غرام الشاهين

بارت 14

السلام عليكم

لا تنسو التصويت

والتفاعل بين الفقرات لطفاً ♡

***********************
أشكو عليل فؤاد أنتَ مُتلفه
شكوى عليلً إلى إلفٍ يعتلله
سُقمي تزيد مع الأيام كُثرته
وأنتَ في عظم ما ألقى تقلله
اللَه حرم قتلي في الهوى سفهاً
وأنتَ يا قاتلي ظُلماً تُحلله

***********************

غرام

شعور سيئ تملكني ما توقعت شاهين يكون هيج ولا حتى فكرت بهل شي
نصدمت وبسرعه شمرت التلفون بمكانه وطلعت لغرفة سكون لكيتها نايمه بقيت اتكلب بمكاني وكأنُ النوم حالف بهل لليله ما يمُر عيوني تمنيت الصبح يطلع بسرعه واروح لهلي وحلفت ما ابقه ثانيّ وحده على ذمته طلع الصبح وعيوني تناطر كعدتهم حتى يوصلوني اول ما كعدت سكون وطلعت رحت وياها لكيتهم كُلهم كاعدين وحتى هوّ صبحت عليهم وحجيت ويا وأنا كارها نفسي وادور عيوني بكُل مكان بس ما اخليها عليّ

- شاهين اريد توصلني بس تخلص ريوك

نظرلي بضوجه واضحّ على ملامح وجها  وكال بعد ما طال النظر بيّ وهوّ يحاول يخفي ضوجته

- تمام يُبا تدللين بس تعالي تريكي وبعدها نروح.

رحت يم البنات وهم يلحون عليّ اتريك بس قنعتهم انُ أنا ما اكل الصبح بقيت منتضرته يخلص واول ما خلص صاحلي صعدت ورا وأنا اتمنئ اطلع بروحه وأنهي من الوجود مو أنا الي ينضحك عليها وتنغش أنا غرام أكبر شارب ما يهزني دخلت للغرفه كال وهوّ يتقرب ويحاول يلمني بحضنه

- غرناقِي روح الشاهين يُبا شبيج ضايجه منو وياج

سحبت نفسي من حضنه ورحت اعدل شالي والبس عبايتي بدون ما انطق بحرف واحد وهوّ باقي يفتر وراي ويحاول يعرف سبب ضوجتي بعد ما كملت وصلت يم الباب نظرت بوجها وأنا كارهته

- توصلني ونحجي

تركته وطلعت سلمت على اهله وحضنت زمان اسكته واقنعه أنُ راح اجي مره ثانيّ وطلعت بالطارمه انتضره يجي اول ما اجه أشرلي على السياره صعدت وهوّ فتح باب الكراج وطلعنا طول الطريق ما جان ينسمع غير صوت انفاسنا وصلنا وقبل ما انزل نظرت اله نظره أخيره وكلت

- أبد ما توقعت هيج تسوي بيّ بس خير ان شاءلله وداحي الباب راح أندمك واخليك تعض أصابيعك ندم على الي سويته

ضربت الباب ونزلت بسرعه بدون سلام تعاركت ويا اهلي لأن تركوني ورجعو ودخلت لغرفتي اخذت منوم ما طولت هواي ونمت كعدت على صوت روان تكعدني فتحت تك عين وكلت