غرام الشاهين

بارت 7

السلام عليكم شلونكم امي

عذراً على التأخر بالتنزيل بس التصويت ابد ما عاجبني مشاهدات 2 الأف وتصويت ماكو امانه تفاعلو وقدرو تعبي بتصويت وتعليق بين الفقرات

متابعه للحساب 9_lj7j

*************************************

أدمَنتُ صوتَكَ والإدمانُ أذواقُ
فالعَينُ تَعشقُ والآذان تَشتاقُ
في رَنَّةِ الحَرفِ أنغامٌ وسلطَنَةٌ
كذلك الصَّمتُ أسرارٌ وآفاقُ
للعاشقينَ كَلامُ الحُبِّ مسبَحةٌ
في كل لؤلؤةٍ... شَهدٌ وترياقُ
بينَ السُّطورِ سُطورٌ لستُ أفهمُها
وأغلَبُ الظَّنِّ إدمان وأحداقُ

*************************************

غرام

: خلص اليوم بسرعه بين الطلعات والمُشتريات لحد الليل نزلنا نزور نحن البنات وكان ألمكان أزدحام بشكل گبير
من دخلنا للحضره ضيعت البنات ومن لكيتهم بقيت احجي عليهم ما يندلون الفندق وأخاف عليهم طلعنا من الأمام الحُسين ؏ وبقينا نفتر ونصور الأجواء بين الحرمين

- غرام
يلا ولجن خلي نرجع للفندق صارت الساعه 12

- أفيان
لا عفيه غرام بس أروح للحمامات وبعدها نروح للفندق

- يمعوده بالفندق وروحي للحمام لا تضيعن وأبتلي

- لا ما نضيع هذه الحمام راح نروح انا وروان ونرجع بسرعه ما عدنا شي

- الج 5 دقايق اذا تتأخرن أكثر اتركجن وأروح ولقد أعذر من أنذر فهمتو

- هاهيه يلا روان نروح ونرجع بسرعه

: راحو وأنا فتحت أتصال ويا صديقاتي أشوفهم الأجواء شلون تجنن ماكو دقيقتين وأجتني بنيه سلمت عليه وكالت

- حبيبتي أختج هناك وأكعه وبنيه يمها دزتني اصيحج

- العفو شعرفج هذي أختي وأختي بالحمامات اصلاً مو بالمكان الي كلتي عليه

- شوفتني صورتج ودلتني على مكانج والبنيه الي وياها تبجي تجين أدليج على مكانهم لو لا بكيفج بعد

- تمام عيني أخذيني الهم

: رحت وياها وأنا ما مقتنعه لحد ما وصلنا المكان ناس بي جداً قليله باوعت الها بعصبيه وكتلها

- وين أختي وليش تجذبي عليه أدب سزز

: ضحكت وهي تباوعلي بنضرأت مُقززه ما حسيت غير شي تخلئ على خشمي بقيت أدفعها بيدي بس ما كدرت بسبب الشي الي على خشمي دخت وما حسيت بشي بعد