يسد الغلا دينها و يعمي عين العدا ويضيمها

البارت 10

في صباح اليوم الثاني
وبالوقت المعتاد لهم كانو جالسين بالمجلاس الي تطل على الحوش ،جت ام احمد بهدوء وجلست معهم وكان واضح في بلسانها حكي وفي شيء زاعجها من ملامح وجهها ومن حواجبها الي قاطبتهم بأنزعاج وعلى استعداد انها تشب نار
،قعدت مكانها وهي تقلب نظرها ما بين الموجودين الي كانو ام فهاد وام هاجس وام رابح وبنتها جنة الي جنب جدتها ،. وجهت نظرها لام رابح وهي تنطق بإنزعاج :بغيت اكلمتس بحاجة يا خالة ،. ان كنتي تسمحين لي
ام رابح الي من يوم جت عرفت في حاجة تبي تقوله ونطقت وهي تاخذ نفس : تفضلي ،. وش عندتس! ؟
ام احمد وجهت نظرها صوب ام هاجس لثانية ونطقت : بغيت اعلمتس على هاجس
ام رابح عقدت حواجبها وام هاجس نزلت رجلها وهي تنطق بذهول من سيرة هاجس :و وشهو الي بتعلمينها على هاجس ان شاءالله!!؟؟
ام احمد صدت نظرها عنهم وهي تنطق :غلط بحقي وما احترمني كوني حُرمة ابوه وصرخ علي لاجل حرمته ،. فذمتس يا خالة يرضيتس ان حفيدس يصرخ على حَرم ابوه!!؟؟؟
ام هاجس وسعت عيونها بدهشة متمكن بغضب :انتي وشهو تقولينه!؟؟، الحين صار غريب عليتس ان هاجس يصرخ ،. انتي مو مشكلتس انه صرخ عليتس انتي مشكلتس ليه صرخ عليتس لاجل حرمته ،. واندري انتس راس البلا ومنتي بالنية الا انتس تورطين ولدي وتقلبينه ابوه علـييه
ام رابح شافت السالفة اشدت بينهم ونطقت : خلاص يا غنيمة اقصري الشر ،. وخلي نسمع منها وشسالفة
ام هاجس بنرفزة:ما بنسمع منها السالفة ،. اصلا منهو يسمع من هاذي الكذووب
جنة الي كانت قاعدة جنب جدتها قامت ونطقت بنرفزة من كلامها : ما اسمح لتس تكلمين امي بهالطريقة ،. اذا انتي تشوفي نفستس بمقام ان يحترمونتس الكل فأمي بعد في نفس مقامتس لا تنسـين
وشلون التفت ام رابح صوب جنة الي كل شيء عندها بالدنيا الا هي ونطقت :جنة ،. اقعدي مكانتس ولا تتدخلين بين الكبار ،. هاذا كلام بين الكبار وما يصير انتي تتدخلين فيه
سكتت لوهلة تتمالك اعصابها وقعدت وهي تناظر ام هاجس بنظرات كره وجت ديار الي من شافتهم واقفين و واضح في حاجة حصلت بينهم نطقت بإستغراب : بسم الله ،. وشسالفة وشصاير هنا!!؟
ام هاجس :تعالي تعالي
استغربت ديار وهي تقلب نظرها بين ام احمد الي نطقت :علميهم ،. يالله علميهم وشهو الي حصل امس ،.لعله منتس يصدقون منهي الكذوب
وشلون رخت حواجبها يوم درت بالسالفة واقتربت وهي تزفر ونطقت :ما حصل حاجة ،. كانت معصبة وصرخت علي ومن سمعها هاجس صرخ عليها ،. السالفة صغيرة ليه مكبرينها انتم!!؟
ام احمد : وليتس تعلمينهم لاجل وشهو صرخت عليتس
ديار اخذت نفس بقلة صبر وهي ترفع نظرها : هاتس قدامتس هم بعد علميهم انتي!!
