غرام الشاهين

بارت 13

السلام عليكم

لطفاً تفاعلو بين الفقرات
ولا تنسو التصويت

@9_lj7j متابعه للحساب

************************************

‏وَكَانَ يَأوي إلىٰ قَلبي ويسكنُهُ
‏وَكَان يَحمِلُ فِي أضْلاعهِ دَارِي

*********************************
***

غرام

- نسد الخط وصفنت بالتلفون استوعب الي سمعته رجعت اتصل ماكو اتصلت على سكون ما ترد بقيت بالساعتين بس اتصل وادز وماكو رد لحد ما أذن وصليت دعيت ربي يكونُ بخير خفت عليهم مع انُ اعرف المشاكل عندهم ما تخلص غفيت وانا كاعده ما طولت هواي فزيت على صوت التلفون يتصل شفت المُتصل شاهين بسرعه رديت احجي بعصبيه وزعل

-
خير شصاير شنو هذه الصوت وصار شكد اتصل ما كلفت نفسك ترد وطمني وترى ما طالبه منك بطل دم شو هوّ بس ردت أطمن عليكم

جاوبني وهوّ يضحك يحاول يطمني

-
هدي يُبا هذه جاسر الس... ينضف بالسلاح مالته وثار

صفنت استوعب كلامه يعني ما بيهم شي وانا ما نمت بسببهم وبسبب خوفي عليهم جاوبته بنتر

-
صدُك تحجي انت يعني ايا شي ما بيكم وانا خايفه واتصل وماكو وحضرتك ما ترد وجايني تضحك

ما رد عليّ زاد عصبيتي وضوجتي كلمته بصياح

-
شاهين شبيك ترى والله ضوجتني يعني فوك شينه كواة عينه وانت ابو الراهي وما ترد بعد

جاوبني بهدوء يحاول يسكتني

-
هاهيّ يُبا انا غلطان واعتذر منج يلا ارجعي نامي الله وياج

- سد التلفون حتى قبل ما ارد عليّ غميت التلفون وحضرته وحاولت انام بس وين من التفكير اكدر انام احس يجذب عليّ بيهم شي ومحد يحجيلي غير سكون الفاهيه بس شنو هاي اذا ما موصيها وكايل الها ما تحجيلي بعد تفكير طويل وبعد ما طلع الصبح الى كدرت انام كعدني بابا اباوعله بتك عين

-
ها بابا شتريد

جاوبني وهوّ مبين ضايج وهذه الشي كان مبين بعيونه وبنبرة صوته

-
ها بوية تروحين ويانه

كلامه قلقني بس جنت نعسانه مو بحال استفسر اريد بس انام حاجيته وانا افرك بعيوني

-
تؤؤ ما اروح نعسانه بابا

- تركني وطلع بدون ما يحجي رجعت انام وكعدتني ماما باوعت الها وعيوني مدمعه اريد ابجي من النعاس