كل عام وانتو بالف خير حبايبي ع السنه الجديده
🫂🤍😔
_________؛
زينب : اربع اسابيع والضابط حسن ماجاي للبيت جان كل يوميه يجي من ماتت رهف لسه ويسأل ويجيب مسواك للبيت بس فجأة اختفى اربع اسابيع
من حاجيته اخر مره وكتله بعد لاتجيب مسواك مامحتاجه كلش تندمت لان حجيت وياه هيج حسيته اخذ على خاطره ف
رحت للمركز مال الشرطه ودورت عليه جان ماموجود وكالولي انتضري شويه ويجي انتضرت ساعات وكل شويه واسأل ويكلولي شويه ويجي بعدين مليت ردت اطلع من المركز جان لكيته كبالي
حسن : اهلا ام رهف شتسوين هنا ؟
زينب : هلا هيج بس ردت اسأل عليك كلت خاف صارلك شي
_ لا ماكو شي سلامتج ....تعاي تفضلي للمكتب
_لا اني رايحه مع السلامة
_اوكفي لحضه انتِ صارلج هواي منتضره هنا علمودي شو بس شفتيني ردتي ترحين؟
_ اي بس عبالي صاير شي
_زين اني عندي موضوع اريد احجي وياج
_ اي احجي شنو ؟
_مو هنا تعاي للمكتب
رحت وياه للمكتب فتح الباب
_ تفضلي
دخلت للمكتب ضليت واكفه اباوعله هوه سد الباب واشرلي على الكرسي بمعنى اكعدي كعدت على الكرسي وحجيت بهدوء
_ تفضل احجي ؟
_ احم .... شوفي اول شي ماريدج تفهميني غلط رجاءاً
_ اي تفضل
_ انه عندي أطفال ثنين ولد وبنيه الولد اسمه سجاد والبنيه اسمها رتاج
_ الله يحفضهم
_ تسلمين
_ اي يعني شنو ؟
_ اي خلي اكملج كتلج عندي ثنين أطفال ااا وانه منفصل عن والدتهم صارلي سنتين وصراحه محتاج مره تربيلي اطفالي وانه احس انتِ اتكدرين تهتمين بيهم زين
_ اني وحيدي ماعندي شي عادي جيبهم بوكت شغلك ومن تكمل تجي تاخذهم
_ يعني انه اقصد اتزوجج بس يعني بس على الورقه
_ شنو انتَ شجاي تحجي؟
_ لا تفتهميني غلط كتلج علمود أطفالي انه ماكدر اجيبهم كل يوميه وبعدين اخذهم صعبه تصير عليه
_ لا لا ستوه طلع اربعين زوجي وبنتي شلون تريديني اتزوجك؟!!!!
_ كتلج زواج بس على الورق كدام اطفالي واهلي وانه ماثق بوحده غيرج اخلي جهالي يمها
_ ماريد احجي شي بعد وياك مع السلامة
طلعت من الغرفه دمي فاير ماعرف شحجي رجعت للبيت وانه الليل كله افكر شصار ماعرف شسوي كعدت الصبح سويت ريوك جاي اتريك اندكت الباب رحت لبست الشال وطلعت فتحت الباب لكيت الضابط حسن
