رهف : ضليت صافنه افكر اذا يريد ينتقم لازم يخطف اخت سيف وينتقم منهه لان تطلكت منه ليش خطف سيف والباقين ؟!
ماتحملت وسألت سيف
: هوه غير يخطف اختك لان تطلكت منه ليش خطفكم انتو ؟!
سيف : من عرفناه يشرب كرستال رحنا اني والولد كتلناه نوب طلكنا اختي
_ اوكف اوكف ماجاي افتهم شي ابوك وين ليش مادخل بالموضوع؟
_ امي منفصله عن ابويه
_ هاا .....اسفه
_ لا عادي ليش تعتذرين هوه واحد سافل جان يعذب ب امي واختي واني
_ ماكو اب يسوي هيج ؟!
_ لا اكو شوفي شسوه بيه
نزع التشيرت مالته ودار ضهره عليه ضهره كله آثار ضرب منهه قديمه ومنهه جديده من شفت ضهره كلبي نمرد مرد عليه ماعرف شسوي تندمت لان حجيت وياه هيج ذكرته بالماضي حجيت بهدوء وبخوف
: اني اعتذر لان ذكرتك
_ لا عادي
ندكت الباب ودخلو محمد وعلي وزيد ومرام ورزان واسيل كلهم نصدموا ضلو واحد يباوع لوجي الخ افتهموا غلط واضح من وجوهم حجيت
: افتهمتوا غلط ماجاي نسوي شي
اسيل : لعد ليش سيف نازع التشيرت؟!
_ هيج جاي يراويني آثار بضهره ماكو شي
محمد : ديله البس التشيرت فشلتنه سيف
سيف : هوه تشيرت قابل شمسوي اني ؟
زيد : اسكتوا يمعودين راح يجي امير يجيب اكل النه
سكتنه كلنا وكعدنه منتضرين الاكل يجي ميتين من الجوع من الصبح ماماكلين شي شويه ونفتحت الباب دخل امير بيده صينيه اكل خلاه بالكاع وطلع ماحجه شي
كلنا كعدنه ناكل وجان الاكل قليل كلش مايكفي ل 8 أشخاص ناكل شويه شويه حتى يكفينه كلنا الولد كلهم كاموا أكلوا شويه حتى نشبع احنه البنات كملنا اكل وكلنا ماشبعانين وره شويه اجه امير دخل للغرفه
حجه بهدوء
: رهف اريدج تعاي وياي
_ ماريد اروح وياك وين موديني ؟!
_ كتلج تعاي وياي لا تخليني ارجع اضربج مثل الصبح
_ ماريد اروح وياك
علي : شتريد منهه ؟
_ انتَ معليك ولا تحجي كلمه
سيف : متاخذهه
_ ههههههه منوو انتَ بله حتى تمنعني؟
_ كلت متاخذهه سمعت لو لا ؟
تقرب على سيف لزمه من فكه ومخنزر عليه وحجه بهدوء
_ اذا عدته مره ثانيه تندم
_ ههه الزم شعره من رهف وشوف
ضرب سيف على بطنه وكع سيف بالكاع اجو الولد شالو من الكاع سيف تهجم على امير ركعه بوكس بوجهه طلع من حلك امير دم امير راح ضرب سيف على وجهه صار خده احمر ولزمه من ايده وطلعه برا
اجوي شباب ثنين اخذو سيف وراحو وسيف اسمعه يصرخ
_ اذاااا سويتتتت شييي لرهففف الااا ارجعككك لبطنن امككك
اجه امير سحلني من ايدي صرخت
_ وخرررر عنييييي وخررررر حيواننن
_ اسكتييي امشي ويايي
طلعني من الغرفه اجوي البنات يركضن وراي يصيحن ويبجن رجعوهن الولد للغرفه
اخذني امير لغرفه ثانيه فتح الباب علك الضوه وشمرني بالكاع صرخت
_ ابننن الكلببب ويننن جبتنييي شتريدد تسوييييي؟!!!!!!
نزع التشيرت مالته وحجه بهدوء
_ هسه اشوفج شراح اسوي
_ كلبببب والله اذاا سويتت شيييي املخكككك
طفه الضوه واجه يمي نزعني التشيرت واني ادفر واصرخ ضل يبوس بركبتي وبوجهي واني ادفع بصدره وادفر برجليه واصرخ وابجي حسيت روحي راح تطلع
جاب منديل وخلاه على حلكي رفست ماريد اخذ نفس بس ماكدرت اقاوم اكثر وجريت نفس عيوني شويه شويه تغوش لحد ما فقدت الوعي
سيف : اخذوني الشباب لغرفه فارغه شدو اديه ورجليه بزنجيل وجابوا عوده مال ماسحه وضلو يضربون بيه ويه كل ضربه اصرخ
وبالي كله يم رهف اخاف هاذا الحيوان يسوي بيهه شي ضلو ايضربون بيه لحد ما نكسرت العوده على ضهري طلعو من الغرفه وخلوني وحدي بالغرفه.
اسيل : طلعنا وره رهف نبجي ونصرخ منعرف شراح ايسوي بيهه دخلونه الولد للغرفه وضلو يهدون بينه
علي : لا تبجن شبيجن مراح ايسوي شي
محمد : لا تخافن ان شاء الله ماكو شي
زيد : هذوله وين اخذو سيف ؟
مرام : يااا نسينه سيف وين اخذو؟
محمد : مادري
رزان : شون مصيبه هاي ثنينهم منعرف وين اخذوهم
علي : خلي ننتضر شويه بلكي يرجعوهم
............
زينب : كاعده بالبيت وانه بداخلي نارر ندكت الباب رحت ركض لبست الشال والعبايه طلعت لكيت الضابط حجه وهوه مبتسم
: ابشرج لكيت اخبار على بتج
_ يايمه يبنيتي صدك تحجي ؟
_ اي والله تسمحيلي ادخل
_ اي اي اكيد تفضل تفضل
دخل ليجوه كعد بغرفة الخطار رحت للمطبخ جبت مي واجيت اطيته المي شرب وخله الكلاص على التخم
حجه
: مشكوره تردين تسمعين الاخبار على بتج ؟
_ صدك تحجي طبعا اريد اسمع الاخبار هاي بنيتي
_ شوفي وصلت لكاميرات المراقبه ولكيت الشخص الخاطف بتج ها ومو بس بتج اكو هواي بنات خاطفهن
_ اي لعد ليش لسه بتي ماكو ؟
_ احنه جاي نشتغل نريد نوكعه بحفره وان شاء الله ترجعلج بتج بأقرب وقت
_ ان شالله مشكور سيدي
_ هاذا واجبي
خله وطلع رحت وراه سديت الباب واني فرحانه راح ترجعلي بنيتي
يتبع 🍃
الكاتبه تالين
