمد الواقف؛ وش قالت؟
محمد: ههههههههههههههه مفهي انت، تقول انك بتصير خال
ريان؛ كيف مافهمت؟
محمد بضحك؛ خبل، تقصد انها حامل
ريان؛ احللف؟، روان حامل؟
محمد؛ اي حامل، يلا مع السلامه
راح ودخل ريان ركض وشافهم بالصاله وكلهم فرحانين
ريان: ولدك سميه ريان
روان: لا خلاص قد سميناه
ريان؛ لا، طيب وش سميتوه؟
روان؛ زياد
ريان؛ اووف اتذكر لما كنت بزر سمعت محمد وهو يقول لـ نايف انه بـ يسمي ولده زياد
روان؛ اي
حلا: طيب اذا كان بنت؟
روان؛ باقي ما فكرنا
كملو سوالف ووناسه.
ـــــــــــــــــــــــــــــــ
كان فالكوفي كالعاده مع عبدالعزيز بس فاجأهم طفل صغير يبكي
نايف؛ بسم لله عليك لا تبكي خلاص
عبدالعزيز؛ وش اسمك ياحلو؟
الطفل: اسمي سامي
نايف؛ كم عمرك ياسامي؟
سامي اشر بأصابعه: اربعه
نايف؛ خلاص ياحلو ندور اهلك طيب؟
سامي؛ انت خالي سعود؟
نايف: لا ياحلو انا اسمي نايف مو سعود
سامي؛ الا انت خالي سعود
نايف التفت لـ عبدالعزيز اللي يناظره: وش السالفه ياعبدالعزيز؟
عبدالعزيز؛ يمكن مشبه عليك؟
نايف؛ امس الحرمه واليوم الفجر ذاك الرجال والحين ذا البزر وش السالفه؟
عبدالعزيز: امش ندور اهله يلا
قام وشاله؛ وين كنت ياسامي؟
اشر سامي على المول اللي قدامهم؛ انا كنت مع ماما وجدتي وخالي سعود هناك
نايف؛ طيب يلا مشينا
دخلو المول وقعدو يتمشون فيه ويدورن اهله
عبدالعزيز: اووف تعبت يانايف
نايف؛ سامي انت متأكد انك كنت هنا؟
سامي؛ اي كنت هنا بس شكلهم راحو وخلوني
وانفجر يبكي بكل قوه ونايف وعبدالعزيز يهدونه بس مافيه فايده
فاجأتهم البنت اللي جات؛ سامي؟
التفت نايف وعبدالعزيز مع بعض وصدو وصرخ سامي؛ ماما
نزله نايف وراح يركض لها ويحضنها
صد عبدالعزيز؛ لحظات القاء صعبه
نايف؛ ياشيخ انقلع قال لقاء قال
حس نايف بأحد يمسك رجله؛ خالي سعووود
التفت وشاف سامي؛ الله يرحم والديك انا ماني سعود
عبدالعزيز: مشبه عليك ترا
تفاجئ نايف بنفس الحرمه اللي جاتهم بالكوفي؛ انت نايف صح؟
نايف؛ اي ياخاله
انصدم نايف وعبدالعزيز لما جاء واحد نسخه من نايف وشال سامي: يعطيك العافيه مابغينا نلقاه
نايف؛ يعافيك
عبدالعزيز بهمس؛ سبحان الخالق نسخه
سحبه نايف: يلا مع السلامه
طلع وهو يسحب عبدالعزيز اللي يقول: فك ترا انا ماني كلب تسحبني!
نايف: امش امش نكمل قهوتنا
راحو للكوفي يتقهوون
ـــــــــــــــــــــــــــــــ
في المول.. ريم: سبحان الله يشبهك ياسعود!
