غرام الشاهين

بارت 5

السلام عليكم شلونهم قوأريري

يارب تكونو بخير

مؤنساتي الغاليات

************************************

حَكِّم سُيوفَكَ في رِقابِ العُذَّلِ
وَإِذا نَزَلتَ بِدارِ ذُلٍّ فَاِرحَلِ

وَإِذا بُليتَ بِظالِمٍ كُن ظالِماً
وَإِذا لَقيتَ ذَوي الجَهالَةِ فَاِجهَلي

وَإِذا الجَبانُ نَهاكَ يَومَ كَريهَةٍ
خَوفاً عَلَيكَ مِنَ اِزدِحامِ الجَحفَلِ

فَاِعصِ مَقالَتَهُ وَلا تَحفِل بِها
وَاِقدِم إِذا حَقَّ اللِقا في الأَوَّلِ

وَاِختَر لِنَفسِكَ مَنزِلاً تَعلو بِهِ
أَو مُت كَريماً تَحتَ ظُلِّ القَسطَلِ

فَالمَوتُ لا يُنجيكَ مِن آفاتِهِ
حِصنٌ وَلَو شَيَّدتَهُ بِالجَندَلِ

مَوتُ الفَتى في عِزَّةٍ خَيرٌ لَهُ
مِن أَن يَبيتَ أَسيرَ طَرفٍ أَكحَلِ

************************************

: بقيت صافنه على شاهين الي واكع وكلها تبجي عليه وهوا بصعوبه يسحب النفس تقربت منهم اكثر بان الي انو هوا متصاوب وينزف

- غرام
هاي ليش صافنين تباوعو عليه مو لازم تاخذو للمستشفى منتظري يموت اله تتحركو شبيكم

: حجت سكون وهيا تشهك وكلماتها مُتقطعه بسبب الشهكه الي مسيطره عليها

- سكون
ما يقبلون نطلع هما دخلو وما يكدرون ياخذونه يكتلوهم

: تحجي وتشهك وكلهم يبجون خو ام شاهين كطعت نفسها وهوا حاول يسند نفسه ويتحرك ما كدر والبنات يخافن يقربن منه لئن جرحه مفتوح وينزف بشكل مُرعب تقربت منه ولزمت ايده وانا استغفر ربي ساعدته يكعد عدل ورحت جبت اله ماي ورجعت

- غرام
تفضل اشرب

: اخذ الماي وشرب منه على كيف ايده ما مسيطر عليها مبين متئذي حيل تقربت منه وكتله

- غرام
شنو اكدر اسوي خوما تبقه هيج يمعود دمك خلص

: كال وهوا يغمض عيونه بقوا ويهمس بصوت بس انا اسمعه

شاهين : خايف عليه الغزال ألبري

- غرام
طبعًا لا شدخلني بيك بس امك خطيه متئذيه عليك وهسه كولي شنو لازم اسوي

: عصر عيونه بأيده السليمه وكال بهدوء

- شاهين
جيبي ايا شي لفي على الجرح

: باوعت لاف راسه بالغتره سحبتها منه ولفيت ايده بيها بقوا غمض عيونه وباوعلي

- شاهين
جاي تنتقمين مني شني؟