رواية أحببتُ مُلتزمة ♥️

الفصل الخامس عشر، بقلمي إيمان محمود ..

وصلت جديجة إلي منزلها وحينما وصلت ألقت بنفسها علي سريرها
وقالت ل نفسها: أسفة يا عائشة عارفة إني كدبت عليكي وإن مش دا اللي حصل بالعكس دا قايل ل أبوه وعارف إنو بيبحك بس أنا أنا ثم بدأت بالبكاء ظلت تبكي كثيرا ثم توقفت فجأة وهي تحدث نفسها قائلة: لا كدا مش صح مينفعش أبقى أنانية وأختار نفسي هو حبها هي وميعرفنيش أصلا مش هينفع أعمل كدا أنا هروح ليها بكره بإذن الله وأحكيلها علي كل حاجة
مسحت دموعها ثم دخلت إلي غرفتها لتبدل ملابسها وتتوضأ ل تصلي فرضها
بعدما انتهت سمعت صوت الباب فذهبت لتري من آتي
جميلة: أنا جيت يا خديجة زمانك جعانة مش كدا هدخل أعمل الغدا وانتي كملي مذاكرة
خديجة: لا مش جعانة بس هاجي أساعدك النهاردة وابقى اذاكر بعد الغدا بإذن الله
جميلة: ماشي يا حبيبتي هغير هدومي وأجى نعمل سوا
خديجة: تمام مستنياكي أهو

______________________

علي: بتقول إيه
هيثم: انت بتتكلم جد
لؤي: أيوه
علي: يعني انت سبت كل البنات ومروحتش تدوس غير اللي بتحبها
هيثم: انت بتقول ايه انت كمان محسسني إنو كان نازل ناوي يدوس بنت
علي : ههه مش قصدي بس اصل اشمعنا دي كدا هتتعقد
هيثم: المهم حصل إيه
لؤي: وديتها المستشفي والدكتور قال إنها كويسة بس ايدها اتكسرت واتجبست
علي: حب إي دا يا أخي اللي يكسر الإيدين
هيثم: انت مش هتبطل هزار ف نهارك دا شكلك رايق
علي: يعم اسكت هزار اي بس كمل يا لؤي
رمقه هيثم بغيز ثم نظر ل لؤي ليعرف ما حدث
لؤي: بعد ما طلعت من المستشفي وصلتها البيت واتأسفت ل أبوها بس هو كان متفهم ومعملش حاجة
هيثم: كويس طب وهي كلمتها
لؤي: أيوه كلمتها لما كانت ف المستشفي استغربت لما شافتني وعرفت إن أنا
علي: ما انت عاكستها مرتين والتالته دوستها
لؤي: ههه والله ضحكتني سيبني أكمل
هيثم: ههه كمل كمل
لؤي: اتكلمت معاها واتأسفتلها بس هي قالت إن خلاص محصلش حاجة وهي كمان مكنتش مركزة قدامها وهي ماشية
علي: بتحبك واضحة
هيثم: واضحة مين هي تعرفة اصلا
لؤي: قولوا قولوا
علي: الحق عليا
هيثم: طب وانت ناوي تعمل إيه
لؤي: ولا حاجة مش هحاول أكلمها أو اطلع ف طريقها تاني عشان متخافش مني وبعد ما تخلص امتحاناتها عشان دي تالتة مش عايز اشغلها واكون بردو اتأكدت اني بحبها و عايزها ولا إي دا جواز لو اتلقيتني فعلا بحبها وعايز اتجوزها هتقدم لها بإذن الله ويارب توافق
هيثم: إن شاء الله هتوافق بس انت كدا صح
علي: أيوه ويارب خديجة بردو توافق
هيثم: حبيتها امتا انت نفسي اعرف دا انت مشوفتهاش غير مرة
علي: مرتين
لؤي: يا راجل
ضحك ثلاثتهم ثم دفعوا الحساب وخرجوا وعاد كل منهم إلي منزله

______________________

*في منزل عائشة*
كانت عائشة قد عثرت علي مدرسين علي اليوتيوب ل تتابعهم  في الفترة التي لن تنزل فيها إلي دروسها
كانت تأخذ في خمس مواد وتتابع مادتين أون لاين الآن ستتابعهم جميعهم علي اليوتيوب
أحضرت النوت بوك الخاصة بها وكتبت أسمائهم عليها وأمام كل استاذ المادة إلي يدرسها كي لا تنسي
عربي: أ/ رضا الفاروق و كمان أ/ محمد صلاح
دول كلوا ف التعليقات بيقول ان شرحهم حلو هجربهم واللي هعرف أفهم منو كويس هكمل معاه
إنجليزي: قناة اسمها
Fullmark in English
فرنساوي:
French academy
تاريخ: أ/ ابراهيم البحيري
جغرافيا: جمعة السيد
فلسفة وعلم نفس طبعا عرفاه: مستر نادر جورج

بس كدا خلصت هشوف بقا انا واقفة فين والدرس اللي عليا هجيبو وهبدأ بالتاريخ عشان بحبوا
بدأت عائشة مذاكرتها ومرت ساعتين وهي علي نفس الحال تسمع الدرس ثم تذاكره وتحل عليه إلي أن طرق أحد باب غرفتها
عائشة: اتفضل
رنا: مش يلا عشان تتغدي مجوعتيش ولا إيه
عائشة: لا لا جعانة أوي أنا جاية
رنا: ههه كنت عارفة يلا تعالي
عائشة: حاضر ثواني وأكون عندك
رنا: متأكدة
عائشة: ههه

______________________

*في منزل خديجة*
ظلت خديجة ووالدتها يطبخان معا إلي أن انتهوا من تحضير الغداء وكان أخوها عبدالله قد أتي من حضانته ف أخبرها أنه يريدها أن تساعده في حل الواجب الخاص به ف أومأت بالموافقة ثم وضعوا الطعام علي الطاولة وبدأوا في تناول الغداء إلي أن انتهوا وأخذت جميلة الأطباق وغسلتهم بينما خديجة جلست تساعد أخيها في حل واجبه وبعد أن انتهت دخلت إلي غرفتها لتذاكر إلي أن آتي المساء وشعرت بالنعاس ف أغلقت كتبها وصلت قيام الليل ونامت ..

______________________

أما عائشة ف بعدما انتهت من تناول الغداء عادت إلي غرفتها لتكمل دراستها وكانت تذاكر بجد إلي أن شعرت بالتعب وصلت ونامت

______________________

عاد لؤي إلي منزله وكانت والدته ووالده بإنتظاره ليتناولوا الغداء معا وبعدما انتهوا دخل لؤي إلي غرفته وظل يفكر لبعض الوقت بما حدث ثم أخذ كتبه وبدأ يذاكر المحاضرات لأن أمتحانات منتصف العام ستبدأ بعد أسبوع وظل يذاكر إلي أن شعر بالنعاس ونام ..

______________________

*في صباح اليوم التالي*
ذهبت خديجة لتزور صديقتها عائشة كانت عائشة تحكي لها عما فعلته بالأمس وأنها حضرت قائمة بالمدرسين التي ستتابعهم وأنهم يشرحون بطريقة رائعة وكانت خديجة تنصت إليها وبعدما انتهت
قالت خديجة: عائش عايزة أقولك حاجة
عائشة: قولي
خديجة: بصراحة أنا كدبت عليكي امبارح
عائشة: كدبتي بخصوص إيه مش فاهمه
خديجة: لؤي بيحبك
عائشة: إيه !!

*يُتبع ...*