رواية أحببتُ مُلتزمة ♥️

الفصل السابع عشر، بقلمي إيمان محمود ..

بعد مرور عدة أشهر علي حديثهم ومع اقتراب امتحانات آخر العام للشهادة الثانوية كان كل من الفتاتين يشعروا بتوتر كبير نظرا لإقتراب الإمتحانات ولم يكن يشغلهم شئ سواهم وبالنسبة ل لؤي وأصدقائه كانوا قد اوشكوا علي الانتهاء من امتحانات آخر العام أما رنا أخت عائشة فكانت قد أنهت امتحاناتها
______________________

*في منزل عائشة*

أحمد: متفضليش متوترة كدا يا عائش انتي ذاكرتي وعملتي اللي عليكي ان شاء الله كل حاجة هتبقي تمام وهتجيبي اللي انتي عيزاه وايا كانت اي نتيجتك ف انا فخور بيكي يا بنتي عشان عارف وشايف انك تعبتي ومقصرتيش
فاطمة: ابوكي معاه حق يا عائش أيا كانت نتيجتك احنا فخورين بيكي اهم حاجة متتوتريش وتركزي دي اخر فترة
عائشة: حاضر هحاول متوترش بس مش بإيدي انتوا عارفين
أحمد: عارف والله يا بنتي بس عايز اطمنك
عائشة: ربنا يخليك ليا يا بابا انت وماما وميحرمنيش منكم
قام أحمد وفاطمة بإحتضان ابنتهم في محاولة منهم لطمأنتها ف عائشة كانت تشعر بتوتر كبير كلما اقترب موعد بدء امتحاناتها وتشعر أيضا بالخوف رغم أنها ذاكرت موادها جيدا ولكن ما باليد حيلة

______________________

*ومن ناحية آخري*

لؤي: عملتوا اي ف الامتحان يا شباب
علي: الحمد لله حليت كويس
هيثم: وانا بردو الحمد لله انت عملت اي
لؤي: الامتحان كان كويس الحمد لله وعرفت أحل كويس
علي: فكرت ف موضوع عائشة ناوي فعلا تتقدملها بعد ما الامتحانات تخلص ولا إي
لؤي: فكرت وبصراحه لسه عايزها
هيثم: بقالك أربع شهور أو اكتر مشوفتهاش لسه فاكرها ياعم
ابتسم لؤي قائلا: كنت محتاج مشوفهاش فترة اصلا علشان اعرف ان كنت حاببها وعايزها ولا لا وطول الفترة دي مراحتش من بالي ولا بصيت ل غيرها ولا عايز ف أه عايز اتجوزها
علي: يعني نقدر نقول مبروك يا عريس
لؤي: استني بس مش يمكن ترفض
هيثم: هي تطولك اصلا هتوافق انا عارف مبروك
لؤي: الله يبارك فيكم عقبالكم
علي: أيوه أيوه وانت طيب
لؤي: مستعجل انت
علي: امال خديجة خطفت قلبي
هيثم: ياعم انت يعتبر مشوفتهاش خالص خطفت اي بس
علي: اسكت انت بكره هنشوفك لما واحدة تخطفك هتعمل اي
هيثم: لا لا مفيش الكلام دا
لؤي: هنشوف

______________________

*في منزل خديجة*

جميلة: أيوه يا خديجة انتي فين اتأخرتي كدا لي
خديجة: المستر مرداش يطلعنا بدري عشان يكمل مراجعة ودي تعتبر آخر حصة وبعد كدا مراجعة الامتحان
جميلة: ماشي يا حبيبتي انا مستنياكي أهو قلقت عليكي بس
خديجة: متقلقيش انا جاية أهو
جميلة: تمام هحضر الاكل لوقت ما تيجي
خديجة: أيوه انا جعانة
جميلة: هههه انتي علطول كدا بس ماشي
خديجة: حصل
جميلة: مع السلامة يا حبيبتي
خديجة: الله يسلمك يا ماما
أغلقت خديجة الهاتف مع والدتها وأرادت أن تتحدث إلي صديقتها عائش ل تطمئن عليها ف هي لم تراها منذ فترة لأن عائشة فضلت أن تتابع دروسها أونلاين بدلا من النزول اللي السناتر لأنها وجدت أن ذلك أفضل إليها ..

*يُتبع ...*