သူမကချိုမြိန်ပြီးချစ်ဖို့ကောင်းလာတယ် [ဘာသာပြန်] Complete ✅

Chapter - 59.1 [Uni+Zawgyi]

Chapter 59.1 {Extra 10}

ရီဇီယန် နှင့် လင်ချင်းချင်း တို့သည် လွန်ခဲ့သော ဆယ်နှစ်က တွေ့ဆုံခဲ့ကြသည်။

ထိုအချိန်တွင် သူက သူ့တာဝန်ကို ကျရှုံးခဲ့ပြီး သူ၏အချစ်ဆုံးသူငယ်ချင်းကို ဆုံးရှုံးခဲ့သည်။  ဒဏ်ရာအပြင်းအထန်ရသွားခဲ့ကာ ခြေထောက်အရိုးကျိုးကာ လက်မောင်းကြွက်သားများ ဒဏ်ရာရရှိကာ ပုံမှန်အတိုင်းလှုပ်ရှားနိုင်ခြင်း မရှိသို့သော်လည်း လက်ချောင်းအနည်းငယ်ကိုသာ အသုံးပြုနိုင်ကာ နေ့စဉ်အစားအစာစားခြင်းနှင့် အဝတ်အစားဝတ်ခြင်းကဲ့သို့သော နေ့စဉ်ပြဿနာများကို ရင်ဆိုင်ဖြေရှင်းနိုင်ခြင်း မရှိခဲ့ပေ။ 

ခြေထောက်အရိုးတွေလည်း ဒဏ်ရာရခဲ့ပြီး ဘယ်မှ မသွားနိုင်တော့ဘူး။ နေ့တိုင်း အိပ်ရာထဲမှာပဲ နေနိုင်ခဲ့တယ်။ သူ့သူငယ်ချင်း သေဆုံးသွားတာနဲ့အတူ အဲဒီအချိန်မှာ သူဟာ အရမ်းစိတ်ဓာတ်ကျသွားခဲ့တယ်။

သို့သော်လည်း သူသည် သူ၏ခံစားချက်များကို ဖုံးကွယ်ကာ နေ့စဉ်စာဖတ်ခြင်းထဲ ခေါင်းကို မြှုပ်နှံထားသောကြောင့် အခြားမည်သူကမျှ သတိမထားခဲ့မိပေ။

လိကျီ သည် သူ့ထံ မကြာခဏ လာလည်သည်။ သူ အိပ် နေသည်ဖြစ်စေ စာဖတ် နေသည်ဖြစ်စေ သူကသူ့ကိုကြည့်နေရတာပျင်းလွန်းသဖြင့် ကတောက်ကဆက်ပြောသည်။ "မပျင်းဘူးလား၊ တစ်နေ့လုံး အိပ်ပဲအိပ်နေတာလား"  ထို့နောက် မျက်မှောင်ကြုတ်လိုက်သည်။  "ဒါပေမယ့်လည်း မင်း ဒီအတိုင်း တနေကုန် အိပ်နေလို့မရဘူးလေ။  ဟေး၊ ငါ့ကို လျစ်လျူမရှုပါနဲ့ အာ။ မင်းမလှုပ်နိုင်ပေမယ့်လည်း မင်းလူတွေနဲ့ ဆက်သွယ်ဖို့ လိုသေးတယ်လေ။ မင်းငါ့ကို စကားမပြောချင်ဘူးဆိုရင်တောင် အခုဆိုဆိုရှယ်ဆော့ဖ်ဝဲကို တီထွင်ကြပြီးပြီ မင်းသူစိမ်းတွေနဲ့ စကားပြောလို့ရတယ်။ မင်းဒီလိုဖြစ်နေတာ ငါသိတယ်၊ မင်းကအရာရာတိုင်းကို မင်းကိုယ်တိုင်ပဲ ဆုပ်ကိုင်ထားတာ လွှတ်ချထားလိုက်ပါတော့ မင်းဒီလိုဆက်ဖြစ်နေရင် မင်းဖျားလိမ့်မယ်။ အစ်ကို ကျင်း အတွက် မင်းစိတ်မ‌ကောင်းဖြစ်နေမှန်း ငါသိပါတယ်၊ ဒါပေမယ့် သေပြီးတဲ့သူကလည်း အသက်ပြန်ရှင်လာမှာ မဟုတ်ဘူး မဟုတ်လား။ မင်းအသက်ရှင်နေရင် ရှေ့ကိုဆက်လျှောက်နေရမှာ။ မင်းစိတ်ထဲမှာ တစ်ခုခု ပြောစရာရှိတယ်လို့ ထင်ရင် တစ်ယောက်ယောက်နဲ့ စကားပြောလိုက်ပါ။ ငါမင်းကိုပြောနေတာ မင်းနားထောင်နေရဲ့လား။"