ام احمد التفت لهم : صرخت عليها لانها ما احترمتني وغلطت علي وعلى ولدي وقالت كلام ومسبات ما ينقال ،. قوليلهم قولييلهم ولا بس تبي تقولين الي يعجبتس وتخبي الي ما يعجبتس
وشلون وسعت عيونها بصدمة :انا غلطت عليتس وعلى ولدتس!؟؟ لا لا انتي اكيد منتي صاحيةة ،. الظاهر ضربو فيوزاتس يوم نمتي وصحيتي ،. انا الي غلطت عليتس ولا انتي ،. صدق انتس كذوبة
ام احمد وسعت عيونها بدهشة: انا كذوبة!؟؟
ام هاجس دفت ام احمد وهي تنطق :انتـي الي جعلتس للماحق والرصاص المتلاحق تسكتين وتحطين لسانتس بحلقتس ،. وان جا رابح وريتس حسابتس ،. اندري اندري ماا همتس الاا تخربي بين هاجس وابووه مثل ما خربتي بينه وبين قاسم ،. انا انا الي ادريي وشهو الي همها هاذي ونيتهاا لحد يصدق الدموع الي تنزلهم ولا صياحهاا هاذي اندري وش وراها من البلااوي
ام احمد هزت راسها: زين ، زيين من يجي رابح يصير الخير
ام رابح : خلااص يا غنيمة وشهو ذا الكلام الي تقولينه ،. ذا الكلام ما يوصل لرابح ولا لغيره وتنطمين انتي وياها ولا تكبرون السالفة اكثر
والتفتت لديار : وانتي حسابتس معي بعدين
وشلون وسعت عيونها بصدمة تليها بعد تبلي ام احمد ونطقت : الحين طاح البلا فوق راسي اناا!!؟؟ انا ما قلت لها شيء غير اني معرف وين ولدهاا وان كان تبي تسأل عنه تروح تسال هاجس لكن هي مدري وشعندهاا وقامت تهرج علي و اخليتس خدامة عندي وتركعين لي ومدري وشهوو وتاليها اناا بعد الي اتحااسب!!؟؟ انتم وشهو من نااس ابي افهم؟!
ام هاجس قربت وهي تسحب ديار خطوة ونظرها في ام احمد : معليتس معليتس .، والله محد يتحااسب غير هالعلة ،. اندري كل كلمة تقولينها هي الصدق واندري بعد زيين ليه حصل كل ذا ،. ومحد يعرف هالمنافقة كثري اناا
ام فهاد الي حاست بينهم وما درت وش الي تسويه : خلاص هدو يا جماعة وشفيكم على بعض ،. هدو ولامن جا هاجس تفاهمتو معه
ام احمد رمت نظره على ام هاجس ومشيت و وراها بنتها قامت ومشيت
،. وشلون دعلكت جبينها وهي مو مصدقة ان قلبت السالفة فوق وتحت لحد ما طيحتها فوق راسها هي
وام هاجس تركت ام رابح ومشيت من عندها منقهرة
وديار مشيت من عندهم منقهرة هي الثانية الي جتها التهايم وهي ما تدري عن سالفة
وبهالوقت كانت هيا بالمطبخ وتناظر من الدريشة الي كان نصها ورا الدولاب ويا دوبها تقدر تشوف حاجة ،. وكانت تسترق النظر لباسم الي كان يضرب مسمار الخيمة ويثبتها بعد ميلها من كثرة العواصيف ،. وتناظره وهي بداخلها بعثرة من المشاعر الي صحتها مرام وتتسائل بداخلها: وشهو يعني الحب!!؟؟ معقول انه في شخص يحبني!!؟ وماهو اي شخص ،. باسم الي من سنين عمري ما رفعت نظري له والا انا اشوفه مثل اخواني ،. معقول صدق الي قالته مرام!!؟ ولا تكذب علي!!!؟
