رهف : كعدت على صوت الباب يندك
رفعت راسي مفتحه عين ومغمضه عين
وحجيت بنعاس
"منوو ؟"
اريج : اني اني رهف فتحي الباب
كمت فتحت الباب ودخلت اريج للغرفه
اريج : راح نروح للسوك يله بدلي عسريع خلي نروح
رهف : هاا اي هسه دقايق
راحت اريج قفلت الباب وبدلت كملت طلعت من الغرفه وشفت ايهم واكف يم باب غرفته
ويعدل بقميصه انتبهلي
ايهم : ها رهف تعاي
هزيت راسي بمعنى اي ورحت يمه نزلنا سوه
شفت زينب وهبه ورتاج واريج واكفات يم الباب
رحنالهم وكفنه يمهم
ايهم : يله ؟
هبه : خلي يجي همام
ايهم : راح اروح اشغل السياره صيحو خلي يستعجل شويه
هبه : راح اروح اصيحه
طلع ايهم من البيت وهبه صعدت فوك
رتاج : بنات هسه كولن ششتري؟
اريج : خلي نروح ونشوف
رتاج : والله احس ماراح يعجبني شي
زينب : لا ليش هواي ملابس بالسوك حلوات
اريج : لعد احنا شنو راح نروح بس للسوك ؟؟
زينب : اي لعد المن تردين ترحين ؟
اريج : اريد اروح مول مجمع اي شي غير السوك ؟!
زينب : لا ولج منلحك تصير دنيا ليل
اريج : اي عادي واذا خلي نتعشه برا ؟
زينب : مادري كلي ل ايهم ترا ابوج ماراح يروح ويانا
اريج : اي عادي اني احاجي ايهم
اجوي همام وهبه
طلعنا من البيت رحنا للسياره لكينا ايهم كاعد يسوق
هبه وهمام ورتاج راحوا بسياره وحدهم
واني واريج وزينب رحنا ويه ايهم
زينب بالصدر يم ايهم واني واريج وره
مشينا شويه ساكتين
شويه وحجت اريج
اريج : ايهم
ايهم : همم
اريج : خلي نتعشى برا ؟
ايهم : ماشي بكيفكم
ضحكت اريج والفتت عليه ابتسمت وباوعت لمراية السياره لكيت ايهم يباوعلنا ومبتسم درت وجهي بسرعه ضليت اباوع على الشارع من الشباك مال السياره حجيت بكلبي
"هسه اني شعدي طالعه وياهم ؟ اني بنيه غريبه ليش طلعت اوففف"
اريج : رهف ؟
رهف : ها
اريج : شبيج صافنه ؟!
