ဒီနေ့ ၁၀တန်းအောင်စာရင်းထွက်မဲ့နေ့ဖြစ်တာမို့ မက္ခရာတစ်ယောက်ခြေတုန်လက်တုန်ဖြစ်နေသည်။ မက္ခရာတို့အတန်းပိုင်ဆရာမက ကျောင်းမှာအောင်စာရင်းကြည့်မဲ့သူတွေအများကြီးစောင့်နေတာမို့ မက္ခရာတို့သူငယ်ချင်းအုပ်စုနဲ့ ကျော်သူရပိုင်ကို ကျောင်းမလာဖို့ပြောထားသည်။ ဘာကြောင့်ဆိုအောင်စာရင်းထွက်တာနဲ့ ဆရာမကကိုယ်တိုင်ဖုန်းဆက်ပြောပေးမှာမို့ဖြစ်သည်။
ဒါကြောင့် မင်းသွေး ၊ ပိုင်စိုးခန့်နှင့် ခန့်ထူးတို့ ယခုတွင် မက္ခရာအိမ်သို့ရောက်ရှိနေသည်။ ကျော်သူရပိုင်ကတော့ ခုထိရောက်မလာသေး။
"သားတို့ ဒီမှာအန်တီမုန့်တွေလုပ်ထားတယ် စားရင်းအောင်စာရင်းအဖြေကိုစောင့်ကြနော်"
"ဟုတ်ကဲ့ အန်တီလေး ကျေးဇူးပါခင်ဗျ"
မက္ခရာရဲ့မာမီကတော့သူ့သားအောင်စာရင်းကိုစိတ်ပူပုံမပေါ်ပါ။ မက္ခရာစာတော်တာကို သူ့မာမီလဲသိထားလို့ဖြစ်သည်။
ထိုအချိန်မင်းသွေးက ဆိုဖာပေါ်တွင် တုပ်တုပ်မလှုပ်ပဲထိုင်နေသည့် မက္ခရာကိုမေးလိုက်သည်။
"မက္ခရာ မင်းဘာဖြစ်နေတာလဲ"
"ဘာဖြစ်ရမှာလဲကြောက်လို့ပေါ့ကွ"
ထိုအခါ သူတို့အဖွဲ့တွင်စာအညံ့ဆုံးဖြစ်သည့် ခန့်ထူးကဝင်ပြောသည်။
"မင်းတောင်ကြောက်နေတယ်ဆို ငါကဘယ်လိုလုပ်မလဲ"
ပိုင်စိုးခန့် "ဟေ့ကောင်တွေစိတ်အေးအေးထားကြ ခန့်ထူးမင်းလဲစာတော်ပါတယ် 4D လောက်တော့ပါမှာ မက္ခရာမင်းကတော့ 5D ဒါမှမဟုတ် All D ပဲဖြစ်မှာကိုဘာတွေအဲ့လောက်စိတ်ပူနေတာလဲ မင်းသွေး မင်းလဲဖင်တကြွကြွလုပ်မနေနဲ့ ငါမှန်းတာမမှားရင် မင်းလဲအနည်းဆုံးတော့ 5D ပါကွာ"
ခန့်ထူး "အေးပိုင်စိုးခန့် မင်းပြောသလိုဖြစ်ရင်တော့ကောင်းတာပေါ့ကွာ ငါမင်းတို့နဲ့မခွဲချင်သေးဘူးကွ တက္ကသိုလ်လဲတူတူတက်ချင်သေးတယ်"
မင်းသွေး "တက်ရမှာပါကွာ ဒါနဲ့ ပိုင်စိုးခန့် မင်းကိုယ်မင်းရော ဘယ်လိုထင်လဲ"
YOU ARE READING
ᴍᴀᴛᴋʜᴀʏᴀʀ
Romance𝖳𝗁𝗂𝗌 𝗂𝗌 𝗐𝗈𝗋𝗄 𝗈𝖿 𝖿𝗂𝖼𝗍𝗂𝗈𝗇. 𝖠𝗇𝗒 𝗇𝖺𝗆𝖾𝗌, 𝖼𝗁𝖺𝗋𝖺𝖼𝗍𝖾𝗋𝗌 𝗈𝗋 𝖾𝗏𝖾𝗇𝗍𝗌 𝖺𝗋𝖾 𝖿𝗂𝖼𝗍𝗂𝗈𝗇𝖺𝗅.
