رهف ..
التفتت ليوره طلعت مينا
_ شتسوين هنا ؟
_ مينا !
_ ليش گاعده بالگاع وحدچ شنو هاي الجنطه ؟!
_ تركت الشغل
_ يا شغل ؟
_ امم انتِ متدرين اني اشتغل عند أهل ايهم !
_ اوگفي شتشتغلين ؟!
_ مساعده بالبيت
ضلت ساكته مصدومه
_ زين ليش عفتي الشغل ؟
_ صارت مشاكل هواي فَـ قررت ابتعد احسن
_ زين وين راح ترحين هسه ؟
_ مادري ماعندي مُكان اروح اله
_ وراح تضلين بالشارع ؟!!
_ اي
_ امشي وياي
_ وين ؟
_ لبيتي
_ لا ماروح وياچ
_ بدون حچي تعاي وياي
سحلتني من ايدي ورحنا للگراج صعدنا بالسياره
_ مينا ماريد اروح وياچ
_ ليش ؟
_ ماريد ازعجچ !
_ صدگ تحچين ؟!!!
_ شوفي ماگدر اخليچ تعبين وياي !
_ يا تعب هاذا هوَ انتِ گاعده بالبيت شكو بيها ؟
يعني اني اذا محتاجه مساعده اروح لصديقتي انتِ متعتبرني صديقه الچ ؟
_ لا مو هيچ بس ماريد اصير عبء عليچ !
_ رهف لا عبء ولا شي لا تحچين شي اوكِ ؟
هزيت راسي اي وسكتت
ضلينا ساكتين لحد ما وصلنا لبيتها
دخلنا للبيت
_ رهف تعاي گعدي هنا راح اجيب مي واجي
_ تمام
گعدت ؏ التخم وهيه راحت للمطبخ
جابت مي واجتي گعدت بصفي
_ انتِ عايشه وحدچ هنا ؟
_ اي
_ لعد اهلچ وين ؟
_ اهلي !
_ اي ؟
_ امي متزوجه وعندها عائله وابويه نفس الشي متزوج وعنده عائله واني هنا وحدي عافوني
_ ماعندچ اخوان من امچ وابوچ ؟
_ لا ماعندي بس زوج امي عنده بنيه
وولد ومرت ابويه عدها ولد اثنين
_ مرت ابوج عندها ولد اثنين من ابوچ ؟
_ واحد من ابويه وواحد من غير شخص
