رهف ..
گعدت خاله زينب والحزن مبين ع وجها ماحچت شي بس ساكته حاولت احچي وياها وافهمها اني اريد سيف وايهم يريد غير وحده بس ماقتنعت
سكتت ورحت گعدت ع صفحه
حاچاها عمو علي وايهم بس نفس الشي ماقتنعت
وضلت ساكته كُلشي ماحچت بس مبين عليها حزينه
كسرت خاطري من شفتها ضايجه ماگدرت ارفض طلبها بس اصلاً ايهم ميريد يتزوجني وبنفس الوقت
ماگدر اكسر خاطر سيف ، سيف يحبني ويريدني شلون اروح اتزوج صديقه !!
الشغله كُلش صعبه من ناحية كُلشي يعني اصلاً مجاي
تدخل بعقلي شلون اروح اتزوج صديق سيف واني مواعده سيف عساس احنا نتزوج !!!
طلعت من الغرفه وضليت واگفه بمكاني اباوع ؏ الناس دقايق وطلع ايهم
_ رهف
_ همم
_ شوفي اني ماريد اتزوج لان سيف يريدچ
_ ايي وهسه ؟
_ باعي يعني اگول امي متقتنع لو يجي مدري منو وهيه مريضه ماگدر ارفض اي شي
_ ايي ؟
_ خلي نحچي ويَّ سيف اني
وياچ يعني اذا انتِ قابله تتزوجيني ؟
_ ماگدر
_ مترديني؟
_ مو هيچ ماگدر اكسر خاطر سيف ، سيف يريدني واني قابله وعساس نتزوج شلون تريدني اروح واحچي وياه بخصوص هاذا الموضوع؟
_ لچ حتى عليه مو سهله واني اصلاً ماگدر اباوع بوجه سيف بس شسوي ماڪو حل ثاني امي متقتنع
_ ايهم ، سيف خطيه شلون اكسر خاطره ؟
_ حتى اني ماگدر احچي وياه بس ....
_ وثاني شي اني مااقبل اتزوج واحد لا يحبني
ولا شي ويريد يتزوجني علمود امه ؟!!
_ بهاي السالفه لا تفكرين
_ شلون يعني ؟
_ رهف تحچين ويَّ سيف لو لا ؟
_ لحضه خلي احچي ويَّ امك بلكي تقتنع ؟
_ متقتنع بس يلا روحي
دخلت للغرفه وهوَ ضل برا
اجيت گعدت يم خاله زينب
حچيت وياها شگد بس هيه ساكته
وعيونها متروسه دموع
سكتت ردت اگوم لزمت ايدي
_ ماگدر اجبرچ ع شي متردي بس اني كُلش حبيتچ وردت اتصيرين زوجة ايهم بس هاهيه اذا تردين سيف وتحبي تزوجي ان شاءلله تتهنون سوه
سكتت وطِلعت برا
_ ها شگالت؟
_ اقتنعت
ضل صافن عليه ابتسم ابتسامه مجامله
_ واخيرًا !
_ ايي بس اريد اروح لـ سيف ؟