سعود؛ يخلق من الشبه 40، وانت يالبزر لا تروح خوفتنا عليك؟
ام سعود؛ الله يحفظه هو وهذا اللي معه لولا الله ثم هم كان مارجع سامي
سامي؛ هو خالي سعود صح؟
سعود وهو يشيله: سعود واحد ولا يتكرر ابدا
ريم: مغرور الاخ؟
سعود بضحك؛ ترا سعود لن يكرره الزمن، والان هيّا معن نكمل اغراضنا
صرخ سامي؛ هيييّيا
ـــــــــــــــــــــــــــــــ
الساعه 10 الليل طلعت من البيت وركبت بهدوء
محمد: سلمي يابنت الناس
روان؛ محمد ترا مالي خلقك
محمد: من مزعلك، انا؟
روان بنبرة بكى؛ محمد اسكت مابي اسمع صوت احد خلاص
تنهد وحرك للبيت ويعرف ان هرموناتها متغيره بسبب الحمل ماله الا يتحمل اللي يصير، دخلو الجناح وشافها تنزل العبايه، وقف وراها وحضنها وراسه على كتفها
روان ببكى: اتركني
محمد بهمس؛ ياروان وش فيك؟
روان وبكاها يزيد؛ اكرهك اكرهك
محمد: ولييش فيه سبب يخليك تكرهيني؟
لفت وصار وجهها قدام صدره وهي تبكي: ما احبك اكرهكك
باس راسها وحضنها وهي تبكي وتضرب صدره وتكرر؛ اكرهك
ارتخت في حضنه فاقده الوعي شالها للسرير وسدحها جلس جمبها ورش عليها شوي مويه لين فتحت عيونها اعتدلت وناظرته لـ ثواني وهمست؛ اطلع
محمد بهمس: ليش؟
روان ودموعها تنزل: مابي اشوفك اطلع
محمد؛ ابشري خلاص لاتبكين
طلع وانفجرت تبكي ماتدري ليش هو من الهرمونات او من كلام فوز وامها او من اهلها لما درت ان نايف لقيط.
ـــــــــــــــــــــــــــــــ
دخل وشافهم بالصاله يسولفون
نايف: السلام عليكم
الكل: وعليكم السلام
نايف؛ روان ما جات؟
ريان؛ كانت هنا قبل نصف ساعه ودقيت عليك ماترد
نايف وهو يمسح شعره؛ اشوفها بكرا مافيه مشكله
حلا؛ تدري ان روان حامل؟
نايف كان بـ يمشي ووقف؛ حامل؟
حلا؛ اي
نايف: مادريت والله
ام فيصل: روح نام يمه واضح من عيونك انك تعبان
نايف؛ اي يلا تصبحون على خير
الكل: وانت من اهله
توجه للغرفه وانسدح ويناظر السقف: انا ولد من؟، انا عايش مع اهلي ولا مع اهل غيري؟، ليش ذا الموقف يتكرر معي؟، لالا انت مع اهلك يانايف، لا تنسى انه يخلق من الشبه 40 خلاص لاتفكر، نام يانايف وراك شغل يلا. اعتدل ونام.
ـــــــــــــــــــــــــــــــ
صحت وتروشت وطلعت وشافته نايم بالصاله قربت وهمست: محمد؟
كان نايم بعمق وسمع اسمه يتكرر فتح عيونه وشافها واقفه جمبه؛ روان؟، فيك شي؟
روان؛ لا مافيني شي انت ليش نايم هنا؟
اعتدل واخذ نفس؛ على اساس انتي ماطردتيني من الغرفه البارح؟
ابتسمت بورطه؛ معليش كنت معصبه
محمد: اي تعصبين وتحطين حرتك في محمد
وقف وهو يبوس خدها: بس تمونين يابنت فهد
دخل يتروش، ووقفت بابتسامة ونزلت لام محمد.
ـــــــــــــــــــــــــــــــ
في يوم اجتماع <فيصل&ابتهال>
كانو يتجهزون بهدوء ولا احد متحمس الا فيصل وابوه، كان نايف نايم لين الساعه 5 صحى وتروش وراح للحلاق ورجع وبدل ومشى للقاعه وكانت الساعه 6 دخل وشاف الكل قدامه مشى بملل وجلس جمب عبدالعزيز وريان، بعد صلاة العشاء بدا الرقص والعرضه ولا شارك نايف في شي ابد، جالس واذا التفت له احد ابتسم بشويش، ابو فيصل عينه على نايف لا يسوي شي او شي.
