غرام الشاهين

أعلان + مُقدمه 🦅

غرام الشاهين

السلام عليكم جميلاتي
حأبه أُرحب بكم قرأ روأيتي الجميله
وأتمنئ لكُم وقتٍ مُمتع

رجُل قَوي لا يُهبَهُ شيئًا
تَبلد فِي عُشق عَمله ،
لَم يَهُوىٰ العُشق و لا النِساء !
فَـ مَاذا أن هَزمَت كيانهُ !
أحداهِن بِكَيداها ،
لَتكون هِي الرَابِحة و هَو
الهَائِم ..

هيَّ صغْيرةٍ وجمِيله مُشاغبِة !
تهُوئ التَحديَّ والمُغْامرَة ،
لعُبة ذأتَ لِسانٍ عِسل ..
مأذا حَصل معْها حتَى .
أصبحت باردْة تائِههٌ
تبحثُ عن الأمان !
فِي كُل مكان وَزمان ..

ترقبُ غرام الشاهين
معي أنا ترف الصالحي

***************************************************

بقيت صافنة عليَّ وأكع وكُلها تبجي وهوَّ بصعوبه يسحب أنفاسه تقربت منهم أكثر بان الي أنُ هوَّ متصاوب وينزف

تگلمت بصوت عالي أجذب أنضارهم الي

- هاي ليش صافنين تباوعُ عليَّ مو لأزم تاخذُ للمُستشفى منتظري يموت الى تتحركو شبيكم !!

حجت سكون وهيَّ تشهك وكلماتها مُتقطعه بسبب الشهكه الي مسيطره عليها

- ما يقبلون نطلع هُمَ دخلو وما يكدرون يأخذونه يكتلوهم

تحجي وتشهك وكُلهم يبجون حاول هوَّ يسند نفسه ويتحرك بس ما كدر والبنات يخافٍ يقربن منه لئن جرحه مفتوح وينزف بشكل مُرعب تقربت منه ولزمت أيده وأنا أستغفر ربي ساعدته يُكعد عدل ورحت جبت اله مَي ورجعت

- تفضل أشرب

***************************************************

درت وجهي شفتها كاعده بزاويه بالغرفة وتبجي كملت أكل شيدان وشلته ورحت يمها أبتعدت عني خايفه وترجف ودموعها ماخذه مسارها على خدها خليت أيدي على كف أيدها الي يرجف بعدت أيدي بسرعه وضربت رأسها بالحيط وبقت تصرخ شيدان بس سمعها خاف وبقه يبجي ناديت مرام انطيته الها وحضنت البنيه على كلبي وهيَّ تضرب بيه وتصرخ وتشلع بشعرها لزمت أديها وحضنتها وبقيت أقرأ أيات قرأنية على رأسها لحد ما هدت وغمضت عيونها بقيت يمها لحد ما تأكدة منها نامت ردت أبتعد عنها فزت مرعوبة ولزمت أيدي وهيَّ تبجي

- عفيه لا تخليهم يأخذوني أبقي يمي فدوه لا تركيني أريد ماما والله ما سويت شي

- أهدي أمي يمج أنا ما أتركج نامي يروحي هاهيه
ربج ياخذ حقج منهم حسبي الله ونعم الوكيل بيهم أشش أهدي ونامي

غمضت عيونها ولزمت أيدي بقوه رفعت رأسي على صوت شيدان يبجي ومرام تفتر بيَّ تريده يسكت نأديتها وأخذته منها خليته بحضني العب ويا وأناغي اله لحد ما تعب ونام رجعت رأسي على الحيط الي جان رطب وبيَ ساعه يوكع علينا غمضت عيوني وأنا أفكر بالي راح يصير ويانه أجاني صوتهم العالي يحجون بينهم واحد يغلط على الثاني أنفتح الباب بقيت مغمضه عيوني وساكته حسيت على شخص هزني بقوه فتحت عيوني لكيتها مرام