رهف : كعدت الصبح سيف من البارحه هوه نايم بحضني ماتحرك من مكانه حطيت ايدي على متنه ....
_ سيف كوم اكعد
فتح عيونه بس شاف روحه بحضني كمز وكف على حيله ......
_ شتسوين بحضني ؟
_ انتَ نايم بحضني مو اني ؟!
_ هاا ايي اقصد اني شسوي بحضنج ؟
_ سيف شبيك متذكر البارحه شصار ؟
فتح عيونه على وسعهن ....
_ صار شي بيناتنا ؟!!!
_ ولك سيففف البارحه جان ابوك موجود ويانه وكلك امك ماتت وامي تزوجت انتَ كمت تبجي ونمت بحضني ؟
_ راسي راح ينفجرر
_ تذكرت؟
_ اي ..... رهف خاف عدي يجذب ؟
_ ليش يجذب ؟
_ يعني امج تزوجت وامي ......
_ سيف سيف اسكت لا تحجي بهاذا الموضوع شغله وصارت هاهيه ماكدر بعد احجي بالي صار
_ رهف امي شلون......
_ هاذا يومها منكدر نكول شلون وليش كله بيد الله الله يرحمها
نفتحت الباب دخل امير ....
_ يله كومو جماعتكم منتضريكم حتى ترحون تسون مهمه وترجعون
سيف : شوف هاذا البطران
رهف : امشي سيف خلي نروح للبنات والولد
طلعنا من الغرفه رحنا للصاله لكينا الولد والبنات منتضرينه وعدي موجود وياهم رحنا وكفنه يمهم .....
عدي : شوفو اليوم اكو مهمه غير عن المهمات السابقه
علي : شون يعني ؟
عدي : اليوم ماراح تهربون مخدارت ولا اسلحه
زيد : لعد شنسوي ؟
عدي : اليوم راح تبوكون مخدرات واسلحه من مستودع
سيف : نوب حراميه نشتغل ؟
عدي : مو حراميه هذني الي راح تبوكوهن بالأساس هنه مالتنه بس همه ذوله الجماعه اخذوهن منه
رهف : اي ويعني نجيب المخدرات والاسلحه لهنا؟
عدي : اي لهنا راح يروح وياكم بس حراس ثنين اصلا انتو تعرفون الشغل ماكو داعي حراس هواي تروح وياكم تكدرون وحدكم مو ؟
اسيل : طبعا نكدر الله يسلمك علمتنه
عدي : ههههههه
امير : يله يله بدلو لبسو لبسكم وتلثمو حتى ترحون ويه هذوله الحراس الاثنين
رحنا بدلنا ملابس اسود كلها وتلثمنه طالعه بس عيونه واخذنا اسلحه
طلعنا من المستودع طلع ويانه عدي وامير ...
