دخلت الغرفة تدور بعيونها ولقته قاعد فوق السرير مغطي وجهه بيده يدعلك جبينه بقلة صبر بعد ما فكر مطولاً وما خلا احد وما دار الشكوك حوله ، دمعت عيونها تشوف هاجس بهالحالة وابوها تو كان موجود برا وهي ما تدري وش الي قاعد يصير ، وهالوقت الي انفجر فيه غضب هاجس وهو يرمي المزهرية الي كان فوق الدرج بعيد عنه بغضب يفرغ كل غضبه
كيف احتمت ديار على نفسها بخوف وهاللحظة الي شافها هاجس الي تو كان يلاحظ لوجودها ، وسرعان ما تلاشى الغضب يقترب منها بخوف : ديار فيتس شيء صار لتس شيء!؟
حطت عينها بعينه تهز راسها : لا ما صار لي شيء
مسكها من ذراعيها من خوفه عليها وندم تهوره وعدم ملاحظته لوقوفها ، وقعدها فوق السرير وهو يتطمن عليها ، واظهر ملأ حنيته في هاللحظة رغم ان كان متمكن منه غضبه قبل ثواني ، راقبت ملامحه لثواني تحاول تتعرف على السبب الي خلا ابوها يجي يطالب فيها بعد ما تخلى عنها لكن ما قدرت تعرف شيء نطقت بغصة صوتها : ابوي ليه جا!؟ مابي اروح معه يا هاجس تكفى لا تعطيني له
عرف سبب الدموع الي غورقت بعيونها ، كان تأثير كلام ام رابح لاجل يعطيها لابوها رفع يدينه لوجهها يمسكها بيدينه يتأمل خوفها بعيونها : ما بخليهم ياخذونتس لا يلحقتس الخوف من كلامهم ، الله شاهد ان الموت اهون لي من الغربة لا تخافين ما اخليتس ، ما اخلي هالعيون لغيري تروح ، انتي بس لا تظني من هاجس الردى والله هالخوف الي بقلبتس ما كانه الا نقطة من بحر خوفي ، لا تقولي لي لا تخليني قولي لي ما اخليك يا هاجس ما اخليك
نزلت دمعتها على خدها بعد ما هزمها كلام هاجس الي كان ينظر لعيونها وهو ما زال ممسك بوجهها بيدينه ومسح دمعتها باصبعه وهاللحظة الي ارتمت ديار بحضنه وهي تغمض عيونها ، بعد ما كانت تتمنى انها ترجع لابوها صار اكبر خوف يسكن قلبها ان ابوها ياخذها من حضن الشخص الي صار اب واخ واهل وقراب ، مسح على شعرها وهو يتنهد تنهيدة شقت صدره ، خاايف
خايف من كل شيء ، حتى الخيرة خايف يطلبها ، لا تطلع الخيرة هي الفرقى
ما هدأ روعة الجميع الا بعد مرور الساعات ، وقف فهاد ينطق : يعني مين الي يوصل لهم العلم يا عايض!؟ انتم تقولون كلام ما يستوعبه العقل ، آلان ابو عمير مهتم حيل ببنته عشان يرسل جاسوس خصيص يتجسس علينا ويوصل له العلم!! ؟ ، ان كان نسيتو تراه نفسه الي رما بنته وقال البنت يجي بدلها
قام عايض ينطق بقلة صبر :طيب عطنا الحكوة وعلمني وشلون عرف!!؟؟ ابو عمير ماهو من ديرتنا ولا هو صوبنا كيف يوصله علم ما يدري به حد غير اهل بيتنا!!؟
صد وجهه فهاد ونطق عساف : اذكرو الله يا جماعة وشفيكم
زفرو ثنينهم وقعد فهاد وهو يمسح على شنبه : لو يسمع هاجس من جدتي ويعطيها لابوها ونخلص من كل شيء
صد عايض الي ما كان قادر يتحمل لا فهاد ولا جدته وهالوقت الي دخل هاجس الي سمع كلامه ، واقترب ينطق بدهشة غاضبة من الي سمعه : وش يقول هاذا من كل صدقه يقول ذا الكلام!! ؟؟ الظاهر نسى اخونا انه اكثر واحد كان خايف يزوجونها له ويحرق قلب حرمته والحين جاي يقول اسمع كلام جدتي؟؟؟!!! تزوج يا هاجس طلق يا هاجس خليها يا هااجس السالفة ماهي لعبة ترا
اقترب عايض الي ابعده عن فهاد خطوة لاجل ما تصير هوشة : خلاص يا هاجس امشي نطلع
بعد يده هاجس : لا خليني يا عايض ، خليني اعلمهم وشكثر الموضوع يعنيني ، الموضوع مو موضوع مجرد سد دين وجت وبتروح متى ما بغى ابوها! ، وشلون تبوني اعطيها لابوها انا ربطت كل حياتي ومستقبلي معها
حدق في فهاد مطولاً حتى صد بجسمه عنهم لثانية يضحك بخيبة ويمسح على وجه بقلة صبر : انا وش قاعد اقول ولمين اصلاً!!؟ واقف قدام اخواني واهلي الي ضدي قبل اوقف قدام عداي واحارب لاجلها!!! يا سعدك يا هاجس
سكتو الجميع لخيبته باخوانه واقترب عساف ينطق : والله معك يا هاجس لو رايح للموت ، ويخسى الف منهم ياخذونها لو على قطعة رقابنا
مسح على كتفه عايض ينطق : معك للموت ، والله لا نصير لك سيوف فوق اعاديك مسلول
حدق فيهم مطولاً وكان محتاج وحييل من عايض وعساف الي شد ظهره فيهم رغم انه كان مستعد يوقف ولو بلاهم
أنت تقرأ
يسد الغلا دينها و يعمي عين العدا ويضيمها
Roman d'amourفـي غربـتي تغرب الـنور عـن عيــني وش حاجتي في نور عين غاب غاليها امر السفر يا نـظر عيـني قضـى فـين نفسي علـى ما تعاف امر الله حـاديها يمـك حبيبي عظـيم الشوق يدعيني يسري بعروقي كما تسري الدمـا فيها علــى خـطرها حيـاتي يـا مـعنـيني بُعدك عطـبها...