ـــــــــــــــــــــــــــــــ
عند الحريم كانو نفس الشي مستانسين بس ام فيصل ماكانت بـ ذيك الوناسه وروان كل ساعه تستفرغ وتعبانه من الحمل.
<وقت الزفه>
دخل فيصل وسلم على امه وام يوسف ووقف جمب ابتهال، طلعو والتفت فيصل وهمس؛ ما شاء الله
باس راسها وهمس: مبروك يا ابتهال!
ابتهال بهمس؛ الله يبارك فيك.
زفوهم وطلعو للفندق.
ـــــــــــــــــــــــــــــــ
طلع من القاعه وتوجه لـ عبدالعزيز اللي واقف عند سيارته
نايف؛ عزوز؟
عبدالعزيز: هلا؟
نايف: وين بتروح؟
عبدالعزيز؛ الشرقيه
ناظر ساعته: الساعه 3 بتروح الحين؟
عبدالعزيز؛ اي مالي خلق اروح العصر وكذا، يلا مع السلامه
نايف: مع السلامه، انتبه لـ نفسك
عبدالعزيز بضحك؛زوجتي انت عشان تقول انتبه لـ نفسك؟
نايف وهو يضرب كتفه بـ مزح: الشرهه مب عليك الشرهه على اللي يوصيك يلا تقلع
عبدالعزيز؛ ابشر بـ اتقلع، بس انت الحين مقهور؟
نايف شتت انظاره؛ لا
عبدالعزيز؛ ترا هي ما تستاهل ابد عيش حياتك وانا اخوك، يلا توصي شي؟
نايف: لا ابد سلامتك
مشى عبدالعزيز للشرقيه ونايف للبيت.
ـــــــــــــــــــــــــــــــ
اليوم الثاني فالفندق صحى فيصل على صوت ابتهال: صباح الخير حبيبي، قوم يلا الساعه 10
قام فيصل: صباح النور ياقلبي
قام وافطرو
فيصل: حياتي وين تبين نروح شهر العسل؟
ابتهال: اروح معك اي مكان عادي
فيصل: اجل شرايك نروح المالديف
ابتهال: تمام، بس اليوم بـ نروح لاهلك واهلي؟
فيصل: ايه ياروحي العصر نروح
ـــــــــــــــــــــــــــــــ
صحى ونزل بعد ماتروش وشاف ريان وحلا بالمطبخ
نايف: صباح الخير؟
الكل: صباح النور
نايف؛ وين امي وابوي؟
ريان؛ نايمين للحين
حلا: شكلهم تعبانين من البارح.
ريان: وش تبي تاكل يا ابو النوايف؟
نايف؛ اي شي عادي
ريان وهو يمد له كوب الشاهي؛ وش قلت عن سفرتنا؟
نايف؛ خلاص انا جاهز احجز متى ماتبي
ريان؛ تمام اليوم العصر نحجر
حلا بـ طرف عين: اي ناس تسافر وناس جالسه 24 ساعه بالبيت!
ريان بضحك: انثبري مكانك المطبخ
تخصرت: نعم؟
نايف؛ ولا يهمك يالحلا نرجع واسفرك وين ماتبين
حلا: الله لا يحرمني منك يا اطيب اخ
ريان؛ انجحدنا هههههههههههههههههههه
دخلت ام فيصل: صباح الخير
الكل: صباح النور
باسو راسها وجلسو
ريان: كيف نومتك يمه؟
ام فيصل بابتسامة: حلوه
ريان: اجل ودعي عيالك
ام فيصل بـ خوف: ايش؟
نايف: وجع خوفتها، يقصد انا وهو بـ نسافر اليوم
ام فيصل: اي اشوى خوفتوني، توصلون بالسلامه
نايف: ابوي وينه؟
ام فيصل: كان يتروش قبل شوي
دخل ابو فيصل؛ الطيب عند ذكره؟
ريان؛ اي والله انك صادق اقلط يا ابو ريان
جلس واخذ كاسه الشاهي؛ كأني سمعت احد بـ يسافر؟
ريان: اي بسافر انا وابو النوايف
هز راسه بإيجاب وكمل شرب شاهي
نايف؛ انا بروح مع السلامه
حلا: وييين؟
نايف: اغير جو
حلا؛ اخذني طيب؟
نايف؛ الاسبوع الجاي وش؟
حلا بتأفف: اختبارات
نايف: يعني ذاكري يلا مع السلامه
طلع وركب سيارته ومشى مايدري وين بيروح لكنه بيروح.
