رهف : كعدت الصبح
نزلت ليجوه لكيتهم كلهم نايمين
ولا واحد كاعد طبيت للمطبخ حضرت الجاي
وحضرت الريوك وضليت منتضره بالمطبخ
وره شويه اجه ايهم
ايهم : صباح الخير
رهف : صباح النور......سويت ريوك تتريك ؟
ايهم : والله صراحه اني ماحب اتريك
هزيت راسي بمعنى اي
ورحت طفيت الجاي وهوه على السنكي يغسل
دك الموبايل مالته
نشف وجها وأيده واجه فتح الموبايل وهوه مبتسم
ايهم : صباح الخير عيني شلونج
مدري شكالت ......
فتح كاميرا وهوه يضحك
صوت : شلونك ؟
ايهم : زين
صوت : ليش صارلك هواي مامخابر؟
ايهم : نور اني شكتلج مو ماريد يصير بيناتنا شي قبل لا نخطب ؟
صوت : اي شوكت نخطب ؟
ايهم : اليوم راح احاجي ابويه
صوت : والله؟!!!
ايهم : والله
صوت : عزهه يعني راح نزوج ايهممم؟!!!!!
ايهم : اي راح نزوج اليوم تعاي الضهر حتى نحاجي اني وياج بليل من يجي
صوت : خوش
ايهم : يله باي اريد اروح للشركه
صوت : باي تجي بليل؟
ايهم : اذا اكدر اجي الضهر
صوت : خوش باي
سد التلفون راد يطلع .....
رهف : هاذي منيه ؟
ايهم : نور بنت عمي راح تصير مرتي قريبا
رهف : من نضفت غرفتك شفت صوره الك وبنيه؟
ايهم : اي هيه هاي نور
رهف : الله يهنيكم
ايهم : شكرا
طلع من المطبخ ضليت كاعده وحدي شويه واجه همام
ماحاجاني رئسن راح غسل وطلع
طلعو ايهم وهمام وعلي كلهم راحوا
شويه وندكت الباب رحت فتحت الباب لكيت الولد واسيل
اجتي اسيل شبكتني وحجت
اسيل : شلون تضلين هنا ؟
رهف : اليشتغلون هيج شغله لازم يعيشون هنا
علي : شنو تعيشين هنا؟
سيف : ولج رهف صدك تحجينن ناس متعرفيها ؟
