غرام الشاهين

بارت 8

السلام عليكم

تصويت وتفاعل بين
الفقرات لطفاً 🤎

متابعه للحساب 9_lj7j
************************************

تُرى يعودُ بِنَا الزمانُ ونلتقي؟
‏أمْ إنَّهُ السفَرُ البعيدُ الأطْوَلُ؟

************************************

غرام

- لك حرام عليك ربي لا يوفقكم ليش هيج مسوين بييها تخيل اختك مكانها تقبل هيج يصير بيها

- اشش ولا حرف حاولي تكعدينها واذا ما كعدت كولي الي

- حسبي الله ونعم الوكيل بيكم كلاب حُقراء ما تخافو ربكم تطلع بعرضكم أن شاء الله

- كافيي تمسلت خلصيني وكعديها ما كعدت اتركيها واطلعي فهممتي لو افهمج بطريقتي

-
باوعت الها وخفت اكثر تخربطتت دكات كلبي وعركت تقربت منها وأنا اشوفها كدامي بس جسد للحظه توقعت روحها فارقت جسدها بس من خليت ايدي على خشمها لكيتها تتنفس كُتله يشيلها للحمام وينادي وحده من البنات تساعدني بيها اخذناها للحمام وخرت الباقي من ملابسها واجتني بنت ساعدتني بيها غسلنا الها ولبسناها قميص من عندهم وكتله ينطيني بطانيه الفها بيها بقه يغلط وما قبل ينطيني شي جنت لابسه فستان جوه العبايه نزعت العبايه وغطيتها بيها اجه شالها للغرفه التمينا يمها كُلنا

-

انطيني الطفل مرام تعبتج وياي

- لا عمري تعبج راحة شنو رأيج نسمي خوما نبقه نصيح اله بس الطفل

- راح اسمي شيدان

- حلو وغريب بس شنو معنئ

- معنئ الصبر

- يارب يصبرنا على هذي المصيبه الي احنا بيها

- أن شاء الله

-
خليته بحضني واخذت الخبز والمي نكعت خبزه صغيره بالمي وكلتها اله وهو يلعب بأيده ويضحك صفنت عليه ودمعت عيوني خوفاً على الطفل من الي منتضرنا ما اعرف اذا راح نطلع لو لا بس عندي أمل بربي راح اطلع أنتبهت على مرام تحجي وياي

- غرام

- ها عيني

- كعدت البنيه

-
درت وجهي شفتها كاعده بزاويه بالغرفه وتبجي كملت اكل شيدان وشلته ورحت يمها ابتعدت عني خايفه وترجف ودموعها ماخذه مسارها على خدها خليت ايدي على كف ايدها الي يرجف بعدت ايدي بسرعه وضربت راسها بالحيط وبقت تصرخ شيدان بس سمعها خاف وبقه يبجي ناديت مرام انطيته الها وحضنت البنيه على كلبي وهي تضرب بيه وتصرخ وتشلع بشعرها لزمت أديها وحضنتها وبقيت اقرأ أيات قرأنية على راسها لحد ما هدت وغمضت عيونها بقيت يمها لحد ما تأكدت منها نامت ردت أبتعد عنها فزت مرعوبه ولزمت ايدي وهي تبجي