ـــــــــــــــــــــــــــــــ
فتحت عيونها وشافته عند المرايا يعدل تيشرته
روان: محمد؟
محمد؛ هلا، صباح الخير؟
روان؛ صباح النور.
محمد وهو يجلس قدامها: تعبانه؟
روان: لا
محمد؛ زين يلا اجهزي عشان ننزل نفطر البيت مافيه احد
روان بأستغراب: كيف مافيه احد؟
محمد: ابوي سافر اليوم عنده شغل، وامي وليان عند خالتي هيفاء
كشرت روان لما قال هيفاء، قامت تتروش وغيرت ملابسها ونزلت وشافته يسوي الفطور
روان؛ اساعدك بشي؟
محمد: لا خلصت اجلسي
جلست وجاب لها كوب القهوه والفطور وجلسو يفطرون
وصله اتصال من امه وفتح الجوال: هلا يمه؟
ام محمد: وينك؟
محمد: في البيت آمري؟
ام محمد: زوج خالتك توفى اليوم
نزل لقمته وناظر روان اللي تناظره بأستغراب: متى؟
ام محمد: اليوم الفجر، تعال بسرعه خالتك منهاره
محمد؛ ابشري الحين جاي
سكر وقال لـ روان كل شي وبدل ملابسه وطلع وهو يقول: اذا تبين تروحين لاهلك دقي على احد من اخوانك يجي
وقفت روان لـ ثواني ومسكت جوالها ودقت على نايف
نايف؛ هلا ياروان؟
روان: هلا، وينك؟
نايف: قريب آمري؟
روان؛ تعال للبيت
نايف: فيه شي؟
روان؛ تعال وتعرف.
جاء وتفاجاء فيها لما ركبت معه: محمد مسوي لك شي؟
روان: لا بس زوج خالته توفى اليوم وقال اذا تبين تروحي لاهلك دقي على واحد من اخوانك لاني مااقدر اقعد بالبيت لحالي
نايف بضحك: تخافين تقعدين لحالك؟
روان؛ لا ما اخاف بس الحمل مأثر علي يعني اتعب وكذا
نايف: يلا مشينا
حرك وراح لـ بيت ابوه، نزلو ودخلو الصاله وسلمت روان وقالت لهم كل شي
ابو فيصل؛ إننا لله وانا اليه راجعون
ام فيصل: الله يكون في عونهم
طلع وراح يفر فالشوارع مثل ما كان يسوي قبل شوي.
ـــــــــــــــــــــــــــــــ
العصر جاء فيصل وابتهال وسلمو عليهم وجلسو يسولفون ولا احد منهم طايق ابتهال، نايف وريان راحو يحجزون سفرتهم، حلا وروان ساكتين وودهم يذبحون ابتهال بس ماسكين انفسهم وام فيصل مثلهم، راحو الساعه 9 للفندق وبعدها بيسافرون شهر العسل.
ـــــــــــــــــــــــــــــــ
خلصت ايام العزاء وام فوز منهاره وتبكي وفوز مثلها ( فوز وحيدة امها وابوها مالها اخوان ولا خوات)
اقترح ابو محمد انهم يجون عندهم بالبيت لأن ابو هيفاء متوفي وامها نفس الشي ولا لها اخوان عشان كذا يجون عند اختهم احسن لهم والبيت كبير ووسيع يعني يقدر ياسعهم كلهم.
دخلو الجناح اللي على طرف بعيد عن كل شي وعن جناح محمد وابوه
ام محمد: ارتاحي ياهيفاء يكفي بكي خلاص مالك الا الدعاء
ام فوز: الله يرحمه ويغفر له.
انسدحت وغطتها فوز وراحت لـ غرفتها ونامو بتعب.
ـــــــــــــــــــــــــــــــ
دخلت وشافته منسدح ويناظر السقف
روان؛ محمد؟
اعتدل؛ عيونه؟
روان بنبرة بكى؛ خلك معي!
