غرام الشاهين

بارت 12

السلام عليكم

شلونهم الجميلات

لا تنسو التصويت
والتعليق بين الفقرات
لطفاً

متابعه للحساب @9_lj7j

***********************************

وأرَاك في كُلِّ البِقاعِ كأنما
‏لا جُرمَ في فلَكِي يَدورُ سِواك
‏ما عُدتُ أبصرُ في العَوالِم كُلها
‏قَمرًا سِوَاك فجَلَّ مَن سَوَّاك

***********************************

غرام

- صرخت بصدمه من الي جان واكف يم القبر ودرت وجهي على شاهين الي جان ينظر الي بشك لزم ايدي وانا ابجي تقربنا من القبر هوّ سلم على زيد الي جنت متفاجئ بوجوده توقعت انسجن مثلهم جان ينظر الي بخوف من انُ احجي ويعرفه شاهين هوّ يشتغل وياهم خليت راسي على القبر وبقيت ابجي واصرخ اعرف ميت ومتأكده بس جنت اجذب نفسي تمنيت اشوف ضحكته وعيونه الحلوه ابتعدو عني بقيت يمه ساعتين ابجي واسولف ويا لحد ما اجه شاهين يحجي وياي فاصله عنه غسل وجهي اله ركزت ويا جان يكول

-
يلا يُبا خلي نروح للامام علي نزور حتى نرجع من وقت ورانا طريق

خزرته وانا ابجي واسولف ويا

-
ماريد اروح واتركه اريد ابقه هنا انت اذا تريد تروح روح وحدك

بقه صافن بوجهي مسح دموعي بكف أيده الأيسر وضمني لصدره يسولف

-
وين تبقين هنا ما تخافين يطلع الج حيوان لو جني انوب يتلبس بيج وانتِ ما شاءلله ما ناقصج جنون

بعدت عنه وضربته على صدره ضايجه من كلامه وهوّ يضحك لزم ايدي يكومني حتى نروح وانا مستمره ابجي

-
وغلاتج شوكت ما تردين اجيبج ونجي بس لا تبجين والله اذا تستمرين بالبجي بعد ما اجيبج ولا اخليج تجين

خزرته وبعدت عنه بست القبر وقريت الفاتحه ورحت امشي تاركته وراي وهوّ يصيح حتى انتضره لحد ما وصل يمي ولزم ايدي

-
اهوو وخر ما اريدك المُزعج الغثيث

-
انعم الله عليج كلهن اعرفهن بس بطلي بجي مو عيون حنفيات

-
تروحلهن فدوه احلا من عيونك

-
نروحلج فدوه انا وعيوني وهلي والرتبة

خزرته ونزلت راسي بخجل من كلامه صعدت بالسياره وبقه بالي زيد شلون كدر يطفر منهم تمنيت احجي ويا جان حيل حباب وابد ما أذاني بالعكس جان يعتبرني أخته درت وجهي على شاهين الي جان خازرني وينتر