رهف ...
مࢪ يومين .....
اليوم هوَ خطوبة زيد واريج ....
قبل يوم من الخطوبه رحنا للسوگ اشترينا ملابس
ڪلنا گاعدين من الصبح ونحضر ومخبوصين
وڪلها فرحانه اجوي زيد وسيف وعلي واسيل
من الصبح حتى يحضرون ويانه الخطوبه
ايهم وهمام وسيف وعلي وزيد ڪلهم راحوا للحلاق
واريج راحت لصالون وراحت وياها خاله زينب
عمو علي گاعد ويه العمال يجهزون بالڪوشه
واني واسيل وهبه ورتاج نضف البيت
ڪملت الڪوشه وراحوا العمال
واحنا ڪملنا التنضيف بعد ڪلشي ماعدنا
عمو علي : يله بناتي اني راح اروح
اجيب غدا من برا لان انتن خطيه بعد متلحگن
هبه : ماشي عيني روح الله وياڪ
عمو علي : مع السلامة
ࢪدينا " الله وياڪ "
هبه : اني راح اروح اسبح
رتاج : ايي حتى اني
رهف : ماشي
هبه : روحن انتِ واسيل سبحن ؟
رهف : ايي هوَ راح نصعد فوگ نسبح
هبه ورتاج راحن يسبحن
اسيل : يله رهف امشي ؟
رهف : ايي يله
صعدنا فوگ لغرفتي
_ اسيل ؟
_ ها
_ ماراويتيني ششتريتي؟
_ هاا ايي تعاي شوفي
راحت جابت العلاگه مال الملابس واجتي
گعدنا ع چربايه
طلعت فستان طويل لون اسود
ضيگ مفصل الجسم ڪُله
وڪُله لمع ...
_ باعي هاذا الفستان حلو ؟
_ ايي ولچ ايجنن
_ باعي هاي مال الولد
طلعت ملابس بنطلون وستره رسمي اسود
وتشيرت ابيض كلهن نفس الشي
_ هاي شنو اشتروا الولد ڪُله نفس الشي ؟
_ ايي ڪلهم نفس الشي من رحنا للسوگ
لعبوا بيه لعب لان اتأخرت يله اشتريت
وهمه ضلوا خمس ساعات يختارون
_ ههههه لاا اني رحت ويه عمو علي هوَ أخذنا الي بالبيت ڪلنا رحنا وياه
_ ها اگلچ ؟
_ ها
_ لعد انتِ شلون وبطنچ
وين اڪو فستان يصير ع بطنچ ؟
_ ماشتريت فستان
_ لعد ششتريتي؟
_ بنطلون اسود وتشيرت وردي
_ ياااا رهف ترا هيه خطوبة ؟
