غرام الشاهين

بارت 16

السلام عليكم
شلونكم جميلاتي أعذروني
على ألانقطاع
لطفًا متابعه للحساب
وتفاعلو بين الفقرات

***********************
‏مَا كُنت أُومِن بِالعُيُون وَفِعلُهَا
‏حَتَّى دهتني فِي الهَوَى عَيْنَاك
‏الْحَسَن قَدْ وَلَّاك حَقًّا عَرشه
‏فتحكمي فِي قَلبِ من يهواكِ

***********************

أفيان

خفت لا يكون سمع الكلام الي كالو وأنا كلبي عاصرني تأذيت مَنِ كلامهم هواي شنو ذنبي أنا أجاني صوت شاهين رفعت رأسي انظر الى بخوف

- مرخصتج بويه شويّ وخري  

بعدت عن الطريق رايحه للمطبخ وهوّ دخل الهم خفت حيل كلت هسه راح تصير مصيبه أسمع يحجي وهوّ صوته يخوف وعالي حتى لو يحجي بهدوء صوته يبقه عالي

دخل سند للمطبخ سلم رديت السلام وبعدت انظاري عنّ كال

- خيرج بويه بيج شي؟

ينظرلي نظرات مليئ بالتسأول والستغراب ومنتضرني أجاوب رفعت رأسي وأبتسمت بهدوء

- لا مابيّ شي بس رأسي شويّ يأذيني

ملامحة تبدلت ونظرلي بخوف تقرب بسرعه وضع كف أيده الأيمن على كصتي وكال بنبرة صوت مليئ بالخوف والقلق

- حرارتج مرتفعه أمشي البسي أخذج للمُستشفى

هزيت رأسي بسرعه وتكلمت وأنا أبعد أيده الي كان يمررها على ملامح وجهي

- لا والله ما اروح هسه بس أخذ براستيول وانام أصير احسن لا تخاف

هز رأسه وتكلم وهوّ طالع مَنِ المطبخ

- براحتج ابويه بس اذا بقه راسج يأذيج كولي حتى أخذج

أبتسمت وبقيت ساكته وهوّ راح طلعت مَنِ المطبخ صعدت لغرفتي بوجهي للحمام غسلت وجهي وسبحت وطلعت أخذت علاج ونمت

كعدت على صوت زمان يحجي ويا أبو بس رفعت راسي غمني ضحكت بعدم أهتمام وكلت بدأخلي هوّ هذه حضي رفعت انظاري على صوت زمان مَنِ زمخ بيّ أبو بسرعه انهضم وبقه يبجي نزل مَنِ السرير وطلع يركض ويشهك بأوعتله بعدم رضى لو شما يصير يبقه طفل ما يصير نعامله هيج دخلت للحمام اغسل وطلعت أرتب حجابي حتى أنزل كال سند

- شلون صرتي

- الحمدُلله أحسن

بقه ساكت تركته ونزلت جوه لكيتهم كُلهم كاعدين سلمت ورحت للمطبخ لكيت سكون هناك بس شافتني بأوعتلي بزعل وكالت

- أفيان ليش خليتو زمان يبجي

بسرعه هزيت راسي وكُلت الها وأنا أتقرب يمها