رواية أحببتُ مُلتزمة ♥️

الفصل الخامس، بقلمي إيمان محمود ..

لؤي: لو سمحتي
إلتفتت عائشة لتري مصدر الصوت وتعرف من
عائشة: إنت
وشعرت بالإحراج وخفضت وجهها
لؤي: كنت عايز أسألك سؤال
عائشة: لو حاجة مهمة اتفضل لو مش مهمه لازم أمشي مينفعش أقف معاك
لؤي: بصراحة هي مهمة أووي انتي اسمك ايه
عائشة: نعم
لؤي: بسألك عن اسمك
عائشة: أيوه ليه
لؤي: بصراحة عايز أعرف اسم اللي خلتني أفكر فيها من غير سبب دي
عائشة: علي فكرة مينفعش كلامك دا انا لازم أمشي
وأدارت وجهها وذهبت دون أن تنطق بكلمة آخري أو ترد علي ندائه
لؤي: غريبة أووي بس عجبتني هعرف اسمها ازاي دلوقت بقاا
______

*في منزل عائشة*
عائشة: السلام عليكم ورحمة الله وبركاته
فاطمة: وعليكم السلام ورحمة الله وبركاته تعالي يا آش
عائشة: حاضر يا ماما هي رنا لسه مجتش من  الدرس
فاطمة: أيوه لسه انتي هتروحي الدرس امتا
عائشة: كمان نص ساعة هرن علي خديجة ونروح سوا
فاطمة: تمام ربنا يوفقك يا بنتي
عائشة: يارب لو بابا سأل عليا لما يجي من الشغل قوليلوا إني ف الدرس عشان ميقلقش
فاطمة: تمام بس تعالي بعد الدرس علطول
عائشة: حاضر
فاطمة: حضرلك الخير يارب
عائشة: يارب
دخلت عائشة غرفتها ثم تحدثت إلي صديقتها خديجة

______

*في منزل خديجة*
خديجة: ماما آش رنت عليا وهنروح الدرس كمان نص ساعة الغداء جهز
جميلة: أيوه بقا جاهز ثواني بس هحطلك
خديجة: تمام هلبس دلوقت علي بات م تخلصي
جميلة: ماشي يا بنتي
ارتدت خديجة ملابسها وتناولت غدائها وقبل أن تذهب
عبدالله: ديجة هاتيلي معاكي حاجة حلوة
خديجة: من عنيا حاضر عايز اجبلك ايه
عبدالله: شيبسي وحاجات
خديجة: حاضر تؤمر بحاجة تانية
عبدالله: ابتسم وقال لأ كدا حلو
خديجة: دا انت اللي حلو والله مع السلامة
عبدالله: الله يسلمك
خديجة: محتاجة حاجة يا ماما اجيبها معاية
جميلة: لأ يا حبيبتي عيزاكي طيبة
خديجة: مع السلامة
جميلة: الله يسلمك

______

*في شركة والد لؤي*
طرق لؤي باب مكتب والده وفتحه قليلا قائلا: أدخل
مصطفي: أيوه طبعا اتفضل يابني
لؤي: اتأخرت عليك
مصطفي: شوية بس المهم انك جيت عملت ايه ف الجامعة
لؤي: كان عندي محاضرتين خلصتهم وجيت
مصطفي: ربنا يوفقك وينجحك يارب
لؤي: يارب هاا وريني الأوراق والملفات وعرفني النظام
مصطفي: ماشي هجيبهم واجي اقعد جنبك عشان اعرفك
لؤي: تمام
أحضر مصطفي والد لؤي الملفات والأوراق تبع الشركة وجلس بجانبة ل يريه طبيعة شغلة

