غرام الشاهين

بارت 18

السلام عليكم

تصويت وتعليق بين الفقرات

لطفًا جميلاتي

*********************************

وكَم قَسَتْ الحَيَاةُ عَليَّ يَومًا
‏فَجِئتُ إلٰىٰ حَنَانكَ أشّتَكِيِهَا

*********************************

روان

بعد كلام عمار درنا وجوهنا على صوت طبه قويه غرام واكعه والدم تارس الإرض ركضت بسرعه وأنا ابجي وأرجف مَن صفحه كلام عمار وخوفي على بابا ومَنِ أختي الي وكعت على الكلاص ومتأكده انفتح رأسها بسرعه لبسناها شال وعبايه وشالها عمار ماما وكفت سياره ورحنا كُلنا طول الطريق والنزيف مُستمر لحد ما وصلنا للطوارئ اخذوها مَنِ عندنا بسرعه وبدو يشوفون مكان الجرح انا طلعت ما تحملت بقت يمها بس ماما وعمار وكف يمي لحد ما طلعوها على السديه فاقده نقلوها للردها خاصه بالنساء وشدو الهل مغذي بعدها ماما بلشت دك وتلطم ونتصل وماكو ساعه ونص واجو خالو وخاله خاله بقت يمنا انا وغرام وخالو اخذ ماما لبابا الي ما جنا فاهمين شنو وضعه عايش لو ما يهون عليَّ اكول ميت بس مَنِ صدُك ما نعرف وضعه شنو نبهني صوت خاله وهيَّ تكول

- عمت عيني ابو غرام خويه سوده بوجهي منين أجتك هاي

صفنت عليها متأكده هيَّ تعرف بابا وين وشنو بيَّ سألتها وأنا دموعي بعيني

- خاله شبي بابا

جاوبتني وهيَّ تبجي وتضرب على رجلها بحركه

- هذول الي ما يخافون الله الراحو للفصل مالتهم صايره عركه وشايلين سلاح وأبوج داخل بينهم يهديهم وجايه الجيله بيَّ

شهكت وبجيت كلامها شك كلبي جنت هادئه وما مصدكه بابا بيَّ شي لحد ما حجت خاله تمنيتها تطلع تجذب وتمنيت الطلقه ما جايه بمكان خطر لحد ما كملت كلامها وهيَّ تكول

- أجت الجيله يم كلبه سوده بوجهي عساها بحضهم وبختهم حاجوز دخل بينكم شمالكم تترامون ميت الكم ميت

بجيت بصوت وضميت رأسي بين رجليه النسوان كُلها تباوعلي وتسأل شبيها وخاله تجاوبهم بقت النسوان كُلها تدعي اله سمعت صوت غرام تون طفرت لخاله بسرعه وكلت الها بصوت بس هيَّ تسمعه

- خاله أمانه مو تحجين شي لغرام تموت بس تعرف هيج صاير بيَّ

هزت رأسها خاله وسكتت رحت لغرام وكفت يم راسها دموعها تنزل وهيَّ مغمضه عيونها لزمت أيدها ودنكت عليها بستها بخدها فتحت عيونها تحرك رأسها بسرعه كلت