قاطع بعثرة افكارها وتساؤلاتها دخول ديار الي كانت معصبة وفزت هيا وسكرت الدريشة والتفتت بسرعة لكن سرعان ما عقدت حواجبها من لقتها معصبة ومن ثور غضبها كان يرتفع صدرها وينخفض مع كل نفس تاخذه ونطقت بإستغراب وهي تقترب صوبها: وش صاير يا ديار وشفيتس ليه معصبة!!؟؟
ديار ما ردت عليها ودخلت ام فهاد والي كانت جاية بعجلة :ديار يا يمه ،. معليتس هدي ما يصير شيء دام هاجس صرخ عليها لاجلتس ،. لا تقولين حاجة ولا تسوين حاجة
ديار وقفت قدامها بغضب : وش الي ما اقول حااجة ولا اسوي ،. تبين اسكت لهم وهم يرمون علي التهم!!؟ ،. انا الي كليت هواشها وهواش هاجس فوقهاا ،. وتاليها كمان يطيح البلا فوق راسي ،. ابفهم انا ابفهم ،. انتم جبتوني لاجل تطلعو المصايب من وراي ولا وشلوون!!!؟؟
هيا تمسكها من ذراعها لانها معصبة : هدي يا ديار وشفيتس!
ام فهاد نطقت بهداوة : هدي يا روحي هدي ما يسوا الي تسوييـنه يا يمه ،. هدي فديتس وما يصير خاطرتس الا طيب
وشلون ديار اخذت نفس وهي تحاول تهدي لاجل تقدر تفكر ولا تسوي حاجة تندم عليها ،. والتفت للشخص الي كان جاي والي هي جنة توها داخلة المطبخ والي دخلت وهي تدور ديار بعيونها واول ما لمحتها قربت صوبها وهي توقف امامها وعينها بعين ديار لتنطق بغضب :انتي مين لاجل تقولي عن امي انها كذوبة هااه!!!؟؟ مــيين انتـيي اصلا لأجل تصرخين عليهاا ،.. ان كاان نسيتي وشلون جيتي انتي على هالبيت ما علـييه اناا اذكرتس
قاطعتها ديار وهي تقترب خطوة صوبها وعيونها بعيونها لتنطق بغضب واضح وجرأة : انا الي بذكرتس مين انا ان كان انتي الي نسـييتي ،.. اناا حَرم هاجس ،. سمعتي حَرم هااجس ،. وجيت على هالبيت نفس ما جت لها امتس ،. وان كان لتس اي اعتراض لا سمح الله او مشكلة روحي تفاهمي فيه مع هاجس ،. ويكون بعلمتس اني بعد اليوم ما بسكت عن حقي واذا جيتي تقولين لي كلمة برده لتس بالعشرةة ،. اذا انتي بنت الشيخ رابح فأنا ... سكتت لوهلة بعد ما خانتها العبرة في ان تنطق اسم ابوها ،. وبلعت ريقها وكملت بعِزة "فأنا بنت هاجس ،. وحرمته ، واخته بعد ، سمعتـيي!!؟
اقتربت ام فهاد الي ابتعدت جنة عن ديار وهي تنطق بخوف من غضبهم لبعض: وشفيتس يمه جنة وشهو ذا الكلام الي تقولينه تسمعينه انتي!!؟