استغرب كلامها بس يمكن من الهرمونات فتح ذراعيه لها وحضنته وبكت ليين نامت، وخر لين صار وجهه مقابل وجهها وهمس؛ لين متى يا روان وحنا على ذا الحال؟، لو ادري انك بتسوين كذا اذا حملتي كان مابغينا ذا الحمل، بس يلا ان شاء الله فتره وتعدي.
حضنها ونام بدوره.
ـــــــــــــــــــــــــــــــ
اليوم الثاني سافر ابو محمد عشان شغله يبي له مده لين يخلص نزلت من الدرج بهدوء وشافت ليان بالمطبخ
روان؛ وش تسوين ياليان؟
ليان: اسوي شاهي لـ خالتي
روان بابتسامة: طيب هي تبي شي ثاني غير الشاهي؟
ليان؛ ما اضن بس بسألها واشوف.
روان؛ تمام..
قاطعهم دخلو فوز بدون جلال او شي يسترها: صباح الخير!
روان وليان: صباح النور
اخذت لها مويه وطلعت وروان حاقده عليها وتدري ان نيتها مب سليمه ابد.
ـــــــــــــــــــــــــــــــ
في دبي كانو يتمشون ويتأملون المكان
ريان بهمس؛ نايف
نايف؛ هلا؟
ريان؛ اذا بغيت اتزوج بـ تزوج من دبي
نايف: هههههههههههههههه خرروف والله انك خروف
ريان؛ ياخي شكل الزين عندهم وراثه
نايف: اها بس عيب لاتناظر بنات خلق الله
ريان وهو يصد؛ اي صح استغفرالله استغفرالله
نايف؛ هههههههههههههههههههه امش امش بموت من الجوع خلنا ناكل.
ريان؛ يلا قدام
ـــــــــــــــــــــــــــــــ
في الليل كانت منسدحه في حضنه وسمعته يهمس: روان؟
روان: هلا؟
محمد اعتدل: اذا كنتي حامل ببنت وش نسميها؟
روان بـ تفكير: نوف
محمد: ليش نوف؟
روان؛ احب اسم نوف
محمد: طيب واذا كان ولد؟
روان؛ انت سميته زياد
محمد: عاجبك الاسم ولا اغيره؟
روان؛ لا حلو
محمد بابتسامة: والله الحلو انتي
روان بابتسامة خجل: نام وراك دوام ترا
ابتسم وحضنها ونامو.
ـــــــــــــــــــــــــــــــ
مررت الشهور والكل عايش حياته، احد قدر يتخطى، احد متخطي من زمان، احد صابر على اللي يشوفه.
هيفاء وفوز قدرو يتخطون الوفاة.
نايف متخطي من زمان، تخطى زواج ابتهال وفيصل وعايش حياته بهدوء.
روان صابره على تصرفات فوز اللي تدل على انها تبي محمد يشوفها وهي بدون عبايه، بالرغم من ان هيفاء تنصحها بس "لا حياة لـ من تنادي".
ـــــــــــــــــــــــــــــــ
رجع للبيت وسمع صوت بكى
فيصل بـ خوف: ابتهال ليش تبكين؟
ابتهال بـ كيد: اختك
فيصل؛ من هي ووش مسويه؟
ابتهال؛ حلا، هاوشتني ومدت يدها علييي
كملت بكى بـ تمثيل، فيصل صدق كلامها وركض لـ بيت ابوه دخل بدون لا يدق الباب وشافه حلا لحالها بالصاله
فيصل بـ غضب؛ حححلااااا؟
وقفت حلا بأستغراب: هلا فيصل؟
شد شعرها بقوه: ياللي ماتستحين وش مسويه بـ ابتهال؟
حلا بـ صراخ: اتركني يالمرييييض
قعد يهزها ويصارخ عليها وهي تبكي لين وقف نايف وريان بينهم
ريان؛ فييييصل؟، تمد يدك على اختك؟؟
فيصل؛ على شحححم انت الثاني واطلع منها
نزل ابو فيصل وام فيصل بأستعجال: وش فيكم؟
نايف: يرضيك يبه هاللي مايستحي يمد يده على حلا؟
ابو فيصل: فيصل لييش؟
فيصل؛ هي ماتفهم فكوني منها
حلا ببكى: والله ماسويت شي اصلا مارحت لـ ابتهال ولا جيتها
ام فيصل بـ غضب: وانت ماد يدك عليها عشان ابتهال؟
فيصل: هي اللي غلطت على ابتهال
نايف؛ لا ماغلطت مير انت رخمه
فيصل؛ انا رخمه؟
نايف بغضب؛ اي رخمه واكبر رخمه يالردي تمد يدك على اختك عشان وحده ما تستاهل؟، افهم السالفه اول شي بعدين هاوش
فيصل؛ لا تتدخل بيني وبين اختي
نايف؛ اختك؟، ترا هي اختي بعد
فيصل بـ لحظه غضب؛ متى صارت اختك يا القيط؟
شهقو كلهم من الكف اللي وصل فيصل من ابو فيصل
ابو فيصل: استح على وجهك وانقلللع يا قليل الادب.
