"အားကျန့် ဘာဖြစ်လာကြတာတုန်း ရိပေါ်လေးနဖူးမှာလဲသွေးတွေနဲ့ ဘာဖြစ်လာကြတာတုန်းကွယ်"
ရိပေါ်အိမ်ကိုမရောက်ခင် ရှောင်းကျန့်အိမ်အရင်ရောက်တာမို့ ရှောင်းကျန့်ကိုကျောပိုးပြီးလာနေတဲ့ရိပေါ်ကိုမြင်တာနဲ့ ရှောင်းမားက အိမ်ထဲကပြာပြာသလဲထွက်လာပြီး ခြံတံခါးလာဖွင့်ပေးသည်
"စက်ဘီးလဲတာ အားရီ"
"ဖြစ်ရမယ် လာလာအထဲဝင်ကြ"
အိမ်ထဲရောက်တော့ကျောပေါ်ကရှောင်းကျန့်ကိုအသာချပေးလိုက်ပြီး ထိုင်ခုံရှည်ကြီးမှာ နှစ်ယောက်သားဝင်ထိုင်လိုက်ကြသည်
"ပြစမ်းပါဦး နဖူးကဘာနဲ့ထိရတာတုန်း ယောင်နေပြီ"
ရှောင်းမားက ရှောင်းကျန့်ကိုကြည့်တာ လက်ကပွန်းရာပဲရှိတာမို့ နဖူးပေါက်သွားတဲ့ရိပေါ်ကို အရင်ကြည့်ပေးနေသည်
"သားကရတယ် အားရီ ကျန့်ကိုကြည့်ပေးပါအုံး"
"အမလေးရိပေါ်လေးရယ် အားကျန့်ကလက်ပဲပွန်းတာ ပြီးမှအားရီဆေးထည့်ပေးလိုက်ပါ့မယ် ခနလေးအားရီဆေးသွားယူအုံးမယ်"
"ဟုတ်အားရီ"
ရှောင်းမားထွက်သွားမှ ရိပေါ်အနားကိုရှောင်းကျန့်ကကပ်လာပြီး စားပွဲပေါ်ကတစ်ရှူးယူကာ ရိပေါ်နဖူးကချောက်လုနီးပါးဖြစ်နေတဲ့သွေးစလေးတွေကိုသုတ်ပေးလိုက်တယ်
"တော်တော်နာနေလား "
"မနာတော့ပါဘူး"
"အဲ့ဒါဟိုအပင်ကြောင့် အဲ့အပင်ကသရဲရှိနေလို့ ငါကမြန်မြန်နင်းခိုင်းရတာ အဲ့အပင်မရှိအောင်ခုတ်ပစ်ရမှာ"
"ရှူးတိုးတိုးလုပ်ပါ ကျန့်ရ တော်ကြာအပင်ကသရဲကြားသွားပြီး လာခြောက်နေပါ့မယ်"
"ဟင်!!"
ရိပေါ်ပြောလိုက်မှ မျက်လုံးလေးပြူးကာလန့်သွားတဲ့ သူကိုကြည့်ပြီး ရိပေါ် တစ်ဖက်လှည့်ကာ ခိုးရယ်လိုက်သည်
"အိပေါ် သရဲကအဲ့လိုကြားရတာလား?"
"အင်း သရဲကသူ့မကောင်းကြောင်းပြောရင်ကြားတယ်တဲ့"
YOU ARE READING
Friend(သူငယ်ချင်း)♡Completed♡
Fanfictionအဲ့ဒီသူငယ်ချင်းဆိုတဲ့စည်းကြီးကိုဘယ်လိုကျော်ရရင်ကောင်းမလဲ