______

إلتقت خديجة بعائشة ليذهبا إلي درسهم
خديجة: سرحانة ف ايه كدا مش بتتكلمي انتي شوفتيه تاني
عائشة: أيوه
خديجة: امتا دا انا سيباكي من شوية كويسة
عائشة: أيوه لما سبتك روحت اشتريت حاجات من المكتبة كنت نسياها وشوفته وانا مروحة
خديجة: طب وحصل ايه
عائشة: تخيلي بيقولي اسمك ايه
خديجة: نعم
عائشة: أهي دي كانت رد فعلي لما قال كدا ههه
خديجة: ههه صحاب بقا طيب وبعدين
عائشة: قولتلوا ... بس كدا وسبته ومشيت
خديجة: جدعة إنك مطولتيش ف الكلام ومشيتي دا عايز ايه دا
عائشة: مش عارفة
خديجة: خلاص سيبك منو يلا نروح الدرس ومتفكريش عشان تركزي
عائشة: حاضر يلا

______

*في الشركة*
انتهي لؤي ووالده من عملهم ثم ذهبوا إلي المنزل
*في منزل لؤي*
مصطفي: السلام عليكم ورحمة الله وبركاته
حنان: وعليكم السلام ورحمة الله وبركاته اتأخرتوا كدا ليه النهاردة
مصطفي: كان في شغل كتير ولؤي جالي
حنان: تمام ربنا يقويكم يارب ارتاحوا علي بات م احط الغداء
لؤي: أيوه أيوه انا جعان جامد
حنان: ههه ماشي يلا هحط علطول
مصطفي: وانا كمان جعان هغير هدومي واجي
حنان: تمام مستنياكم
بدلوا ملابسهم وغسلوا ايديهم وجلسوا لتناول الغداء
______

انتهت عائشة وخديجة من درسهم وتوجهوا إلي منازلهم في الطريق
عائشة: مش عايزة أروح المدرسة بكره كفايا الدرس
خديجة: ولا أنا بقول اروح الدرس بس بردو
عائشة: خلاص اتفقنا هنروح الدرس بس هبقا ابعتلك وانا طالعة
خديجة: تمام انا وصلت اهو هسيبك أنا مع السلامة
عائشة: الله يسلمك
دخلت خديجة إلي منزلها وأكملت عائشة طريقها

______

*في منزل لؤي*
انتهوا جميعا من تناول الغداء واستأذن لؤي ليدخل غرفته
دخل لؤي الغرفة و اتصل بأصدقائة مكالمة جماعية
لؤي: ها يا شباب هنطلع فين النهاردة
علي: مش عارف
هيثم: ولا انا انت عايز تروح فين
لؤي: وانا لو عارف كنت سألتكم ههه
علي: بقا كدا
هيثم: شكلك مبسوط النهاردة ايه حصل قول
لؤي: هيكون يعني حصل ايه عادي
علي: علينا بردو احنا عارفين لما بتبقي مبسوط من حاجة
لؤي: اصل شوفتها النهاردة
هيثم: البنت اللي شوفتها قبل كدا دي
لؤي: أيوه هي
هيثم: طب وحصل ايه
لؤي: سألتها عن اسمها مردتش تقول ومشيت
علي: سألتها عن اسمها بس بردو
لؤي: يعني قولتلها عايز اعرف اسم اللي خلتني أفكر فيها
هيثم: وعايزها ترد بعد كلامك دا دي زعقتلك المرة اللي فاتت بتحرمش
لؤي: اللي حصل بقا
علي: سيبك من دا المهم كان معاها حد
لؤي: حد زي مين
علي: حد من صحابها
هيثم: تلاقيه قصدو علي اللي كانت معاها
لؤي: اه لا كانت لوحدها والبعدين عايز تعرف ليه
علي: عادي هو لازم يعني يكون في سبب
لؤي: أكيد
علي: طب بس بقا قررتوا تطلعوا فين
لؤي: رأيي مش ضروري النهاردة بقا هروح انام شويه احسن
هيثم: روح الجو حر اصلا خلاص مش هنطلع
علي: أيوه سلام
لؤي وهيثم: سلام

*يُتبع ...*