رهف : عفته ورحت للخط وصلت للبيت ماحجيت شي ويه اهلي عن الي صار اليوم بدلت وتعشيت صعدت ليفوك شويه وسمعت صوت بابا يصيحني
" رهف تعاي نزلي
" اي جايه
نزلت ليجوه لكيت بابا وماما كاعدين سوه صاحني بابا كالي تعاي كعدي يمي اجيت كعدت يمه كالي
" اليوم حجيت ويه الولد الصبح وكتله البنيه متقبل هوه ضاج بس ماحجه شي خله وراح واني جنت اشتغل وياه هسه طردني من الشغل
" هاذا صدك يحجي الشغل شعليه شبي هاذا ؟!!
زينب : شفتي بله كله من وراج ابوج نطرد من الشغل بس لان مارضيتي لو راضيه جا ماصار شي
" شبيج ماما ماريد ازوج يابه ماريد انتو تدرون اني احب ابن عمي وهوه يحبني ونريد نتزوج ؟!
احمد : ولج شو لسانج طول هاي لان مدلليج عود انتي الوحيده النه ماكو زواج من ابن عمج هاذا واحد مستهتر
" مازوج لعد لو قاسم لو ماكو
زينب : اي لعد ضلي بلا زواج
"اي اضل
رحت ركض ليفوك واني ابجي وافرفح صارلي 3 سنين اني وقاسم نحب بعض وبالأخير اهلي ميقبلون نزوج بجيت لحد ماتعبت ونمت كعدت على صوت امي
" رهف يله كومي روحي للدوام تأخرتي
كمت بدلت ونزلت ماتريكت ولا سلمت على بابا لكيت ابو الخط عايفني ورايح لان متأخره رحت امشي بشارع واني دموعي تصب على خدي واديه ترجف لكيت قاسم بالطريق بس شافني اجه ركض فرحان
من شافني ابجي كال
" شبيج رهف ليش تبجين؟!!!
" قاسم اهلي ميقبلون نزوج اني استسلمت بعد ماكدر اكمل وياك كل يوميه تصير سالفه من وره علاقتنا
" لج رهف شجاي تحجين كافي اش لا تبجين والله الا اخذج واحرك الدنيا علمودج
" ميقبلون ميقبلون اهلي
" راح يقبلون معليج باجر حضري روحج راح اجيب العشيره كلها واجي اخطبج
" قاسم ترا لسه عمري 17 بعدني صغيره ؟!
" بس اخطبج بعدين نزوج
" تأخرت على المدرسه كلش راح اروح
عفته ورحت للمدرسه ماقبلو يدخلوني لان تأخرت ضليت افتر بشوارع ماعرف وين اروح جانت الدنيا بادره ومغيمه لكيت اكو رصيف بشارع كعدت عليه
ابجي اريد ازوج قاسم بس بعدني صغيره مو كد مسؤليه وخاف ماقبل لان صغيره واخسر قاسم واني احبه ضامه راسي بين اديه وجنطتي بالكاع حسيت اجه واحد خله ايده على كتفي
نزيت رفعت راسي لكيت الرجال نفسه الي اسمه أمير بيده منديل خلاه على حلكي ضليت ارفس وادفر كاطعه النفس بعدين استسلمت جريت نفس كامت عيوني شويه شويه تغوش لحد ما فقدت الوعي
وره فتره طويله كلش ياله صحيت من صحيت دايخه وجسمي كله يوجعني شلت راسي لكيت روحي بغرفه ضلمه وبيهه شباك عليه برده اسمع صوت المطر من الشباك كمت وخرت البرده من الشباك شفت حديقه
والدنيا ليل تمطر رجعت لمكاني واني خايفه واحاول اذكر شصار وره شويه ذكرت الرجال( امير ) هوه الي خطفني سمعت صوت شباب رحت يم الباب اتصنت على حجيهم مافهمت شي نفتحت الباب بعدت عن الباب شفت امير علك الضوه ويضحك كال
" ماقبلتي تزوجيني جبتج ب الغصب كتلج راح تتندمين اذا ماقبلتي بيه بس ماسمعتي كلامي
كمت اصيح وافرفح واغلط واسب ودموعي تصب على خدي وجسمي كله يرجف
"انتَ شنووو متفتهممم ابن الكلبب والله الا اسجنك حيواننننن
" اسكتي لج تردين تسجنيني هاي عود اذا طلعتي منا صاقطه
" انجببب وسدد حلكك لا تغلطط ابن الكلبب هسه يجي بابا ينهيكك والله
ضحك بستهزاء
" هههههههه تهدديني ببوج؟! ولج ابوج حصتييي فتهمتي لو لا ؟!
" انجبببب ولا تجيببب طاريييي ابويه
" كافي اسكتي صاقطه هاج اكلي
شمر الاكل بالكاع وطلع سد الباب رحت ادك على الباب واصيح واملخ بروحي
" افتحححح البابب ابنننن الكلببب الااا اشعللل ابوكك صاقط مستهتررر جنككك ثوررر ياا حيواننن
بجيت وفرفحت منا لمن تعبت وكعدت اباوع للأكل بطني توجعني من الجوع رحت اكل واني ابجي كملت اكل نمت ودموعي تنزل على شعري
.............
زينب : ولكك احمدد بتييي ماكوو ماكوو؟؟!!!
احمد : رحت دورت بل مدرسه وبل منطقه ماكووو
" كليي شلونن بنيتي راحتتت راحتتت
"لا تحجين هيج هسه اروح أبلغ الشرطه ونلكاها
رحنا بلغنا الشرطه وكلشي ماكو من أخبار ماجاي نلكه اثر الها اجه قاسم يبجي ويصيح بمركز الشرطه هوه وأهله نقهرت عليه شبكته وكمت ابجي
صار الصبح وعيوونه ماغمضت وماكو اي خبر على رهف زينب ملخت روحهاا متكدر تنطق كلمه من الصدمه رجعنا للبيت وكلنا مصدومين ونبجي منعرف شنسوي مو بيدنا بس منتضرين خبر من الشرطه
يتبع🍃
الكاتبه تالين