فيصل بغضب: وانا وش قلت، ما قلت الا الصدق انت لقيط مب اخونا لقيناك عند المسجد
ام فيصل: فيصل اطلع برا انقلللع ياقليل الحياء
فيصل؛ بطلع يمه بطلع
طلع، ونايف واقف بصدمه ويكرر الكلمه في مخه(لقيط)؟
ام فيصل وهي تمسك يده؛ لا تهتم لـ كلامه يانايف
التفت بهدوء وهمس: قولي الصدق انا ولدكم؟
ابو فيصل: وانت مصدق، هذا خبل لا تصدق كلامه
نايف؛ لا ماهو خبل هو يقول الصدق ولا انتو كيف تتشابهون وانا ما اشبهكم؟
ام فيصل: نايف؟، لا تقول كذا انت ولدي
ناظرهم بهدوء ومشى وطلع من البيت
ريان؛ جعلك المرض يافيصل
ابو فيصل: لا حول ولاقوة الابالله
ام فيصل التفتت لـ حلا اللي تبكي: خلاص يمه لا تبكين
حلا: بس نايف درا!!!
ابو فيصل وهو يجلس جمبها ويحضنها: هدي لا تبكين مادرا ولا شي، ريان روح دوره وجيبه اول ما تلقاه
ريان؛ ابشر
طلع وانهارت حلا تبكي وهي انضربت بدون سبب.
ـــــــــــــــــــــــــــــــ
نزلت من الدرج وشافته مبتسم لها وفاتح ذراعيه لها، قربت ودخلت بحضنه وباس راسها وهمس: متى بتولدين؟
روان؛ شفيك مستعجل، اصبر باقي 6شهور
محمد؛ اوووف 6 كيف انتظر؟
روان بابتسامة: عادي اصبر شوي
محمد؛ طيب انتي طفشانه؟
روان؛ اي
محمد؛ نطلع نتمشى؟
ابتسمت: ياخي احبك لانك تفهمني
محمد بخقه؛ صدق تحبيني
روان بهمس؛ اي احبك
محمد وهو يمسح صدره؛ بشويش لا افقد الوعي
روان بحركه عفويه باست خشمه: يلا نطلع؟
محمد بابتسامة: يلا البسي عبايتك وتعالي انتظرك
لفت وراحت لـ الغرفه تلبس
وقف يناظر جواله وتفاجاء بـ يد على كتفه ابتسم: روان؟
فوز؛ انا مو روان
التفت وشاف فوز قدامه مو لابسه الا الروب
محمد بـ قرف: وجع انقلعي
فوز؛ احبك طيب
دفها ومشى طلع من البيت وركب سيارته بغضب ويمسح مكان مسكت يدها بقرف.
نزلت وشافتها تصعد الدرج مو لابسه الا الروب
روان: فوز؟، ليش لابسه كذاا؟
ناظرتها بـ طرف عين: كنت ابي فارس احلامي يشوفني
روان بغضب؛ اقول احترمي نفسك لا اوريك وجهك الثاني
فوز بـ دقه في روان؛ شافني كذا وشوفيه بالسياره مختبص من جمال جسمي
راحت لـ غرفتها وروان واقفه بصدمه صحت على صوت جوالها وردت؛ هلا؟
محمد: يلا طولتي
روان: جيت
ركبت بهدوء ناظرها لـ ثواني؛ فيك شي؟
روان؛ شفت فوز؟
محمد: لا
روان؛ الا شفتها!
