زينب : شلون راح اجيب هاي الفلوس منين اجيب ومنين ادبر روحي ماعندي غير حل واحد الي هوه الضابط حسن يكدر يحل الموضوع
رحت للموبايل دكيت عليه طلع مغلق دكيت عليه مره ثانيه هم مغلق دزيتله رساله واني متردده اذا ارسلها او لا بالخير ستسلمت ودزيتها
زينب : السلام عليكم صراحه ماعرف شلون افاتحك بالموضوع بس اني محتاجتك بموضوع اذا تكدر تجي تعال اريد اكلك على شغله
دزيتها واني كلش مستحيه من روحي اني الي جنت ماطلب حتى من أحمد شغله وهسه صرت اطلب من واحد غريب
ضليت منتضره لليل مافتح الرساله ولا شافها استسلمت ونمت كعدت الصبح رحت على الموبايل اريد اشوف اذا رد أو لا
لكيته راد عليه البارحه بليل من جنت نايمه
حسن : وعليكم السلام كلش اعتذر جان عندي شغل ستوني ياله فتحت الموبايل وشفتج داكه عليه
خو ماكو شي صاير شي ؟
كليلي شصاير خوفتيني هاا ؟
زينب : تكدر تجي ؟
دزيتها وضليت منتضره يرد عليه وره نص ساعه دز رساله
حسن : طبعا اكدر اجي مسافة الطريق وتلكيني يمج
شفتها مارديت عليه كمت نضفت البيت وغسلت المواعين ستوني كملت اريد اكعد ندكت الباب رحت لبست الشال وطلعت فتحت الباب طلع الضابط حسن
حسن : السلام عليكم
زينب : وعليكم السلام تفضل
دخل لغرفة الخطار كدمتله مي شرب المي وحجه
_ مشكوره ... ترا خوفتيني البارحه شصاير وياج احجيلي بشنو محتاجتني؟
_ ماعرف شلون افاتحك بالموضوع كلش مستحيه من عندك
_ ليش مستحيه احجي ولا تستحين اني موجود كلشي تردي يصير
_ البارحه الصبح اجه رجال ماعرفه كال البيت مرهون ابوكم قبل لا يتوفى راهن البيت واذا مدفعين خلال أسبوع 250 مليون لازم طلعين من البيت
_ صدك تحجين
_ اي والله وهسه ماعرف شسوي منين اجيب هاي الفلوس مالكيت حل ثاني غيرك تكدر ؟
_ راح احلج الموضوع
_ شلون
_ تتزوجيني ... يعني اقصد بس علمود الجهال
_ شنو ؟!
_ اني عندي نص المبلغ ماكدر كله ادفعه وهمه ميقبلون بالقسط يعني يردون كلهن سوه خلي ياخذون البيت وانتي تجين لبيتي هم علمود الجهال وهم احسن الج
_ ماكدر ماكدر شلون اتزوج
_ كتلج بس على الورق علمود الجهال والله متبهذلين
