غرام الشاهين

بارت 10

السلام عليكم شلونهم الحلوات
أعذروني على التأخير بالتنزيل بس جاي تشوفو تفاعل ماكو أبد
لا تنسو التصويت والتعليق بين الفقرات لطفاً
متابعه للحساب @‏9_lj7j

************************************************

وشائت الصدفة وتلاگينة!.
بدرب هو رايح وانه جاي.؛
گلبي شگ صدري وطفر وأفتر وراي.
وگام يدفعني أعله دربة يگلي فدوة؟
والله أخر مرة هاي...

************************************************

أفيان

- وبعد أسبوعين من رجوع غرام جان الوضع جداً سيئ ما جنت تحجي أبد طول الوقت معصبه وتبجي لحد هسه مصدومين بشكلها من اجت وبكلامها ويانه تغلط على الكُل وتحجي على أبوها تكُله بسببكم مات مرتين يجي شاهين يحاول يحجي وياها وجانت بكُل مره تغلط عليّ وما تستقبله ولا تكعد ويا اجو أهله ما خليناها تطلع كُلنا نايمه خفنا تطلع وتغلط عليها لو تطردهم أبوها مخليها براحتها الي صار وياها أبد مو سهل وبدا يطلع عليها كلام هواي على أبو هيّ مخطوفه ويمكن مسوين الها شي وبيوم جنت بايته يمهم ونمت بغرفتها فزت بالليل تبجي وتباوع بالغرفه رفعت أيدها وخلتها على أيدها الثانيه وهزتها الي يشوف حركتها يكول طفل نايم بحضنها وجاي تهزه رفعت راسي كعدت يمها وحضنتها وجها جان اصفر وضعفانه حيل وهالات سود جوا عيونها عايشه على العلاج ابد ما تأكل هواي نحاول وياها بس ما جنت تسمع منا ولا حتى تكعد ويانه لو تحجي طول هاي الفتره جنت اروح يوم عند اهلي وارجع يمها ما اكدر اتركها وحدها مع انُ هي ابد ما تحجي بس تبجي نومتها على رجلي وخليت إيدي العب بشعرها واسولف وياها

-
غرامي يبعد حيلي اكو شي يأذيج يبعد عيوني ارجعي مثل قبل ما تعرفي شصار بينا على فراكج وشكد تئذينا أبوج ما دخل للبيت لحد ما دخلتي أنت ويا وامج كُل يوم تنام بالمستشفى ما نعرف بشنو مريتي ولا شنو شفتي بس الي اعرفه غرام قويه وراح ترجع احسن من قبل ماكو شي يكسرج انت دائماً تكولين أنا ماكو شي يكسرني ما طول بابا بضهري شنو الي صار هسه

رفعت رأسها وخزرتني خلت أيدها وبقت تضرب على راسي بخفه

-
انت ما مريتي بالي مريت بي أنا ولا انت شفتي بنات صغار يموتون ولا سمعتي صرخاتهم بسبب وحشيه الحقراء انت ما تحسين بيّ ولا واحد بيكم يحس بيّ أنا خسرت عافيتي خسرت نفسي خسرت الي حلفت راح أعيش طول عمري لخاطره هو جان مصبرني واخذو مني جان حالف الي راح يجيبه الي واتصل عليهم بس قتلو ما لحكت اشوف ضحكته ولا لعبته ولا عرفت جان شبعان لو بردان كُلهم أذوني محد رحم بحالي

جانت تحجي وتشهك وبين كلمه والثانيه تضرب على رجلها وتنتر بيّ كملت كلامها وهي تشهك ومغمضه عيونها