محمد: لا ماشفتها اصلا هي اضنها عند امها مستحيل تنزل والبيت في رجال غريب
روان؛ يعني ماشفتها؟
محمد بتوتر من اسألتها؛ لا ماشفتها، وين تبين نروح؟
روان وهي تلف للشباك؛ بـ كيفك
مشى بالسيارة وهو متوتر من ريحة عطر فوز اللي باقي بـ كتفه.
ـــــــــــــــــــــــــــــــ
وقفت قدام المرايا تناظر نفسها وهمست: ان ماخليتك تعشقني ما اكون فوز، بس لازم اتخلص من روان النشبه بعدين يفضى لي الجو، زين ياروان زين.
ـــــــــــــــــــــــــــــــ
جلس فالكوفي اللي كالعاده ويفكر؛ انا لقيط؟، لقوني عند المسجد، الناس اللي انا عايش معهم مب اهلي؟، انا عايش مع ناس ما اعرفهم؟، وين اهلي الحقيقيين؟، ليش حاطيني عند المسجد؟، ليش امي وابوي ماقالو لي اني لقيط؟، انا ولد حلال ولا ولد حرام؟، لو اني ولد حلال كان ما حطوني عند المسجد، يعني انا ولد حرام؟، وين امي وابوي الحقيقيين؟، الاسأله هذي من بـ يجاوبني عليها؟، نايف اسأل امك وابوك هذول اللي انت معهم وهم اللي بيجاوبونك عن كل هذي الاسأله.
قام وتوجه للبيت.
ـــــــــــــــــــــــــــــــ
كانت جالسه مع حلا بالصالة تدعي له، انفتح الباب ودخل ابو فيصل
ام فيصل: نايف ما جاء؟
ابو فيصل: لا ماجاء
ام فيصل: لا يكون سوا لـ نفسه شي؟
ابو فيصل: تعوذي من ابليس ان شاء الله بيجي
دخل ريان: يبه مالقيته حست كل مكان ممكن يكون فيه بس مالقيته
ام فيصل؛ يا حسرتي على ولدي وينه؟
حلا؛ شفت الكوفي اللي يروح له مع عبدالعزيز؟
ريان؛ لا ما شفت الكوفي
ابو فيصل: روح دور له بالكوفي يمكن تلقاه..
قاطعه صوت نايف: جيت لا احد يدورني
فزت ام فيصل؛ نايف يمه وين كنت خوفتني عليك!
نايف: جيت، والحين تقولون لي كل شي
ابو فيصل: وش اللي كل شي؟
نايف؛ انا ولدكم؟
ابو فيصل: اي ولدنا
نايف: ما اضن!
ام فيصل؛ لا يكون بتصدق سوالف فيصل ترا ماعنده سالفه لا تصدقه
نايف؛ الا اضن السوالف كلها عنده، بتقولون لي ولا اروح اسأل فيصل؟، هو الوحيد الا بيجاوبني.
التفت ابو فيصل لـ ام فيصل اللي نظراتها تدل على انها خايفه تفقده
ابو فيصل: بقول لك يا نايف
ام فيصل: وش بتقول له؟
جلس ابو فيصل وهو يأشر لهم يجلسون جلسو كلهم وبدا ابو فيصل يحكي السالفه لـ نايف وانه يصير ولدهم من الرضاعه
نايف بهدوء؛ واهلي الحقيقيين وين؟
ابو فيصل؛ مدري
نايف؛ وليش ما قلتو لي من زمان؟
ابو فيصل: ماله داعي نقول لك
نايف بـ صراخ؛ الا له داعي والحين انا مدري انا ابن حلال ولا حرام
ريان؛ واذا قالو لك من زمان بتعرف انت ابن حلال ولا حرام؟
ناظره بهدوء ووقف، مسكت يده ام فيصل: وين بتروح؟
نايف: مدري
ام فيصل؛ اقعد لا تروح!
