غرام الشاهين

بارت 19

السلام عليكم

لطفاً كيكاتي تفاعلو بالفقرات

ولا تنسو التصويت

****************************

إذا قِيلَ مَا مَعنَى الفُرَاقِ فقُل لهُمْ
نارٌ تَعِيشُ عَلى الضُّلوعِ فَتحْطِمُ
حتَّى تَحيلَ إلى الرَّمَادِ جُسومَنَا
نَفْنَى، ويبقَى الشَّوقُ فِينَا يضْرمُ
يَا ليتَ هَذا الشّوقَ يَبردُ حرّهُ
أوْ ليتَنَا نَنسَى الفَقِيدَ ونَسْلَمُ .

***************************

غرام

بعد ما كمل الدكتور كلامة صار هدوء الكُل سكتو يحاولون يستوعبون كلامة ما طولو دقائق ورجعو يسألو شنو السبب وهل مُمكن يرجع نظري لو خلاص بعد جاوب الدكتور وهوَّ يكول

- شبكة العين عندها متضرره بسبب الضرب وبنفس الوقت متعرضى لأكثر مَنِ إنهيار عصبي سبب الها صدمة وفقدان للنظر وان شاءلله يكون فقدان مؤقت حاولو لا تخلونها تبجي لو تنهار كُل ما كانت هادئه بالفتره المُقبله كُل ما كان احسن الها وأسرع بأسترجاع نظرها 

أبتسمت بأستهزاء على كلامة أنا ردت هذه الشي ما اتمنئ نظري يرجع شسوي بيَّ؟ هل اذا رجع نظري راح يرجع بابا؟ لا أعرف فَ خلاص ما اريده يرجع. صار هدوء يمي ما عدت أسمع اصواتهم ولا حتى صوت بُكاء ماما ولومها لنفسها كانت ظلمه بس سواد صارت تجي صورة بابا بخيالي طولة ضحكته عيونه سوالفه صوته حضنه الدافي وبالنهايه أذكرت دفنته خلاص بابا اختفى هذول بس ذكريات بابا ما عاد موجود جنت دائماً مَنِ أشوف طفل يتيم أبجي عليَّ اكول خطيه يتيم ما عنده أب ما شايف حنان الاب ولا شبع منه ولا عنده أب يسنده ويوكف بضهره ويحقق الي يتمنئ وهسه أنا صرت هيج منو يدافعلي بعد اذا غلطت؟ منو يمسح دموعي اذا بجيت؟ اذا زعلت منو يرأضيني بعد؟ منو يوكلني ويبقه يم رأسي اذا تمرضت؟ خلاص راح بابا وأنتهى وقت الدلال أخواني وأُمي وأختي شلون راح يعيشون أبراهيم الي ما ينام اذا مو بحضنه وبس يصيح بيَّ واحد مَنِ اخواني يركض لبابا ويبقه يبجي ويدلل عليَّ بعده صغير ما شاف شي مَنِ بابا عيوني صارُ يحركوني خليت ايدي أتلمس خدي كان رطب أبتسمت بطرف شفتي بتعب خلاص أصلاً لازم أتعود دموعي ما راح تنشف وعساهم لا ينشفون أجاني صوت ماما تصرخ وتتلمس خدي بأيدها ما كنت فاهمه سبب صُراخها لحد ما رجع الدكتور مره ثانيه يفحص عيوني شنو السبب ما أعرف؟ سألني الدكتور وهوَّ يكول

- بنتي جاي تحسين بشي بعيونج؟

هزيت راسي بلأ بدون ما أجاوبه رجع كال

- أبويه أنتِ حقج تبجين وتعبين ما الومج أبد عيشي حزنج برأحتج فقدان الأب مو سهل بس بنفس الوقت متأكد انا لو جان أبوج موجود ما جان قبل على الي جاي تسوي بنفسج بس أهدي لحد ما يرجع الج نظرج عيونج جاي تصب دم مو دموع بنتي