رواية أحببتُ مُلتزمة ♥️

الفصل الثاني، بقلمي إيمان محمود ..

وصلت كل من الفتاتان إلي منزلها
في منزل عائشة ..
عائشة: السلام عليكم ورحمة الله وبركاته
أحمد: وعليكم السلام ورحمة الله وبركاته يا بنتي عملتي ايه النهاردة في المدرسة
عائشة: الحمد لله يا بابا
أحمد: ياريت المناهج متكونش صعبة عليكم انا عارف انك قدها وهتجيبي مجموع عالي وتفرحينا بإذن الله
عائشة: مش صعبة أوي بس محتاجة مذاكرة كتير إن شاء الله خير يا حبيبي وأفرحك انت وماما
فاطمة: حبيبتي اللي يجيبوا ربنا كويس كلنا واثقين فيكي
عائشة: إن شاء الله اكون قد الثقة دي
رنا: آش انتي جيتي ممكن تبقي تساعديني في حاجات مش عرفاها ف الواجب بتاعي بعد ما نتغدا
عائشة: عيوني يا رنا هساعدك قبل ما أروح الكتاب انا عندي كام أخت
رنا: حبيبتي يا آش ربنا يخليكي ليا يارب
محمد: وانا يا آش مش بتحبيني ولا إيه
عائشة: دا اسمو كلام دا انت اكتر واحد بحبوا اصلا
محمد: وانا كمان بحبك جامد
فاطمة: يلا يا آش روحي غيري هدومك وتعالي عشان نتغدا الغدا جاهز
عائشة: حاضر يا ماما
دخلت عائشة غرفتها لتبدل ملابسها لكن توقفت حينما نظرت إلي نفسها في المرآه لتقول لنفسها وهي تتذكر ذاك الموقف مع ذاك الشاب
عائشة: هو انا فعلا قمر كدا زي ما بيقول طيب هو مين أكيد واحد بيعاكس وخلاص والبعدين انتي هتفكري فيه كتير ليه
خبطت رأسها بيدها لتتوقف عن التفكير في كلامة لتنظر إلي نفسها مرة ثانية قائلة انا عارفة اني قمر اصلا اللهم بارك مش محتاجة حد يقولي اما أغير هدومي بسرعة قبل ما ماما تندهلي
بدلت ملابسها وصلت فرضها فهي تحرص علي أن تصلي الفروض ف وقتها رغم أنها أحيانا تتأخر بسبب مواعيد المدرسة والدروس ولكنها لا تترك فرضا
انتهت من تأدية فرضها وخرجت لتناول الغداء مع اسرتها بعد الانتهاء من تناول الغداء ساعدت والدتها هي واختها لتنظيف الطاولة
بعد الانتهاء
عائشة: ها يا رورو عيزاني اساعدك ف ايه
رنا: هجبلك الاسكتش حالا
بعدما انتهت عائشة من مساعدة اختها دخلت إلي غرفتها لتقوم بتحضير الدروس التي ستذاكرها اليوم أعدت جدولا بالمهمات التي ستقوم بفعلها ثم قامت بتبديل ملابسها كي تذهب إلي الكتاب مع صديقتها خديجة بعد صلاة العصر مباشرة
______________________

انتهي الرفاق الثلاثة من تناول الغداء وتركوا الحساب علي الطاولة وخرجوا ليتوجة كل واحد منهم إلي منزله
في منزل لؤي
لؤي: ماما انا جيت عاملة ايه يا ست الكل
حنان: تعالي يا حبيبي انا الحمد لله المهم انت عملت ايه ف الجامعة كلوا تمام
لؤي: أيوه يا حبيبتي
حنان: الحمد لله أحضرلك الغدا
لؤي: لا انا اتغديت مع صحابي برا النهاردة
حنان: بالهنا والشفا يا حبيبي ادخل اوضتك غير هدومك
لؤي: حاضر يا ست الكل امال بابا فين لسه مجاش
حنان: لسه في الشركة عندو شغل كتير النهاردة
لؤي: ربنا يقويه يارب هدخل اغير هدومي انا
حنان: ماشي يا حبيبي
دخل لؤي إلي غرفته واستلقي علي السرير وبينما كان ينظر إلي سقف الغرفة تذكر تلك الفتاة وتذكر ملامحها الطفولية وهي تقول له بعد أن اغضبها (انت انسان مش محترم) تذكر شكل خمارها وملابسها الواسعة قائلا: هو لسه في بنات بتحافظ علي حجابها ولبسها كدا وبتتحرج عجبني كسوفها أوي
ثم قال في نفسه انت هتفكر كتير فيها ولا ايه شكل صحابك هيبقا معاهم حق وهيهزقوك وانت عمال تنكر وتقول لا لا قوم بطل تفكير روح غير هدومك والحق اتوضي وصلي الظهر قبل ما العصر يأذن
______________________