مساء الخير 🤍🌜
ممكن تفاعل ؟!
....................
سيف : كعدنا الصبح غسلنا
ونزلنا رحنا للمطعم بقو بالشقه زيد ورهف علمود المره الي حاجوها البارحه بخصوص الشغل
دخلنا للمطعم ليجوه ليكنا اكو عمال اجه صاحب المطعم وحاجانه بخصوص الشغل علمنه عليه
صاروا اسيل وعلي على غسل المواعين واني بره اشتغل اقدم جاي
اشتغلنا من الصبح ساعه ب 8 وكملنا ساعه 12 بليل
الشغل كلش يتعب رجعنا للشقه مكسرين .......
لكينا زيد منتضرنا ......
سيف : ها اجيتو وين رهف ؟
زيد : رهف راح تبات يمهم
سيف : شنو تبات
اسيل : تبات؟!
زيد : هيه تشتغل مساعده هناك اكيد تبات يمهم يعني تعيش يمهم منا لمن تبطل من الشغل
سيف : شلون تعوفها وحدها هناك ؟؟!!!
علي : ولك انتَ اثول هيه تعرفهم حتى تبات يمهم
زيد : اني شعليه هيه رهف قابله
اسيل : حتلو قابله ميصير تعوفها وحدها
زيد : عمي هيه تشتغل مساعده بالبيت لازم تضل يمهم تعيش يمهم وبعدين اني مالي علاقه باجر روحو لرهف وحاجوها لا تذبوها براسي
سيف : رهف شلون تضل يمهم وهيه متعرفهم؟!!!!
علي : باجر نروحلها الصبح قبل لا نروح للمطعم
اسيل : اي عمي شلون نعوفها وحدها
زيد : اني راح اروح انام
رحنا كلنا نمنا زيد وعلي وسيف كلهم بغرفه واسيل وحدها بالغرفه الثانيه ...........
..............
رهف : راحوا سيف وعلي واسيل للمطعم وبقينا اني وزيد منتضرين المره
ضلينا تقريبا ساعه ونص منتضرين بالشقه ياله اجتي المره
ندكت الباب راح زيد فتح الباب دخلت المره .....
_ صباح الخير
رهف : صباح النور تعاي كعدي خاله
اجتي كعدت يمي واجه زيد كعد
_ شوفو اني البارحه حاجيت وقبل يشغلكم الولد سايق يودي البنات للجامعه ويجيبهن وانتي مساعده بالبيت
زيد : يا بنات ؟
_ بناتنا
رهف : شكرا خاله والله متتخيلين شكد محتاجين هاذا الشغل شوكت نبدي ؟
_ اذا تردون اليوم ؟
زيد : اي اي اليوم
_ يله لعد انتَ تسوق واني ادليك على بيتنا ؟
