رهف : نايمه واسمع صوت اريج تدك الباب
كمت من الفراش ورحت فتحت الباب
_ صباح الخير رهف
_ صباح النور ، تعاي دخلي؟
_ لاا اجه زيد ياخذنا اني ورتاج بس يريد يشوفج اجيت صحتج
_ هاا ، يله خلي ننزل
طلعت من الغرفه ونزلنا اني واريج
_ اريج اهلج كعدوا ؟
_ لاا بعدهم محد كاعد بس اني ورتاج
_ ها همزين
طلعنا بالصبه ولكينا رتاج وزيد يم السياره واكفين
زيد : هلااا رهوف صباح الخير
_ صباح النور شلونك ؟
زيد : الحمدلله اريد احاجيج بشغله؟
رهف : اي احجي ؟
اريج : اني ورتاج راح نصعد بالسياره
هز راسه زيد بمعنى اي
صعدت اريج ورتاج بالسياره
اجه زيد يمي ...
_ رهف
_ شكو زيد شصاير؟
_ لا تخافين ماصاير شي بس اني والولد واسيل البارحه من رجعنا للشقه كعدنا نحجي بخصوص حملج
_ ايي ؟؟
_ ليش متزوجين انتِ وسيف ترا والله ماراح تلكين مثل سيف ولد حباب وانتِ تعرفي وسيف ترا عنده مشاعر تجاهج وهوه قابل انتِ حامل ، هاا شتكولين؟؟
_ زيد ، وكته هاذا الحجي ؟
_ رهف لعد شوكت اكلج ماكو فرصه
نكعد سوه ونحجي ؟؟
_ وانتَ شمدريك سيف عنده مشاعر تجاهي؟
_ البارحه مو كتلج كعدنا وسولفنا عرفته يحبج من حجيه هسه رهف عوفينا من هاي السالفه تقبلين تزوجين سيف ؟؟
_ وليش انتَ الي جاي تكولي غير هوه يجي ويكول ؟
_ يعني انتِ قابله ؟
_ لاا ماقابله اني كلت اجيب الطفل واطي لدار الأيتام
_ ليش هوه الطفل شنو ذنبه ؟؟
_ ماله ذنب
_ لعد شكو تطي لدار الأيتام والله حرام وخطيه ترا روح هاذا الطفل يعني سيف وقابل ليش مترضين؟
_ اوفف مادري زيد مادري
_ رهف فكري ومن اجي العصر اوصل البنات هم احجي وياج تمام ؟
_ هزيت راسي بمعنى اي
وراح زيد للسياره
.....................
اريج : صعدنا بالسياره اني ورتاج ونباوع ع زيد ورهف يسولفون كلشي منسمع
اريج : هاي شيسولفون؟
