ايه ...
فتحت عيوني لگيت ࢪوحي نايمه بالـگاع
بغرفه ضلمه بيها ضوء قليل طالع من الـشباڪ
غرفه قديمه ڪلش فارغه ...
احس ࢪاسي ثگيل ڪلش مااگدࢪ احرڪه
وجسمي خدران خدࢪ مو طبيعي مثل الـشلل !
لساني ثگيل مااگدر انطق ڪلمه
وين اني ؟! لـيش جاي يصيࢪ هيچ بيه ؟!
شنو مطيني حتى هيچ مااگدࢪ احرڪ ࢪوحي ؟!!
غمضت عيوني شويه اذڪرت الـشخص الـخطفنه !
اني وحوراء ! حوراء وين وين هيه هسه ؟!
شصاير بيها ؟ ميته عايشه ماادري ؟!!
حاولـت اصرخ بس ماڪو فايده ماڪدࢪ احچي شي
نزلـت دمعتي ع شعري وغمضت عيوني
مرت فتره طويلـه
ماحسيت ع ࢪوحي غفيت ........
احس شي ع شفايفي
ملـمس حاࢪ ! اصبع !
فتحت عيوني لگيته هوَ نفسه
ࢪمشت اكثࢪ من مره بس حتى اتأڪد هوَ لو لا
اي هوَ نفسه الـتعارڪت وياه حوراء بالـصيدلية !
حاولت احچي شي بس ماگدرت نفس الثگل لـ براسي
ونفس الخدر لـ بجسمي ضليت صافنه عليه وهوَ يتأملني ويتلمس شفايفي بأصبعه
تقريباً مرت خمس دقايق وحچه .....
مجد : ماردت اخذچ ردت اخذ حوراء لان غلطت وياي
بس مادري ليش اخذتچ ويَ هذيچ الساقطه
ردت احچي بس هم نفس الشي ماگدرت
مجد : لا تحاولين تحچين شي متگدرين بعد تقريباً
ساعه يله عود يفك الخدر وتكدرين تحجين
نزلت دموعي ع شعري وغمضت عيوني
مجد : لا تبجين راح ارجعچ لاهلچ لان ماريد منچ شي
كل همي حوراء اريد آدبها ع الراشدي
ضليت مغمضه عيوني وابچي
شويه وسمعت صوت باب نطبگت
عرفته هوَ طلع فتحت عيوني مالگيته يمي طالع
ضليت نايمه بالـگاع فتره طويلـه
شويه شويه احس جاي يروح الخدر لـ بجسمي
وراسي زين خف الثگل
نطقت "حوراء"
ابتسمت ابتسامه خفيفه لان گدرت احچي
رفعت اصبعي اتأكد إذا اگدر احركها
حاولت اگوم من مكاني شويه شويه
انتچيت ع الحايط وبعدين شويه شويه گمت ع حيلي
رحت للباب دگيتها شويه ونفتحت
مجد : ها گدرتي تگومين !
ايه : حوراء وين ؟
مجد : مالچ علاقه بيها تعاي وياي ارجعچ لاهلچ
ايه : مااروح اذا حوراء مترجع وياي
هز راسه بمعنى لاا
مجد : اوديچ لاهلچ احسن مااوديچ لغير مكان
ايه : گتلك مااروح اذا حوراء
متروح وياي حوراء وين ؟
مجد : ماادري