جنة التفتت لها بغضب : ايه اسمع وشهو الي يطلع من لساني يا خالتي ،. لكن الظاهر ديار ما تسمع وشهو الي تقووله ونست نفسهاا ،. ما تسمعينها!!؟؟؟ ما تسمعين وشهو الي تقوله ،. تهددني باخوي هاجس ،. والله يا دياار انتي للحين ما عرفتي منهي جنة اناا اوريتس
وتقدم مهاجمةً ديار لكم اوقفتها ام فهاد الي مسكتها وهي تحاول تهديها لكنها كانت تصارخ وهيا الي وقفت مو مستوعبة الي قاعد يصير وتحاول بنفس الوقت تهدي جنة الي انهبلت على ديار الي مستعدة لها اذا بتهجم
،لكن قااطع كل هالفوضى صوت هاجس من وراهم والي صرخ بحِدة : وش صااير هناا!!!؟
وشلون انتشر الهدوء في لحظة وجنة الي كانت تصارخ بلعت ريقها واحتمت ورا ظهر ام فهاد الي نطقت بسرعة بتوتر وخبصة وضح عليها : مـ مافي شيء يا ولدي بس كنت ،.. بس كنت اسالهم من الي كثر الملح بالاكل و كل وحدة ترميها على الثانية ،. تعرف البنات وانا امك
هاجس رفع حاجبه لانه سمعهم يتهاوشون وما كان واضح انه سبة الملح ،. وديار وسعت عيونها بدهشة من خالتها الي غطت على جنة وما تبي هاجس يدري ونطقت وهي تقترب خطوة صوب هاجس لتنطق بدفاع : لا يا هاجس لا تصدق خالتي ،، خالتي تكذب عليك تبي تغطي على جنة وامهاا وما تبيك تدري وشهو الي حصل
وشلون عقد حواجبه والتفت لجنة الي رجفت اطرافها بخوف ونطق بحِدة : جنة!!؟ ليه وشهو الي سوته جنة!!؟
ام فهاد نطقت بسرعة بدفاع وهي خايفة على جنة الي كانت ترتجف خلفها : جنة ما سوت شيء يا هاجس ،. هاذي امها الي الله يصلحها تدور المشاكل ،،.. جنة مالها دخل يا هاجس لا تسوي لها شيء ولا تسمع من ديار هي معصبة وما تدري وشهو الي تقوله و
قاطعها هاجس وهو يدري ام فهاد وشكثر تغطي على جنة واخوانها اذا سوو وهو اكثر واحد يعرفها : خلاص يا خالتي ،. انا مابي اسمع منتس وشهو الي سوته جنة ،. ابي اسمعها من ديار
والتفت لها وهو يشوف بعينها القهر والغضب لينطق لها وهو يميل راسه
وشلون حطت عينها بعينه الي كان منتظرها تنطق وتعلمه بما حصل ،. وما ترددت للحظة لتنطق بغضب تكتمه : يرضيك يا هاجس! ،. يرضيك انهم على كل سالفة يذكروني وشلون جيت على هالبيت!!؟ يستنقصو مني وينزلو من قدري وكني جيت هنا جارية ،. و زوده يبوني التزم الصمت واسكت ،. بس لاجل ما تدري عن حاجة ويلعبو فيني مثل ما يبغون ،. مرة يشككو بشرفي ،. ومرة يسلخوني بالسوط ،. ومرة يضربوني
كان يسمعها وهو نظره على جنة الي كانت تحتمي خلف ظهر ام فهاد ولا بدر منها اي كلمة ودافعت فيه عن نفسها ونطق بحدة وهو يرفع حاجبه بغضب : ومنهي الي ذكرتس وشلون جيتي على هالبيت!!؟
رجفت اطراف جنة وشدت ممسكآ بذراعين ام فهاد الي رجت ديار بعيونها لاجل ما تزود النار حطب ،.
