رهف: كعدت على صياح امير
" يله كومي كعدي كافي نوم
" طلعني منااا
"اشش كافي مامليتي؟!
"لا مامليت ولا راح امل الا لمن توديني لهلي
" تحلمين ترجعين لهلج فتهمتي لو لا ؟
" انتَ شنو من بشررر ؟!!!
" كافي اسكتي تعاي اعرفج على اصدقائج الجدد
طلعني من الغرفه الي جنت بيه اكو ممر طويل وبي غرف كل غرفه عليه رقم معين وداني لاخر غرفه رقمه 211 فتح باب الغرفه موجودين بيه 4 شباب و 3 بنات
مبينين خاطفهم ملابس وصخه وقديمه طببني يمهم وعرفني عليهم اول ولد اسمه علي اكبرهم والثاني اسمه محمد والثالث اسمه زيد واصغرهم اسمه سيف والبنات اول وحده اكبرهن اسمه اسيل والثانيه اسمه مرام والثالثه اسمه رزان
وكال الهم : هاي البنيه اسمه رهف اخر ضيف لهاي الغرفه
طلع وسد الباب رحت وراه ادك بالباب واصيح واغلط
" افتحح البابب ويننن جبتنييي يا حقيررر
اسيل : تعاي يابنيه لو تضلين منا لباجر تصيحين ماراح يفتح الباب ويطلعج
" شنوو هوه بكيفه لعبه احنا عده ؟؟!!!!
اسيل : هوه هيج يحب يعذب بالناس تدرين احنه صارلنه 5 اشهر هنا وكل يوميه يعذبنه وخلانه نشتغل بالمخدرات
" انتي شجاي تحجينن؟!
علي: اي حجيهه صح
" انتوو شبيكمم ساكتيننن يعذب بيكمم وانتو ساكتيننن؟!!!!!
علي: جبرنه نشتغل وياه بالمخدرات نوب صورنه وصار يهدد بينه اذا اعترضنه على الشغل يودي الفديوهات للشرطه حتى انتي راح ايسوي وياج هيج
" مو بكيفه ماشتغللل
محمد : راح يعذبج تنجبرين تشتغلين هيج شغله
كعدت ابجي ماعرف شسوي كل تفكيري بهلي شلون راح يتحملون اني مخطوفه وميعرفون كلشي عني اجني البنات كلهن شبكني ويواسني
مرام : يعمري لا تبجين ان شالله نلكه حل ونخلص منه
رزان : اي لا تبجين حبيبتي
اسيل : شوفي حتى احنه بجينه كومه اول ماخطفونه بس ماستفادينه شي خليج قويه لا تبجين
" اهلي شلون اني الوحيده عدهم وهسه خسروني ماكدر اتقبل الموضوع
سيف: كلنا منكدر نتقبل الموضوع بس مانكدر نسوي شي مو بيدنا
علي: والله لو بيدنا ماخليجن هنا لحضه بس ماكدر اسوي شي
" زين انتو أهلكم لسه تدور عليكم ؟
محمد: لا بالبدايه دورت علينه بعدين خلانه نخابرهم ونكللهم عساس احنه منريدهم وشردنه منهم
