غرام الشاهين

بارت 21

السلام عليكم جميلاتي

كيف الحال؟ يارب تكونوا بخير

تصويت وتعليق بين الفقرات لطفاً لبواتي

***************************

‏يا زهرةً، كسَرَت قانون رِقّتها
‏من أين للزهرِ قلبٌ مثلما الحجرِ ؟
‏إنّي أشاهدُ في خدّيكِ ملحمةً
‏ بين النجومِ وبين الشمسِ والقمرِ.

****************************

غرام

كُل جسمي جان يرجف وجنت خايفة مو على نفسي لو منهم، لا جنت خايفة على أخوي بس ما ضهرت الهم خوفي يخسون وأنا بنت أبوي. بعد ما كملت كلامي انتفضو كُلهم وهذا أبو صماخ صاح بيَّ بصوت عالي

- لج شهل عرامة! هم كاتلين أخونا وهم ما تقبلون ناخذ ثارنا؟؟ أطم روحي اذا ما أخذت حق أخوي مِن عيونكم

أعرف حقة وأخو بس أنا ما أعرف شنو الموضوع أصلاً وهوَّ بكل صلافة يصيح بوجهي. شنو بنت عمة لو أختة أنا؟ أسلاح بابا جان بأيدي سحبت أقسام ورفعت السلاح خليته بكصتة وأنا أرجف مِن العصبية والقهر رديت علي بَصوت عالي جرح بلاعيمي

- لو تطلع نخلة برأسكم ورأس عشيرتك كُلها ما راح أخليك توصل يم أخوي وأنا اكولك بدون ما تعب نفسك مِن هسة روح طم روحك ولا تنتظر

أنتفضوا الي ويا كُلهم وتقرب وأحد ثاني سحب الي كدامي وصار هوَّ بمكانة شكلة يخوف صراحة وضخامتة بعد تخلس شكد ما جنت أكول شاهين ضخم هذا الفلك أضخم منة شني ياكل حديد؟ لو بشر؟ اشش كافي مو وكت كلامي هذا صراحة لزم مُقدمة السلاح وخلها على كصتة وهوَّ يأشر الي بأن اطلق النار علي. زين هذا عندة عقل؟ ما يعرف عادي عندي أسويها، ولو حقة ما يعرف منو غرام وأخيراً هذا الغول تكلم بصوتَ العالي الي فززني مع الأسف

- يلا يَـابا أرمي خوش لبوة أنتِ كدها سويها

جان يحجي بكُل ثقة رجع كال بعد ثوأني بَصوت بس أنا كدرت أسمعة

- وحك عيونچ الي تجيب أكبر رأس اذا تسويها هسة أزلمة بن أزلمة يكرب صوبچ لو صوب أخوج تا أورو ور

خزرتة وأعصابي تفور ورديت علي بَصوت بس هوَّ يسمعة

- أسويها وأسوي أبوها وخوش زِلم أنتم كربو صوبي لو صوب أخوي

بأوعلي بنظرات بيها فخر، تفاجئة مِن نظراته وضجت حيل رجع كال بَصوت عالي وهوَّ يدور وجهّ الهم