لكن ديار ما كانت مهتمة لما يحصل وكان غضبها اقوى من اي رجا منها لتنطق وهي تلتفت لها وهي تحتمي بظهر ام فهاد : جنة وامها ،. يرفعو مقامهم علي على هالبيت
وشلون التفت هاجس لجنة بدهشة وهو ويقترب خطوة ويرفع حاجبه بغضب متمالك:والله!!؟
لتتقدم ام فهاد بسرعة وهي تنطق بدفاع : والله ما تضربهاا يا هاجس ،. حلفت انك ما تضربها
وشلون زفر بغضب وهو يقترب صوبها ينطق بحدة وصراخ :بعديي يا خالتي بعديي عنهاا
ام فهاد الي كانت مستعدة انها هي تنضرب ولا جنة ،،. ولا بعدت عن جنة لكن هاجس مد يده وهو يمسكها من ذراعها ويسحبها من خلف ظهر ام فهاد الي بعدته عنها لكن ما قدرت ونطقت بسرعة بخوف :والله يا يمه مالها دخل خليها يا يمه تكفى خليهاا
لكن هاجس ما كان يمها واقترب صوب جنة وهو ينطق بحدة ويصر ب سِنه من حدة كلماته : تبين تذكرينهاا وشلون جت على هالبيت!!؟؟ تبين تذكرينها مين هي ،. ومنهي امتس!!؟؟ "وشلون هز راسه وهو ينطق بغضب "انا الي بذكرتس يا جنة ،. انا الي بذكرتس وشلون جت ديار و وشلون جت امتس على هالبيت ،. امتس يومها جت ، انرمت قدام الباب ،. قعدت تحت الشمس لحد ما ابوي رضى فيها وقال انا باخذها ،،. اماا ديار يا جنة ما جت كذا ،. ديار انا الي رحت لهاا ،. رحت لها ومعي قبيلتي ،. واهلي، وشيباني وجبتهاا ، عرفتي الحين منهي امتس ،.ومنهي ديار!!؟؟ عرفتـيي الحـيين منهي!!!؟
وشلون بلعت ريقها جنة ب رعب من صراخه ومسكه لها بعنف
وكمل هاجس وهو يهز راسه و يتطلع انه يشوف نظرة عيونهاا وهو ينطق بغضب :ب ريحتس انتي وامتس من فضولكم واقولكم منهي ديار و وشهي مقاامها
وشلون اقترب عن اذنها لاجل تسمعها زين وتحفظه في الي بيقوله ونطق ب حِدة :ديار ضنا قلبي واخت ضلوعي ،.سمعتـيي ،. ضناا قلبـيي واخت ضلوعي ،. هاذا مقاام ديار ،. سمعتي هاذا مقامهاا ،
والكلام ذا يوصل لامتس بعد
وابتعد منها بعيون متسعة من الغضب ليصرخ بغضب : سمعتـيي
وشلون فزت جنة الي هزت راسها بسرعة وهي تنطق بخوف : سـ سمعتت
ام فهاد الي كان للحين رافعة ايدينها كل خوفها لا يضربها ونطقت برجا:رجيتك يا هاجس خليها ،. خلااص
هاجس ناظر لجنة نظرة تهديد اخيرة ولف وجهه وهو يطلع من المطبخ ومندهش ان كلام مثل ذا يطلع من جنة الي ما كان يسمع صوتها ابد
، وام فهاد اقربت صوب جنة وهي تحاول تهديها وديار وقفت مكانها وهي نظرها للباب الي خرج منه هاجس ،. وكيف ابتسامة حب تمكن منها من كلام هاجس الي ما حست بلمساته بقلبها الا مثل بشت ابوها غطاها فيه وحست فيه بالامان والاحتواء ،. و وسط بعثرة المكان الا ان ترتيب مشاعرها كان غريب ،. وكانت مشاعر تتعجب منه وتتسائل بنفس الوقت
قاطع تعجبها بمشاعرها من التفتت ام فهاد وهي تناظرها نظرة تلومها ونطقت بعتاب : ليه تكلمتي يا ديار!! ،انا ليه وقفت قدام جنة ونطقت وكذبت بلساني ،. مو لاجل ما يحصل حاجة
