ساعه 7:40 صباحاً
في احدى بيوت بغداد
#مقدمه
زينب : رهوفه يله بنيتي كومي اتريكي راح تتأخرين على الدوام مالتج
رهف : اي يمه اي جايه
احمد : هاي بتج دومها متأخره على المدرسه مالته شون بيه
زينب : غير من دلالك
احمد : هيه بنيتي الوحيده شون مادللها؟
"زينب ابتسمت ورحت اشوف الجاي بالمطبخ
رهف بدلت ونزلت اركض حتى اتريك عسريع واروح للدوام متأخره كلش نزلت سلمت على بابا وعلى ماما
" صباح الخير
"صباح النور بنيتي
احمد : خلي اوصلج هاذا ابو الخط ماقبل ينتضرج لان تأخرتي عافج وراح
رهف : لا بابا اني اروح وحدي
تريكت ورحت امشي بشارع الدنيا ثلج والمدرسة بعيده عليه شفت الرجال اللي دائما اشوفه كل مره يباوعلي بنضره ماعرف افسره وكل مره اخاف منه عفته ورحت
حليت من المدرسه وشفت الرجال نفسه واكف مقابيل المدرسه يباوعلي بنفس النضره اني كلش خفت منه رحت ركض للبيت خايفه وهوه يمشي وراي دكيت الباب حييل فتحت الباب امي سلمت عليه وبسرعه دخلت للبيت صعدت فوك لغرفتي وامي تصيح عليه
" شبيج شصاير ؟!
"مابيه شي يمه بس تعبانه اريد انام
" براحتج بنيتي
ضليت افكر بي ليش كل ما اطلع الكاه بالشارع ويباوعلي بنضره غريبه ؟! حاولت انساه ونمت
كعدت على صياح امي
" ولج رهف وينج تعاي نزلي تعشي حتى غده ماتغديتي
" اي يمه راح انزل
نزلت تعشيت وامي حست اكو شي كل شويه وتسألني شكو شصاير بس اني اغلس واكول ماكو شي كملت عشه لميت السفره ورحت اغسل المواعين كملت رحت قريت كملت قرايه لزمت الموبايل اباوع بي صارت
الساعه ب 10 بليل اجه بابا نزلت ليجوه لكيت امي مسويه شاميه وجباسه ونساتل كعدت وياهم اسولف واضحك ويشاقون وياي سألني بابا بضحك
" رهف بابا شلونج بالمدرسه سألت عليج كالو وكحه
"ياا من شوكت صرت وكحه ؟!
" مادري والله همه هيج كالو
" لا بابا خاف انتَ حلمان
كمت اضحك وهمه ضحكو على ضحكتي
صعدت فوك لغرفتي نمت وقتت الموبايل حتى ماتأخر على الدوام
كعدت الصبح على صوت المنبه بدلت ونزلت تريكت وطلعت بره منتضره الخط يجي وره شويه اجه الخط صعدت بسياره ورحت للمدرسه
حليت من المدرسه طلعت ادور على الرجال اشوفه موجود لو لا مالكيته رحت لابو الخط وصلني يم فرع بيتنه نزلت من السياره شفت الرجال نفسه واكف ويه بابا يم باب البيت يحجي وياه لزمت كلبي كمت ارجف بعد ماعرف امشي رجليه يرجفن امشي على كيف واحجي بكلبي
"لا لا اكيد ماجاي يخطبني هوه جبير واني صغيره مو مال خطوبه
لمحني بابا صاحلي
" رهوفه بابا تعالي
رحت لبابا والرجال واكف يباوعلي ويضحك لأول مره اشوفه يضحك وجهه يخوف وطويل وضخم شعره قصير كلش عبالك يشتغل ب المافيا سلم عليه عبالك
يعرفني من زمان رديت عليه من وره خشمي وطبيت للبيت سلمت على ماما ورحت صعدت فوك بدلت وكعدت هادئه شويه واسمع صوت بابا يصيحني
" رهف تعاي بابا تعاي عندي سالفه وياج
" اي جايه
عرفت جاي يخطبني رجعن رجليه واديه يرجفن نزلت لكيت بابا وماما ثنينهم مبتسمين كالت ماما
" تعاي تعاي عروستنا
" شكو شنو عروستنا؟!!
احمد : بابا رهف شفتي هاذا الرجال الواكف قبل شويه هاذا خطبج وهوه ترا خوش رجال بالنسبه الي اني قابل وامج هم قابله انتي شتكولين؟
" ماقبل اريد اكمل دراسه بعدني صغيره هوه عمري 17 سنه مو مال زواج وبعدين مارتاحيت لهاذا الرجال
"براحتج ماريد اجبرج باجر اخابره اكله متقبل البنيه
" اي احسن وبعد ياهو اليجي كول متقبل تزوج
" تأمرين عيني ست الحسن
صعدت ليفوك واني بس اسب واغلط على الرجال شلون حاط عينه عليه ميستحي شكبره جاي يخطب وحده عمره 17 سنه بعدين كعدت اقره كملت ورحت نمت
كعدت على صوت المنبه بدلت ونزلت تريكت ورحت للمدرسه
حليت من المدرسه وشفت الرجال واكف يباوعلي بس لمحني اجه ركض عليه ردت اركض للسياره بس ضل يصيح
" دقيقة بس احجي وياج
" شكو شتريد ؟!
" اول شي اني اسمي أمير واني البارحه خطبتج ليش ماقبلتي بيه ؟
" انجب ولي منا شعليه بسمك اني ؟!!
" ليش تغلطين ؟
" ولي منا يله متحرش
" اسكتي لا هسه اكتلج فتهمتي وترحين لبوج تكليله اني قابله فتهمتي لو لا ؟
" شبيك انتَ متستحي شو جاي تتأمر عليه ؟!!
" اذا مارحتي لبوج وكلتيله اني قابله راح تتندمين
" دولي منا يله لا الم الناس عليك هسه اخليهم يكتلوك كتله من هاي الزينه يله وليي
" اني اعلمج
يتبع 🍃
وبس هاذا البارت 1
ان شاء الله يعجبكم 💗
