زينب : طلعن طلعت وراهن شويه واجه حسن
كعد على التخم واني واكفه كباله حجيت
_ شو تأخرت ؟
_ وديت الجهال للمدرسه وبعدين رحت للمركز شفت شكو ماكو عود ردت ارجع لهنا خابرتني بيبية الجهال ام امهم تريد تشوفهم رحت اخذتهم من المدرسه ووديتهم الها بليل اجيبهم
_ ها خوش
_ شسويتي غده ؟
_ سويت مركة باميا وتمن
_ عاشت ايدج
_ نصلي واصب غده لو نتغده وبعدين نصلي ؟
_ لا خلي نصلي
_ خوش هوه اصلا بعد شويه ويأذن
_ زينب
_ ها ؟
_ تعاي كعدي اريد اسألج سؤال ؟
اجيت كعدت يمه مستغربه حجيت ....
_ كول شنو السؤال ؟
_ شوفي تخيلي يعني هسه اذا اني غير شخص يعني مو مثل الي انتي تشوفي تضلين وياي ؟
_ هههه يعني ليش اتخيل هيج ؟
_ مادري هيج هسه كولي ماجاوبتي ؟
_ مافتهمت وضح أكثر ؟
_ شوفي هسه اني ضابط وهيج تخيلي اطلع مجرم تضلين وياي ؟
_ ابتسمت ، يمهه مجرم هيج بسرعه
_ متضلين وياي اذا اطلع مجرم ؟
_ حسن شهل سؤال يعني شنو مجرم شنو اضل وياك لو لا
_ زينب شبيج اكلج اذا اطلع مجرم تضلين وياي لو تعوفيني؟
_ يعني اذا مجرم طبعا اعوفك ؟!
_ امم تعوفيني ؟
_ مجرم مجرم ترا ؟
_ يمكن كلتي هيج لان هسه متحبيني يعني من تحبيني تضلين وياي ؟
_ حسن انتَ مجرم؟
_ لاااا جاي اكلج تخيلي خيال خيال شبيج انتِ ؟
_ ههه انتَ مدري شبيك يعني ليش اتخيل انتَ مجرم ؟
_ هيج جوز بالمستقبل اصير مجرم
_ حسن شارب شي ؟
_ ولج شجاي تحجين ؟
_ حجيك غريببب اليوم شكو ؟!
_ هيج انسي
سكتنا وضليت كل ساع اباوعله مستغربه ليش هيج حجه بعدين إذن كمنا صلينا وصبيت غده تغدينا كمت غسلت مواعين
وسويت قالب كيك علمود نسوان حماي ونوب عزلت البيت وكعدت على التلفزيون يم حسن .....
_ اكلج اني راح انام تعبان كلش