تنهد وجلس جمبها، قام الكل وراحو ينامون وما بقى الا نايف وامه
نايف؛ يمه؟
ام فيصل؛ هلا؟
نايف؛ انتي متأكده اني ولدك من الرضاعه ولا من التربيه؟
ام فيصل؛ ولدي من الثنين
نايف؛ طيب ماتعرفين من اهلي؟
ام فيصل؛ لا
نايف: واذا لقيتهم؟
ام فيصل: لا تروح لهم انت ولدي بس
تنهد وانسدح بحضنها وسرعان ما نام وهي تمسح على راسه.
ـــــــــــــــــــــــــــــــ
دخلو وشاف امه وخالته قدامهم فالصاله
محمد وروان: سلام عليكم
الكل: وعليكم السلام
مشت روان لـ غرفتها وجلس محمد معهم
ام محمد: وش فيك تعبان؟
محمد: لا بس ابي انام
ام فوز: روح ارتاح
هز راسه بإيجاب وقام، صعد الدرج وانذهل من منظر اللي  قدامه، فوز بـ كامل زينتها جميييله تعذب القلب وتنشف الريق، فغر مكانه ماعرف يتحرك وللاسف"الشيطان شاطر"
قرب لين صار قدامها وهمست: شرايك؟
محمد بهمس: لفي؟
لفت وداهمه ريحة عطرها، عض شفته واغمض عينيه لـ ثوان واستوعب ان اللي يصير غلط، لف بسرعه ودخل جناحه وسكر الباب وهو يلتقط انفاسه، حس بألاحراج لو شافتهم روان كذا؟، بـ يطيح من عينها.
انتبه لـ صوتها: محمد؟
محمد وهو يمسح وجهه؛ لبيه؟
روان بأستغراب: فيك شي؟
محمد: لا بس تعبان وابي انام، تصبحي على خير
مشى ودخل وهي واقفه بأستغراب.
ـــــــــــــــــــــــــــــــ
ابتسمت بشويش ودخلت غرفتها، وقفت قدام المرايا وهمست: لنا موعد ثاني يامحمد ماعليك
ـــــــــــــــــــــــــــــــ
صحى علي صوت امه تصحيه، فتح عيونه وجلس: يمه؟
ام فيصل؛ قوم روح لـ غرفتك نام
نايف: كم الساعه؟
ام فيصل: 12
نايف: ليش ماصحيتيني اوجعت رجلك
ام فيصل: ترا كلها ساعه، يلا حبيبي روح غرفتك
باس راسها ومشى للغرفه وانسدح ويناظر السقف؛ توقعاتي كلها صح، انا مب ولدهم، اهلي مدري وينهم، انا ابن حلال ولا حرام، اووف تعبت ياربي ساعدني.
اعتدل ونام بعمق.
ـــــــــــــــــــــــــــــــ
اليوم الثاني نزل مع الدرج وتفاجاء بأبوه اللي قدامه.
محمد بابتسامة: اررررحب يبه.
ابو محمد: البقى ياولدي
سلمو وجلسو، ابو محمد: وش لونك؟
محمد؛ بخير، متى جيت؟
ابو محمد: اليوم الفجر، كيف روان؟
محمد؛ ابشرك بخير ووضعنا بالسليم
ابو محمد بابتسامة: زين الحمدلله..
قاطعهم دخلو روان: اهلين عمي
وقف ابو محمد وسلم عليها: هلا بك ياروان، كيفك وكيف حفيدي؟
روان وهي تجلس جمب محمد؛ الحمدلله كلنا تمام
بعد كمية سوالف طلع ابو محمد، التفت عليها وهي جالسه تشرب القهوه، محمد؛ روان؟
روان؛ هلا؟
محمد وهو يعدل جلسته؛ طولتي متى تولدين؟
روان؛ هههههههههههه شفيك انتظر باقي
محمد بابتسامة؛ تعبت وانا انتظر ياخي
روان تخصرت؛ ماعندك نيه تطلع؟..

التصويت صوتو عاد!
ممكن اقطع فتره وارجع يلا سلام.
انتهى.. 🤍