يسد الغلا دينها و يعمي عين العدا ويضيمها

البارت 7

في بيت ابو سديم ،. وبعد ما حطت الغدا للرجال والحريم وغسلت من بعدهم ما بقى لها شغل وخرجت وهي متأملة انها بتلقى البنات برا ينتظرونها
،. وما خاب ظنها وفعلآ لقت شمس وضحى الي تعودو وصارو يطلعو ويدخلو بكيفهم واندمجو مع مهرة بسرعة ،. راحت لهم وهي تبتسم بلطف:الله وصرنا ما نخاف من الحلال!!؟
التفت ضحى لها بضحكة :اييه ما شفتيني صورتهم عن قرب تعالي اوريك الصور
مهرة:لا لا مابي اشوفهم الحين اذا فتحتي ذا قعدنا عليه لمن العصر وراح علينا اليوم
شمس :طيب شرايك اليوم نروح هنااك ودي اشوف المكان كيفه هناك
مهرة التفت ت مكان ما تأشر لتنطق : وش تبين هناك بالوادي مليان عقارب
ضحى ضرب شمس بخفة :تبي تذبحينا انتي!! اهجدي بس
قاطعهم صوت ابو سديم من وراهم وهو ينطق بفرحة: يا يبه
التفت مهرة مستغربة وهي تنطق:هلا يبه!!!
اقترب ابو سديم صوبهم وهو ينطق لبنات اخوه: وش تسوون هنا يا بناتي!!
وشلون نزلت نظرها مهرة الي ظنت انه يناديه ظنت انه يناديها
ضحكت شمس تنطق : لا عمي بس نتمشى ونشوف الحلال
ابو سديم اطلق ضحكة رحبة :وعسى ما خفتو منهم!!
ضحى : لااا عمي وش نخاف منهم ،. حتى شوف صورتهم عن قرب .، اييه انا بنت ابوي ما اخاف
ضحك ابو سديم وهو يمشي :تعالو تعالو انا اراويكم الحلال
ضحكو البنات ومشو معه عمهم والتفت ضحى لمهرة :ما بتجين معنا! ؟
مهرة الي كل خوفها انها تغلط بحاجة وابوها يضربها قدامهم وتتفشل ونطقت بسرعة :لا لا مابي انتم روحو وانا بروح ازهب القهوة اكيد خلص من عند عمي
ضحى ابتسمت لها ومشت ولحقتهم
ومهرة تنفست ب راحة لانها ما ضغطت عليها وبنفس الوقت حزت بخاطرها وشلون ابوها وسيع صدره مع بنات اخوه ومعها كلمة شكرآ ما ينطقها
والتفت لاجل تدخل وكيف انتشر صوت صراخها بفزة من شافت رضا واقف امامها ،. وبسرعة تداركت وهي تعدل غطاها ،. ورضا الي تعدل بعد ما تدارك
،. ونطقت مهرة بانزعاج من رضا الي ما غير يضايقها :من متى وانت هنا!!؟
وشلون تعلثم رضا وهو ينطق: مو من زمان ،. توني جيت وشفتك واقفة قلت نتمشى مع بعض
مهرة صدت نظرها عنه بإنزعاج تكتمه وهي تمشي عنه:السموحة عندي شغل ومقدر
اوقفها بسرعة : طيب بس لو نقعد مع بعض ،. يعني ما ينفع بعد!!؟
وشلون عضت شفتها ب وهقة وهي ما تدري وشلون تفتك منه :مقدر والله ،. عندي شغل
وقبل ينطق رضا قاطعه وصول سيارة عايض الي انتشر صوته ،. ومهرة ما ضيعت الفرصة وهي تشوف رضا التفت لسيارة عايض ونطقت ب عجلة :امي تناديني ،. رايحة اشوفها
وانحاشت منه بسرعة وهي تحمد ربها ان وصل عايض بالوقت المناسب ،. اما رضا مشى يبي يدخل المجلس قبل يمسكه عايض لكن اوقفه صوت عايض الي نزل من السيارة وهو يناديه: ياهووه!!!
وقف وهو يرسم ابتسامة : هلاا ب ولد عمتي هلاا والله
عايض تقدم عاقد حواجبه ويدخل مفاتيح بجيبه ويناظره بتشكك :وشهو عندك واقف مع البنت!!؟
رضا :ابدد والله ،. خرجت لاجل اعلمها تسوي قهوة لاني قلت اكييد عايض الحين بالطريق وجاي ولازم اول ما يوصل تكون القهوة جااهزة ومخلصة
عايض هز راسه : ماشاءالله ،. الظاهر شميت ريحة غباري قبل اجي!! ،. ادخل ادخل بس
والتفت عايض يدخل المجلس ولحقه رضا وهو يتنفس براحة لانه ما مسكه ،. وعايض ما مشت عليه السالفة يدري بسواليفه لكنه مشاها له ماله خلق يطولها معه وهو داري انه كذاب وبيكذب