السلام عليكم
كيف الحال جميلاتي
متابعه للحساب تعليقاتكم الجميله
والتصويت لطفًا وليس امراً
***********************************
ليسَ الحَبيبُ بِمَن يَأتيكَ في رَغَدٍ
إنَّ الحَبيبَ هوَ المَشهودُ في المِحَن
***********************************
غرام
فتحت عيوني على صوت أنفاس قريب مني توقعت شاهين رجع بس لما فتحت عيوني فزيت ورجعت راسي للخلف شخص بشع الشكل وجهٌ كُله حروق وأثار تعذيب هذه الشخص أنا أعرفُ كابوسي!! الي مُستحيل بيوم أنساه لو يروح عن بالي ترك بداخلي أثر وندبة ما راح تنمحي طوال حياتي غمضت عيوني أتمنئ يطلع حلم وفتحتهم بسرعه الغرفه فارغه وكفت وأنا ارجف امشي واتعثر لحد ما فتحت الباب صار كدامي اهلي وشاهين أجاني بسرعه يحجي وياي كنت احاول احجي وداخلي يرجف قرب مني بابا مِنَ شفت بابا حاولت أتشجع واحجي كلت بحروف متقطعه ومليئ بالخوف والرجفه
- بابا شفت رجال بالغرفه
باوعو واحد على الثاني بصدمه ودخلو للغرفه ضمتني ماما داخل حضنها تمسح على شعري بأيدها الدافيه وتهمس بكلمات بثت الأمان بداخلي
- اسم الله الزهره ام الحسن على أسمج امي حبيبتي
طلعو بابا وشاهين مِنَ الغرفه صافنين عليَّ اعرف بداخلهم جاي يكولون هاي مخبله!! بس أنا متأكده شفته تمام " مُمكن جاي أتخيل لا مو مُمكن أكيد متوهمه قاطع تفكيري صوت بابا وهوَّ يسحبني مِنَ ماما يضمني بحضنه يمسح على ضهري ويكول بصوته الدافئ
- عزيزة أبوها تعبانه سوده بوجهي بوية وصل بيج التعب تشوفين شي ما موجود مات أبوج ولا يخليج بهل حاله
شهكت وخليت ايدي على أيده وعيوني مدمعه حجيت وأنا على وشك البكاء
- اسم الله عليك لا تكول هيج أزاعلك والله
هز رأسه وباسني بخدي وأخذني للصاله كعدنا سوى ضامني بحضنه وشاهين كدامي ينظر الي بنظرات شخص حاير ضايع أو خايف يخسر شي عزيز عليَّ أول مره أشوف شاهين بهذه الوضع المُريب بعد كعده دامت ساعه كامله ترخصت منهم أروح لغرفتي دخلت للغرفه شوي ودخل شاهين كعدت على السرير تقرب مني وكعد لزم أيدي باس أصابعي واحد واحد يبوسهم بشوغه وشمه جسمي قشعر مشاعري اضطربت أحمم أحس ديناصورات أترافس بداخلي كال بصوت بيَّ رجفه لأول مره أستشعر نبرة صوته هذي
- غزالي يُبا تروحلج فدوه ونذر روحي يبعد شاهين ونفسه لا تخليني أشوفج بهذه الوضع ولج يُبا خلصت عمري مرجف زلم ورجفت يم عيونج ولمعتهن
أنت تقرأ
غرام الشاهين
Mystery / Thrillerرَجُل قَوي لا يُهبَهُ شيئًا تَبلد فِي عُشق عَمله ، لَم يَهُوىٰ العُشق و لا النِساء ! فَـ مَاذا أن هَزمَت كيانهُ ! أحداهِن بِكَيداها ، لَتكون هِي الرَابِحة و هَو الهَائِم .. ويَلًا لَهُ مِن حَواء فأن كَيدها عَظيم . #مزيج_بين_الواقع_والخيال #بقل...
