غرام الشاهين

بارت 20

السلام عليكم

شلونكم عزيزاتي يارب تكونو بخير

تصويت وتعليق بين الفقرات لطفًا

متابعة للحساب ♡

***************************

" قولي بربِّ الكونِ من قدْ أوجعكْ؟
‏بثّي إليَّ همومكِ فأنا معكْ
‏وإذا ذرفتي دمعةً سأضمّها
‏لا تحزني فالقلبُ جاءَ ليسمعكْ "

***************************

غرام

جنت منتظره هذه الحضن ومنتظره جيت صاحبه بفارغ الصبر هوَّ صح مو بدفو حضن عزيزي وما احس يوصل إلى بس حسسني بالقليل مَن الراحه الي جنت فاقدتها طول هاي الأيام شكد ما جنت أبجي زاد نحيبي وني مَن حضني ضربت على كلبه بقوة وأنا أشهك واحجي

- شاهين راح بابا راح سندي بقيت بدون أب

رد بصوت مقهور وكلمات حنينه

- يبعد شاهين وعافيته أنا ما أوصل لربع مَن حنية أبوج وأخسى أصير بمكانه بس أصيرلج أبو وسند يبعد هلي كلهم

كلماته زيدت نوحي وتعبي بس ما جنت كادره أحجي تعبانه الكلام يزيد قهري ما احس احد يفهمني وما اريد احجي الهم لأن هم مو بابا أحس اكتفيت مَن الكلام شالني شاهين خلاني على الجربايه وبقه ضامني بحضنه يمسح على رأسي قهرتني حركته أنا أعرف اليتيم يمسحون على رأسه شلت أيدي الي ما جنت حاسه بيها مَن كد ما ضربتها بالإرض بعدت أيده بقهر ونطقت بهدوء وروح مسلوبه

- لا تمسح على رأسي مو يتيمه أنا وبابا عايش فهمت

رفع أيدي باسها. سحبتها مَن عنده ومسحت مكان البوسه بثيابي السود كنت أعرف ومتأكده هوَّ فهم  سبب حركتي وهم بس هوَّ الوحيد مَن بعد بابا يفهمني بس ماريد أحد غير بابا أنا أحتاج بابا بحياتي رفعت رأسي على صوت أبراهيم يحاجي شاهين وصوته كان متروس غصه الي يسمعه يكول جان يبجي

- داهين وين بابا

بعدني شاهين مَن حضنه ونزل أحس بخطواته نحو مكان صوت أبراهيم وسمعت صوت سدت الباب خليت رأسي على المخده الي جانت متروسه عطر هذا عطر عزيزي وهاي مخدته ماما خلتها جوا رأسي الصبح مسحت على المخده وأنا مغمضه عيوني وبس أتخيل شكله مرني طيفه وهوَّ يضحك مَن يشوف غيرتي عليَّ اذا حضن أخواني وهوَّ يضحك ويكول

- يا نور عيوني غير أخوانج وهم الهم حق بيَّ مثلج

ابقه مطنكره وأصيح بسرعه وأنا أبعدهم عنه بزعل وغيره وأضحه