وشلون صحت من دوامة هواجيسها وتساؤلاتها وهي تلتفت لها ببطئ ترفع حاجبها بدهشة: وليه انتي تشوفي ان حصل حاجة يا خالتي!!؟؟
جنة رفعت نظرها لديار ب كِره زادت عن قبله : خليها خالتي خليها ،. هي وشهو الي حصل لها!!؟ ما حصل لها حاجة ،. ما دام هااجس معها ما يحصل لها حاجة ،. جت وضمت هاجس بين كفوفها وقلبته عليناا ،.وشهو الي يحصل لهاا حتى خدشة الشوك ما يجيهاا
كيف عقدت حواجبها لثواني من كلامها لتنطق بدهشة : ما حصل لي حاجة!!؟
وشلون سكتت لثواني لتطلق ضحكة ساخرة وهي تهز راسها : ايه صدق كلامتس ما حصل لي حاجة ،. صادقة يا جنة انا ابد ما حصل لي حاجة "وشلون كانت تضحك بسخرية من كلامها ،. لترفع نظرها لجنة وهي تاخذ شهيق بخيبة السهور الي كانت تكتمه " لاني احترقت وانا ساكتة ،. ما صرخت ولا شكيت ،. احترقـت وانا ساكتـة هاذا الي حصل يا جنة هاذا الي حصل ،. بينما انتي كنتي تنامين في ليل انا كنت ابكي في هذيك الغرفة ،. كنت ابكي لوحدي وانادي ابوي ،. الانسان يموت مرة وحدة يا جنة ،. لكن انا متت الف مرة ،. متت من طعنات اهلي واحبابي وقبيلتي ،. احترق روحي كل ليلة رددت فيها ان ابوي ما يفرط فيني ،. ابوي فرط فيني ب عدد المرات الي كررت فيها انه ما يفرط فيني ،. حتى وانا واقفة امامكم الحين بهالثبات في بجوفي قطعة جمر تحرقني ،. تحرقني وتحرق روحي .، ما عرفت كم مرة اصرخ فيهاا عشان ينتهي كل حاجة ،. صرخت ،. وبكيت ،. وناديت ،. سويت كل حاجة ،. لكن ما ينتهـي ،. للحين مستمر ،. مهما صرخت وبكــييت واحترقت ما ينتهي ياجنة ما ينتهـيي
وشلون كان تتكلم وسط الغصات الي كان تتلف حلقها وتسلخها ،. وقفت مكانها وهي تاخذ شهيق بغصة ،. كاتمآ دموعها ومتمسكآ بثباتها
كيف جنة وقفت مكانها بدون ما تنطق بحرف بعد الكلام الي سمعته عن معاناتها وخيباتها
،وشلون اقتربت صوبها هيا الي انفطر قلبها عليها وهي تحط ايدها بكتف ديار ولكن قبل تلمس ايدها حتى ابتعدت ديار عنها بعنف وهي تنطق بالرفض وتتظاهر بالقوة والثبات في عز ضعفها: لحد يواسيني ،. مابي احد يواسيني ،. مابي احد استند عليه ولا ابي احد يحبني ،. ما جتني الطعنات الا من الي احبهم ،. لا تحبوني ،سمعتو لااا تحبوني
وشلون نطقت اخر كلمة وهي تلف وجهها وتمشي عنهم تجري وتكتم الشهقات ،. تكتم الدمعات ،. تكتم الغصات ،. الدموع الي مسحتهم عن الوجود لامن تَردو ،. وكانت تبلع ريقها الي ما كنه الا زجاج يمر من حلقها لتجرح بمرورها كل شهقة وغصة كتمتها ،. وشلون جريت بعيد عن كل شيء ،. تجري وتجري وكنه امامها طريق طويل بس لاجل تبتعد ،. لكن مهما ابتعد كان كل شيء يحصل داخل جوفها ،. مهما ابتعدت وهربت عن مواجعها ،. كانت الآلام تسكن بين ضلوعها ،. حتى لو ضربت الصدر من آلم ما فيها ،. ما كان يخف الآلم ابد ما كان يخف